Apokaripxi 15:4 - Ritonõpo Omiry: A Bíblia Sagrada na língua Aparai do Brasil

⁴ Onoky ouno pyra exikety nae nah? Arypyra, ouno emero mã toto, yna esẽme oexiryke. Imehxo oehtoh poko ekãtõko mã toto emero porehme. Omoro rokẽ kurãme nymyry mase. Pata tamuru põkõ emero oehnõko mã toto, ‘Kure mase,’ katohme oya. Kure rokẽ orĩko mã toto. Tosekumuru po porohnõko mã toto oẽpataka, kure oexiry eneryke tyya xine, emero pata põkõ punero,” tykase toto toremiarykõme.

Apokaripxi 15:4 ပူးပေါင်းရင်းမြစ်များ

Saumu 105:7

Ritonõpo Kuesẽkõme mana; inyripohpyry sero nono põkõ akorehmatohme mana emero porehme.

Saumu 111:9

Typoetory tõ tymyhpokase Ritonõpo a, tõmiry totapose roropa eya xine jũme onytyoromara ehtohme. Kure mana jamihme roropa!

Saumu 22:23

“Ritonõpo a eremiatoko, emero ipoetory tomo. Inyrityã kurã ekarotoko, Jako pakomotyamo! Oesẽkõme eahmatoko Izyraeu tomo!

Saumu 22:27

Imeimehnõ nonory põkõ emero osenetupuhnõko mã toto Ritonõpo poko. Sero nono etyhpyry po eramãko mã toto eya, Tosẽkõme aenetupuhnõko mã toto, eahmãko mã toto, emero.

Saumu 22:3

Tuisa apõ po typorohse mase, Ritonõpo kurano. Omoro mase Izyraeu tõ neahmahpyry.

Saumu 86:9

Emero ahno onyrityã oehnõko, tosekumuru po porohnõko mã toto oẽpataka; imehxo oehtoh eahmãko mã toto

Saumu 89:7

Ouno mã toto kurãkõ tõximõse ahtao; osenuruhkãko mã toto oeneryke tyya xine.

Saumu 97:8

Zae rokẽ imehnõ apiakary poko oya, Ritonõpo, pata Jerusarẽ põkõ tãkye mã toto, Juta patary põkõ roropa atãkyemãko mã toto.

Saumu 99:5

Ritonõpo Kuesẽkõ seahmatone kuosekumurukõ po syporohtone apõ konõto ẽpataka. Ritonõpo Kuesẽkõ kure rokẽ mana.

Saumu 99:9

Ritonõpo Kuesẽkõ eahmatoko. “Kure mase,” kahtoko eya esary po, ypy kurã po. Ynara exiryke, Ritonõpo Kuesẽkõ kure rokẽ mana.

Izaja 24:15

Xixi tũtatoh wino exiketõ eremiãko mã toto Ritonõpo eahmãko. Tuna konõto ehpiõkõ Ritonõpo, Izyraeu tõ Esẽ eahmãko mã toto.

Izaja 25:3

Morara exiryke ahno jamihmãkõ oeahmãko mã toto, imehxo oexiry enetupuhnõko pata tõ põkõ mana, zehnotokõ nonory po.

Izaja 26:9

Yronymyryme amaro se ase ukurohtao koko; yronymyryme ise oehtoh waro jexiry se ase. Ynara exiryke, sero nono põkõ apiakaryhtao oya, tuãnohse roropa toto ahtao oya, zae ehtoh waro exĩko mã toto.

Izaja 45:23

Jomihpyry totapose ya, onytyoromara ase; ynara tyripõko ase jomihpyry ae ro: ahno tõ emero tosekumurukõ po porohnõko mã toto jẽpataka, osekarotohme ya, jomipona toehtohkõme.

Izaja 57:15

“Ywy ase Kapuaono, Ritonõpo Kurano, Jũme isene Exikety, ynara ãko ase: Jesary kae exiketyme mana, osa kurãme mana, yrome jesary roropa mana epyrypara exiketõ esaryme, tyyrypyrykõ poko emynyhmaketõ esaryme roropa, toto akorehmatohme jenetupuhtohme roropa apotũkehpyra toto ritohme roropa.

