Apakuke 2:18 - Ritonõpo Omiry: A Bíblia Sagrada na língua Aparai do Brasil

¹⁸ Otyme kure ahno neponãmary tomo? Ahno nyrihpyryme rokẽ moro osenekunohtohme rokene. Oturupyra mã kehko. Otãto mokyro jamitunuru enetupuhnõko nae tyrise ahtao eya ro?

Apakuke 2:18 ပူးပေါင်းရင်းမြစ်များ

Saumu 97:7

Imehnõ neponãmary eahmananõ ehxirõko mã toto; epyrypaketõ tyneponãmarykõ poko ehxirõko mã toto. Ritonõpo Kuesẽkõ ẽpataka emero ritõ tõ tosekumurukõ po porohnõko mã toto.

Izaja 1:31

Jamihme exiketõ onahpoty tonorẽ sã exĩko mã toto. Inyrihpyrykõ xihpyrymãke osenahkãko mã toto, apoto ke samo, apoto ezehkane pyra ahtao.

Izaja 37:38

Morarame tyneponãmary eahmaryhtao eya, Nixiroke, eahmatoh tao, totapase ynororo imũkuru tomo a, asakorõkomo a, Ataramereke a te, Sarezea a, enara. Tytapemã ke tumykõ totapase eya xine. Mame toepase toto Ararate nonory pona. Imepỹ imũkuhpyry, Esaa-Hatõ, tuisame toehse tumy myakãme.

Izaja 40:19

Ahno nyrihpyry sã pyra mana, uuru apuhsẽ sã pyra, parata risẽ sã pyra roropa.

Izaja 41:26

Onoky a morohne mekaroatose: ‘ynara exĩko mana,’ zae oexiry waro yna ehtohme? Morara kara mexiatose emero. Õmirykõ onetapitopyra imehnõ mana moro poko.

Izaja 42:17

Yrome tyneponãmarykõ eahmananõ te, tynaxikatyã riryhtao tosẽkõme, mokaro typoremãsẽme exĩko, ehxirõko mã toto, ynara kananomo tyneponãmarykomo a: Omoro mase yna rihpono.”

Izaja 44:12

Metau poko erohkety metau zokonaka apoĩko, ipoko erohnõko mana apoto po tapory jamihmã ke, mate ke etaetapãko mana, isene exikety panõme ehtohme. Mame aerokuruhtao omise exĩko mana, tuna se, etaehnõko roropa.

Izaja 45:16

Mokaro tyneponãmarykõ axikananomo ehxirõko mã toto, emero porehme.

Izaja 45:20

Ynara ãko Ritonõpo mana: “Osehtoko oximõme imeimehnõ nono põkomo isene ro exiketomo, osenepotoko apiakatoh tao! Tuaro pyra mã toto ipunaka, oturuketomo tyneponãmarykomo a, osepynanohposaromepyra exiketomo, ahno oximõme ytoytoketomo tynaxikatyã wewe risẽ puimananomo.

Jeremia 10:8

Mokaro emero zuaro pyra mã toto, putupyra exiketõ sã mã toto. Toto anamorepara ineponãmarykõ wewe risẽ mana?

Jeremia 16:19

Ynara tykase ywy: — Ritonõpo Jesemy, Jewomaneme mase, yjamitunuru ekarõko mase ya; jakorehmãko mase popyra ehtoh toehse ahtao ya. Sero nono etyhpyry tõ poe imehnõ ahno oehnõko oya ynara kase: “Yna tamuru tõ tyneponãmarykõ ajohpe rokẽ nae nexiase; tyneponãmarykõ typahsẽme rokẽ nae toh nexiase.

Jeremia 2:8

Ypoko oturupopyra oturuketõ nexiase: ‘Otoko Kuesẽkõ nae?’ kara toh nexiase. Ynyripohpyry poko atamorepaketõ juaro toexirykõ se pyra toh nexiase. Kowenu poko erohketõ tyyrypyrykõ poko rokẽ toh nexiase, jomipona pyra. Urutõ kõ tõturuse toto ritõ Paau omi poe samo, tyneponãmarykõ toahmase eya xine, isene pyra aexityamo, ahno anakorehmasaromepyra exiketomo.”

