Apokaripxi 12:2 - Ritonõpo Omiry: A Bíblia Sagrada na língua Aparai do Brasil

² Poetoẽme nexiase. Enurusasaka nexiase. Kui ãko roropa nexiase ynororo jetũ toexiryke poeto ke.

Apokaripxi 12:2 ပူးပေါင်းရင်းမြစ်များ

Izaja 26:17

Nohpo tonururuhtao kui ãko mana jetũ toexiryke; moro sã ynanexiase opokoino, Ritonõpo.

Izaja 53:11

Morarame etuarimakehxĩpo tãkye exĩko ropa mana yronymyryme. Ynara zuaro mana: toiparo rokẽ pyra toetuarimase ynororo. Ypoetory iirypyryme pyra mana, yrome tuãnohse ynororo tuhkãkõ rypyhpyry epona tyrise ahtao ya, toto kurãkãko ase, iirypyry korokãko ase ypoetory orikyry ke.

Izaja 54:1

Jerusarẽ, nohpo emũkuapitopỹ sã mexiase, yrome seromaroro oeremiako, okohtako ãtãkyemaryme, ynara ãko Ritonõpo exiryke: “Mose nohpo, inio nurumekahpyry tuhkehxo emũkuãko mana, tynioke exikety motye.”

Izaja 66:6

Etatoko pahne, panaikato konõto pata po, panaikato Ytapyĩ tao! Ritonõpo Oesẽkõ moro panaikato rĩko mana, tyzehnotokõ wãnohnõko mana toto nyrityã emetakame.

Mikeja 4:9

Jerusarẽ, oty katohme xitãko mah nohpo samo aenururuhtao jetũ toehse ahtao? Tutuisake pyra toehse matou? Tamorepaneke pyra roropa hmatou?

Mikeja 5:3

Epetõkara a Izyraeu tõ ekarõko Ritonõpo mana, toto poremãkãko mã toto nohpo mũkuru enurutohto; mokyro nohpo enurũko mana. Mame Izyraeu tõ imeimehnõ nonory po imehnõ namotome aexityã oehnõko ropa mã toto tyekyry tomo a, Ritonõpo nekarohpyry pona.

Mateu 24:8

Morara toehse ahtao etuarimapitõko exino, poeto ẽ enurupitory samo.

João 16:21

Nohpo ke mana enurusasaka tahtao tãkye pyra mana aporo sam karyke tyya. Yrome tonuruse poeto ahtao toetuarimatopõpyry poko axĩ wenikehnõko ropa mana. Tãkye rokẽ exĩko mana poeto eneryke tyya.

Karaxia 4:19

Poetohti, opoko xine sam ãko ase. Enurusasaka exikety sã ase sam ãko opoko xine. Sam kakehpyra ase roropa Kyrixtu omipona ipunaka oexirykõ eraximaryke ya.

Karaxia 4:27

Ynara ãko Ritonõpo omiry: “Kuku, emũkuapitopyra mase repe. Yrome tãkye exiko. Poetoẽme exipitopyra mase repe. Yrome tãkye exiko. Onio nurumekahpyryme mase repe. Yrome tumũkue exiketyme exĩko mase tuhke. Tynio maro exikehpyra exikety motye emũkuãko mase. Naeroro tuhke opoenõ emamyryke tãkye exiko,” tykase Ritonõpo. Moro tymerose Izaja a pake.

Apokaripxi 12:4

Xirikuato tarose eya kapu ae tarokyry ke. (Oseruao xirikuato ahtao toiro tarose eya.) Mame xirikuato tõ tynarotyã tomase eya nono pona. Nohpo enurukety ẽpataka toexikihmase ynororo, aenururu eraximatohme tyya, poeto enahtohme tonuruse ahtao.