Apokaripxi 12:12 - Ritonõpo Omiry: A Bíblia Sagrada na língua Aparai do Brasil

¹² Naeroro atãkyematoko kapuaõkomo. Yrome myhene nono põkomo, tuna konõto kuaõkõ roropa, tyhtose joroko tamuru exiryke oya xine. Zekĩtapãnõko roropa mana okyna hkopyra tuãnopyry ehtoh exiryke. Moro waro toexiryke zekĩtapãnõko mana, nase.

Apokaripxi 12:12 ပူးပေါင်းရင်းမြစ်များ

Izaja 44:23

Okohtatoko oseahmarykõme, kapuaõkomo! Okohtatoko nono ao exiketomo! Okohtatoko atãkyemarykõme ypy tomo te, wewe tõ te, emero itu htaõ kõ maro! Imehxo toexiry tonepose Ritonõpo a typoetory tõ Izyraeu tõ pynanopyryke eya.

Izaja 49:13

Kapu tomo, oeremiatoko! Nono tomo, atãkyematoko! Ypy tomo, okohtatoko tãkye oehtohkõke! Typoetory tõ emuhkehkapõko Ritonõpo mana; typoetory tõ etuarimaketõ pynanohnõko mana.

Ruka 15:10

— Ynara ãko ase oya xine, morararo Ritonõpo nenyohtyã atãkyemãko mã toto toiro iirypyryme exikety tyyrypyry rumekary ropa ahtao, tykase Jezu eya xine.

Ruka 2:14

— Kure kuhse mase Ritonõpo, kapuaono. Nono põkõ torẽtyke pyra riponeme mase. Kure rokẽ toto riponeme mase roropa, tykase toto toremiarykohtao, kapuaõkomo.

Epereu 10:37

Ynara tymerose Ritonõpo omiryme sero poko: “Okynã pyra oehnõko ropa mana. Mokyro oehkety oehnõko ropa mã rahkene. Ekurehpyra mana.

2 Peturu 3:8

Yrome wekyry tomo, wenikehpyra ehtoko, Ritonõpo a toiro ẽmepyry tyoro pyra mana miume jeimamyry maro. Oxisã mã kehko Ritonõpo a.

Apokaripxi 10:6

Mame tõturuse ynororo Ritonõpo poe. Jũme orihpỹme exiketyme Ritonõpo mana. Kapu rihpõme ynororo nono rihpõme roropa. Tuna konõto rihpõme roropa ynororo. Emero kapuaõkomo, nono põkomo tuna konõto kuaõkõ roropa rihpõme ynororo. Ynara tykase inenyokyhpyry Ritonõpo poe: — Epo mana! Okynã pyra toehse mana.

Apokaripxi 11:10

Tãkye sero põkõ exĩko mokaro orihtopõpyry eneryke tyya xine. Atãkyemãko mã toto. Tynekarorykõ aropõko mã toto oseya rokene. Mokaro asakoro urutõ kõ pokoino toetuarimase toto itamurume sero põkomo. Naeroro atãkyemãko mã toto mokaro ekepyry eneryke tyya xine.

Apokaripxi 11:14

Asakoro ryhmatõ tonahse repe. Enetoko ke zakorõ ryhmatõ oehsasaka mana.

Apokaripxi 12:9

Zakareimo konõto tomapose kapu ae. Pake mokyro okoime. Esety joroko tamuru, Satanaxi esetyme roropa mana. Onekunohto ynororo. Sero nono põkõ tonekunohse eya porehme. Mokyro tomapose kapu ae nono pona, ipoetory tõ maro, joroko tõ maro.

Apokaripxi 13:6

Mame Ritonõpome tõsekaropitose eya: “Ywy ase Ritonõpo,” tykase ynororo. Ritonõpo esety tounohse roropa eya. Esary roropa typoihtose eya. Emero kapuaõkõ roropa typoihtose eya.

Apokaripxi 18:20

Atãkyematoko kapuaõkomo, mokaro enatyry poko. Atãkyematoko Ritonõpo poetory tomo, inymenekatyã roropa imehnõ amorepananõme. Ritonõpo poe urutõ kõ roropa atãkyematoko. Mokaro tuãnohse eya oryhmatamitukõme.

Apokaripxi 8:13

Morarame pianoimo enease kae, kapu ae aytoryhtao. Ynara nase ynororo: — Myhene! myhene! Itamurumehxo sero põkõ mã etuarimãko, mokaro a rue etoryhtao. Oseruao Ritonõpo nenyohtyã nae ro turuẽkõ etotohme.

Apokaripxi 9:12

Toiro tõtyhkase ryhmatõ konõto. Taroino asakoro nae ro mana.