Izaja 6:3

Oturũko toh nexiase opore oseya, ynara ãko: “Kurano, kurano, kurano! Ritonõpo Jamihmehxo Exikety kure mana; Saeremehxo aexiry sero nono pehkãko mana!”

Izaja 60:5

Moro eneryke oya xine atãkyemãko matose yronymyryme; tykytyky ãko oeanokõ mana jamihme samo tãkye oehtohkõke. Moe nono põkõ tuna konõto akuohnõko mã toto tymõkomorykõ kurã enepyryme oya xine.

Jeremia 10:7

Onoky ouno pyra hnae, emero nono põkõ Esẽme mase? Kure kuhse mase yna a, imehxo oexiryke. Imepỹ pyra mana asã exikety, tuaro exiketõ rãnao, ahno tuisary tõ rãnao.

Jeremia 16:19

Ynara tykase ywy: — Ritonõpo Jesemy, Jewomaneme mase, yjamitunuru ekarõko mase ya; jakorehmãko mase popyra ehtoh toehse ahtao ya. Sero nono etyhpyry tõ poe imehnõ ahno oehnõko oya ynara kase: “Yna tamuru tõ tyneponãmarykõ ajohpe rokẽ nae nexiase; tyneponãmarykõ typahsẽme rokẽ nae toh nexiase.

Jeremia 5:22

Ywy ase Ritonõpo Oesẽkomo. Oty katohme juno pyra hmatou? Oty katoh tykytyky kara hmatou jẽpataka? Isawã rine tuna konõto ehpiryme jũme onymotyẽkara ehtohme. Tuna konõto osemãko, yrome tosae tũtara mana; pohkane tõ aryryãko reão sã repe, yrome ytopyra mã toto tosarykõ poe.

Ozeja 3:5

Yrome ẽmepyry oehnõko mana: Izyraeu tõ oehnõko ropa Ritonõpo eahmase ropa Tosẽkõme. Tutuisake exĩko mã toto tuisa Tawi paryme exikety. Morarame Ritonõpo eahmãko mã toto Tosẽkõme, aomiry omipona, inekarory kurã tuhke apoĩko roropa mã toto.

Apakuke 1:12

Moino ro mase, Ritonõpo, jũme. Jesẽme mase, zae rokẽ Exiketyme mase, Kurano. Yna Ewomaneme mase. Papironio tõ tymenekase oya, jamihme tyripose toto oya yna wãnohtohme.

Zakaria 14:16

Moromeĩpo mokaro ahno tõ akoĩpyry tõsetapase aexityã Jerusarẽ põkõ poremãkary poko, mokaro ytõko mã toto moro pata pona emero jeimamyry ae, Ritonõpo Jamihmehxo Exikety eahmase Tuisa Konõtome, atãkyematohme roropa Oseahmatoh Tapyi Pisarara poko.

Zakaria 2:11

Moro ẽmepyry toehse ahtao ahno tõ tuhke oehnõko mã toto Ritonõpo Oesẽkomo a, ipoetoryme exĩko mã toto. Imaro xine exĩko roropa mana. Mame zuaro exĩko Izyraeu tõ mana, Ritonõpo Jamihmehxo Exikety a tonyohse ywy oturuse imaro xine.

Marakia 1:11

Imeimehnõ nonory po emero, jeahmãko mã toto. Emero rokẽ po ixtaratu zahkãko imehxo jehtoh ekaroryme, tokykõ kurã ekarõko mã toto tynekarorykõme ya. Emero Tuisamehxo jekarõko mã toto.

Romanos 15:9

juteutõkara akorehmatohme roropa: “Kure mase, Ritonõpo,” katohme eya xine typynanopyrykõ poko eya. Ynara tymerose Ritonõpo omiryme: “Morara exiryke, ‘Kure mase Ritonõpo’ ãko ase juteutõkara netaryme. Eremiãko ase kure oehtoh poko,” tykase.

