Amoxi 9:15 - Ritonõpo Omiry: A Bíblia Sagrada na língua Aparai do Brasil

¹⁵ Ypoetory tõ rĩko ase moro nono pona, ynekarohpyry eya xine. Mame moro poe jũme toto onysyryhmara ropa exĩko mã toto. Ywy, Ritonõpo Oesẽkõ oturuno.

Amoxi 9:15 ပူးပေါင်းရင်းမြစ်များ

Saumu 44:2

Ajamitunuru ke imehnõ ahno maropoase opoetory tõ esaryme moroto ehtohme. Turuse yna imehnõ ahno wãnohtopõpyry poko oya. Moro tyrise oya kure rokẽ opoetory tõ ritohme, toto emãtohme.

Saumu 80:8

Ejitu nonory poe uwa zoko menehpone; imehnõ ahno taropose oya moro uwa zoko arykatohme mokaro esahpyry po.

Izaja 60:21

Apatary põkõ zae ehtoh poko exĩko mã toto, jũme sero nono ynekarohpyry esẽme exĩko matose. Ynarykahpyryme matose; jemary ke, toto tyrise ya imehxo jehtoh enepotohme imehnomo a emero porehme.

Jeremia 16:15

Yrome ypoko ynara ãko mã toto: “Ritonõpo isene Exikety, Izyraeu tõ Enehpone nono Inikahpoe, imehnõ nono tõ poe roropa.” Morotona sapararahme typahse toh nexiase ya, mokaro enehnõko ropa ase inonorykõ pona ropa, ynekarohpyry pona itamurukomo a. Ywy, Ritonõpo oturũko ase.

Jeremia 23:8

Yrome ypoko ynara ãko mã toto: “Ritonõpo Isene Exikety, Izyraeu tõ Enehpono ropa inikahpoe, imeimehnõ nonory poe roropa, morotona inaropotyã poe. Mame moroto exĩko ropa mã toto tynonorykõ po.”

Jeremia 24:6

Mokaro pyno exĩko ase. Mame toto enehnõko ropa ase sero nono pona ropa. Tapyi riry sã kure toto rĩko ase, toto onenahkapopyra exĩko ase; toto arykãko ase, onoupyra ropa exĩko ase.

Jeremia 3:18

Izyraeu tõ maro oximõnõko Juta tõ mana. Oximaro oehnõko mã toto inikahpoe tosarykõ pona, nono ynekarohpyry pona itamurukomo a.

Jeremia 32:15

Ritonõpo Jamihmehxo Exikety, Izyraeu tõ Esemy ynara ekarõko mana: sero nono po tapyi tõ topekahsẽme exĩko ropa mana, tupito tõ roropa te, uwa zoko roropa ahno narykahpyry tomo.

Jeremia 32:37

Oximõme mokaro enehnõko ropa ase; toto zehno jehtopõpyryke ipunaka sapararahme typahse toto ya. Mokaro enehnõko ropa ase tarona, kure rokẽ toto ehtohme enaromyra toto ehtohme.

Jeremia 32:41

Tãkye exĩko ase kure rokẽ toto riry poko. Otyro sã toto arykãko ase sero nono pona jũme toto esaryme sero nono ehtohme.

Jeremia 33:7

Tymõkomoke Juta tõ rĩko ase Izyraeu tõ maro, tapyi tõkehko rĩko ropa ase, osemazuhme toto ehtopõpyry samo.

Ezekieu 34:28

Mame onutuarimapopyra exĩko imehnõ nonory põkõ mana, onokyro tõ toto onesekara roropa exĩko mã toto. Towomaneke exĩko mã toto, onerehpyra imehnõ exĩko mana.

Ezekieu 37:21

Mame kaxiko eya xine: ywy, Ritonõpo Oesẽkomo, Izyraeu tõ enehnõko ase, imeimehnõ nonory poe, toto ytotopõpyrykõ poe. Mame toto enehnõko ropa ase oximõme arotohkõme ropa esarykõ pona ropa.

Ezekieu 37:25

Mame moro nono po exĩko mã toto, ynekarohpyry ypoetory Jako a, atamuru tõ esaryme. Moroto jũme exikehpyra exĩko mã toto, mokaro, ipoenomo, ipakomotyamo emero. Mame ypoetory Tawi panõ jũme toto tuisaryme exĩko mana.

Joeu 3:20

Mokaro mỹpõko ase, toto etapahpõkõ wãnohnõko ase. Yrome Juta nonory po ahno jũme exikehpyra exĩko mana, Jerusarẽ po roropa, jũme pata typõke exĩko mana. Ywy, Ritonõpo, moroto exĩko ase, ypy Xião po.”

Mikeja 4:4

Enaromyra exĩko mã toto emero, towomase toexirykõke; oseremãko mã toto torẽtyke pyra wikeira zopino jerutumã po, uwa zoko zopino roropa jerutumã po. Moro omi totapose Ritonõpo Jamihmehxo Exikety a.