Apokaripxi 14:20 - Ritonõpo Omiry: A Bíblia Sagrada na língua Aparai do Brasil

²⁰ Mame axikaru euhkary sã moro epery touhkase euhkatoh ao, pata myhto. Munu tutũtase euhkatoh ae iporiry samo, 300 kirometuru mosa exiry. Zueme exiry toiro meturu zokonaka.

Apokaripxi 14:20 ပူးပေါင်းရင်းမြစ်များ

Jenexi 49:11

Toky jumẽtu myhnõko mana, uwa zoko pokona, uwa zoko kurã pokona. Zupõ kurikãko mã eukuru ke, tupõ jaraõ kurikãko roropa mana eukuru tahpiremã ke, munu panõ ke.

Izaja 66:24

Moromeĩpo tutũtase ropa toto ahtao pata poe aorihtyã ekepyry enẽko mã toto, toorihse aexityã jomihpyry omipona pyra toehse toexirykõke. Mokaro ekepyry onenahkehpyra moromoro exĩko mana, orihpyra roropa mã toto, moroto apoto mokaro zahkatoh ezehpyra roropa mana. Moro eneryke: ‘Xe! Jam,’ ãko mã toto, nuriame eya xine exiryke.” Ywy, Ritonõpo, oturuase.

Ramẽtasão 1:15

“Ypoetory tõ jamihmehxo exiketõ typoihtose Ritonõpo a. Imehnõ soutatu tõ tonehpose eya ypoetory tõ nuasemãkõ enahkapose. Ahno kurã tutũmase eya uwa epery akurihmory samo, eukuru riryhtao.

Ezekieu 32:6

Omunuru ke nono ehxikãko ase ypy tõ pona, tuna tõ pehme roropa exĩko mana.

Joeu 3:13

Mokaro ahno tõ iirypyrymehxo mã toto, naeroro tysahsahkasẽme exĩko mã toto tiriiku toehse exikety samo, isahkatoh po toehse ahtao; tytũtũmasẽme exĩko mã toto uwa tõ tũtũmary sã eukuru ritoh ao, uwa eukuru ekuãtoh pona.”

Teuteronomiu 32:14

Tauhpase toto pui tõ suhsuru ke, poti tõ suhsuru ke roropa. Okyno pũ kurã tokarose eya xine, kaneru tomo, poti tomo, pui tõ roropa, tiriiku kurã roropa, uwa eukuru jehnahpyry kurã roropa.

Apokaripxi 11:8

Mame osema taka toto ekepyry emãko mana, moro pata konõto po, Kuesẽkõ exixihmatopõpyry po. Moro pata tyorõ ke esehtõko toto seromaroro. “Sotoma moro,” ãko mã toto. “Ejitu,” ãko roropa mã toto iirypyryme moro pata põkõ exiryke itamurume.