Amoxi 7:5 - Ritonõpo Omiry: A Bíblia Sagrada na língua Aparai do Brasil

⁵ Mame ynara ase Ritonõpo Jesemy a: — Epo hnae, Ritonõpo! Moro onyripyra exiko! Opoetory tõ jamihme pyra mã toto, otãto eanahtõko toh nae?

Amoxi 7:5 ပူးပေါင်းရင်းမြစ်များ

Saumu 85:4

Yna enehko ropa, Ritonõpo yna Pynanohne, penekehpyra exiko opoetory tõ poko!

Izaja 1:9

Toitoine Jerusarẽ põkomo onypynanohpyra Ritonõpo Jamihmehxo Exikety ahtao, pake tonahkase kymarokõ exiry Sotoma põkõ saaro, Komora põkõ enahkatopõpyry sã roropa.

Izaja 10:25

Ynara exiryke, okynã pyra awãnohkehtorỹko ase. Mame zehno ro jexiryke axirio tõ enahkãko ase.

Jeremia 30:19

Moro põkõ eremiãko mã toto Ritonõpo eahmãko, kohtãko mã toto tãkye toexirykõke. Toto emãkapõko ase, aomirykõ etary se exĩko imehnõ mana imehxo exiketõ samo.

Ezekieu 9:8

Ahno etaparyhtao eya xine, moroto exiase toiroro. Nono pona epukase jẽmyty po nono pokoxi. Kui tykase ywy: — Ritonõpo yna Esemy, yronymyrymehxo Jerusarẽ põkõ zehno mahno? Izyraeu tõ akoĩpyry enahkãko mahno, toto enahkãko mahno porehme?

Joeu 2:17

Amarokõ roropa, oturuketomo Ritonõpo Tapyĩ zara po erohketomo, oxitatoko, ynara kahtoko Ritonõpo a: “Opoetory tõ onuãnohpyra exiko, Ritonõpo! Yna onyporemãkapopyra exiko imehnõ ahno neneryme, yna oneunohpyra imehnõ nonory põkõ ehtohme, ynara kara toto ehtohme: ‘Otoko hnae mokyro, Ritonõpo Oesẽkomo?’ ”

Zakaria 4:10

Mame mokaro, tãkye pyra exiketõ moro ripitory eneryke tyya xine, atãkyemãko mã toto Ytapyĩ Kurã otyhkanopyry Zoropapeu a eneryhtao tyya xine. — Moro 7me nãparina tomo Ritonõpo enuru tõ 7mãkõ enetupuhpotohme mã toto. Emero enẽko Ritonõpo mana, sero nono po, porehme.

Numeru 14:19

Naeroro seromaroro, Ritonõpo, sero ahno rypyry ikorokako imehnõ pyno exikehpyra oexiryke, onyrihpyry sã Ejitu poe tarona.