Jeremia 50:2

“Imeimehnõ nonory põkõ zurutoko! Oturutoko eya xine! Zuaro toto tyripotoko jarao, imehnõ netaryme! ‘Papironia tapoise! Mokaro neponãmarykõ Peu-Maatuke tytahkase! Papironia neponãmarykõ toehxirose mã toto. Toto neponãmary nuriamã tytahkase mã toto!’ ”

Jeremia 51:17

Morohne eneryke tyya xine ahno tõ emero putuhtome sã, tuaro pyra exiketõ sã osekarõko mã toto. Mokaro neponãmary rinanõ tãkye pyra exĩko mã toto tynyrityã ajohpãkõ, isene pyra exiryke.

Tanieu 5:23

Mãpyra osepeme pyra mexino Kapu Esemy a. Ikyryry tõ uuru risemy, kopu tõ, Itapyĩ tae tanỹse aexityã, tonehpose oya eukuru jehnahpyry ẽtohme, omoro, oeahmananõ maro, tuisa tomo te, ipyxiamo, imehnõ nohpo tõ maro, enara. Moro motye roropa imehnõ neponãmarykõ eahmãko mexiatose parata risemy te, uuru risemy, metau risemy, kurimene risemy te, wewe risemy, topu risemy, tonure pyra exiketomo, otato pyra exiketomo, zuaro pyra ipunaka exiketomo. Yrome Ritonõpo Imehxo Exikety oneahmara mekurehno, tyjamitunuru ke ahno etapãko mana ise tahtao, ipoe isene roropa sytatose. Emero opoko ehtoh menekãko mana.

Amoxi 2:4

Ynara tykase Ritonõpo: — Juta tõ iirypyryme toehse itamurume, naeroro toto wãnohnõko ase. Jomihpyry turumekase eya xine exiryke, ynyripohpyry eya xine omipona pyra toehse toto. Tyneponãmarykõ toahmase eya xine tytamurukõ saaro.

Jona 2:8

Mokaro tyneponãmarykõ xihpyry eahmananomo a turumekase omoro Tosẽkõme.

Zakaria 10:2

Toiparo rokẽ ekaropõko matose oneponãmarykomo a, joroko tõ poe urutõ komo a roropa, ajohpe rokẽ mã toto, enekunohnõko rokẽ mã toto. Osenehtoh poko amorepananõ ajohpe rokẽ mã toto. Omiãko mã toto emuhkehkananõ sã repe, yrome aomiry anakorehmara mana. Morara exiryke ahno etuarimãko mã toto, xiaxiake ytõko mã toto kaneru tõ samo tosẽke pyra ahtao.

Romanos 6:21

Morara exiryke otyme kure oya xine oorypyrykõ poko oehtopõpyrykõ nae? Arypyra. Oorypyrykõ poko oehtopõpyrykõ poko ehxirõko matose seromaroro. Tyyrypyry poko exiketõ toorihse ahtao, ameke rokẽ exĩko mã toto Ritonõpo a jũme, tyyrypyrykõ epehpyryme.

1 Korĩtiu 12:2

Jezu poetoryme exipitopyra ro awahtao xine, oenekunopyase xine joroko tõ eahmary poko Ritonõpo myakãme repe. Yrome opynanopyrykõ waro pyra mokaro mana, isene pyra toexirykõke.

Apokaripxi 19:20

Morarame onokyroimo tapoise, urutõ ajohpe exikety maro. Mokyro nexiase tyjamitunuru enetaonohnõko onokyroimo ẽpataka. Morohne tyjamitunuru enepotopõpyry ke tyya imehnõ tonekunohse eya. Onokyroimo esety ke tymerose exiketõ tonekunohse eya, “Kure mase,” kananõ roropa onokyroimo a. Mame mokyro onokyroimo tomase, urutõ ajohpe exikety maro apotoimo htaka. Orihpỹme tomase toto apotoimo htaka. Ikuhpo sã konõto apotoimo mana, zemime roropa mana topu zahkasẽ samo.

Juize 17:4

Mame moro parata tokarose ropa ahtao eya tyse a, 200me parata tapoise nohpo a ekarotohme metau poko erohkety a. Ritõ panõ tyrise eya wewe risemy tyõtose parata ke. Mame moro ineponãmary tyrise Mika tapyĩ taka.

1 Samueu 12:21

Imehnõ neponãmary oneahmara ehtoko, ajohpe rokẽ toto exiryke. Ãkorehmasaromepyra xine mã toto, opynanohsaromepyra xine roropa mã toto, ajohpe rokẽ toto exiryke.