1 Peturu 1:16

Ynara ãko Ritonõpo mana: “Kure rokẽ ase, tyyrypyhpyke pyra ipunaka. Naeroro ysã ehtoko, oorypyrykõ poko pyra ehtoko,” ãko.

Apokaripxi 11:15

Mame imepỹ Ritonõpo nenyokyhpyry rue etone, etyhpyrymano. Mame omi opore exiketõ etase kapu ao. Ynara nase toto: — Seromaroro Kuesẽkõ sero nono esẽme toehse rahkene tynymenekahpyry maro. Tuisame exikehpyra mana jũme, nase toto.

Apokaripxi 14:7

Ynara nase opore: — Ritonõpo zuno ehtoko, kure rokẽ tyritoko roropa. “Kure mase imehxo,” kahtoko eya, sero põkõ apiakatoh toehse exiryke porehme. Naeroro oesekumurukõ po oporohtoko Ritonõpo ẽpataka, “Kure mase,” katohme eya. Kapu rihpõme ynororo, nono tõkehko rihpõme, tuna konõto roropa iporiry tõkehko emero rihpõme mana.

Apokaripxi 16:5

Imepỹ Ritonõpo nenyokyhpyry omiry etase, tuna erase omiry etase. Ynara tykase ynororo: — Zae rokẽ mase. Azahkuru pyra roropa mase ipunaka iirypyrymãkõ wãnopyry poko oya, kure oexiryke. Kure exikehpyra mase, moino ro mase roropa.

Apokaripxi 16:7

Mame imepỹ omi etase tynekarory zahkatoh poe. Ynara nase: — Kuesẽkõ Ritonõpo imehxo mase. Ajohpe pyra mase. Zae ro imehnõ apiakãko mase. Zae ro toto wãnohnõko mase, nase.

Apokaripxi 19:2

Zae mana, kure roropa mana imehnõ apiakary poko. Mokyro nohpo iirypyryme exikety tuãnohse eya iirypyryme sero põkõ tyrise exiryke eya, toto poko toehse exiryke. Mokaro tuãnohse Ritonõpo a typoetory totapase eya xine exiryke, nase mokyro.

Apokaripxi 19:8

Tupõ kurã amurũko nohpo mana, upo karimutume kuhse exikety. Mokyro sã Ritonõpo poe ipoetory tõ kure exĩko mana, nase ynororo. (Toto zupõme sã kure toto ehtoh mana.)

Apokaripxi 3:7

— Jomiry imeroko ynenyokyhpyry neneryme, ypoetory tõ Pirateupia põkõ amorepane neneryme. Ynara kaxiko eya: “Ynymerohpyry moro oneneryme. Ywy ase kurãme. Ajohpe pyra ase ipunaka. Tysorotoke ase, Tawi kyryrỹpyry ke. Osa totapuruhmakase ahtao ya moro anapurupyra imehnõ mana. Tapuruse ya ahtao anapuruhmakara imehnõ mana.

Apokaripxi 4:8

6me taporihke toh nexiase. Tonure tuhke toh nexiase aporirykõ poko, zopino, epoe roropa, enara. Eremiakehpyra toh nexiase saereme, koko, enara. Ynara nase toto: “Kurano, kurano, kurano, Kuesẽkõ Ritonõpo, Imehxo Exiketyme mana. Pake exikety ynororo. Seromaroro nae ro mana. Myarotokoro ynororo jumanatome,” nase toto.

Apokaripxi 6:10

Opore ynara nase toto: — Yna esẽme mase. Orẽpyrahxo exiketyme mase. Kure mase ipunaka. Zae roropa mase. Otãto ise ro nono põkõ apiakatohme oya nae toto wãnohtohme, yna mỹpotohme oya? nase toto.

1 Samueu 2:2

Emero motye kurãme Kuesẽkõ mana. Imepỹ pyra mana, ritõ pyra, ewomane pyra. Kuesẽkõ rokẽ Kuewomanekõme mana.