Amoxi 7:15 - Ritonõpo Omiry: A Bíblia Sagrada na língua Aparai do Brasil

¹⁵ Yrome Ritonõpo Jesemy a tapoise ywy kaneru tõ wino jenehpotohme xiaro aomiry ekarotohme Izyraeu tomo a.

Amoxi 7:15 ပူးပေါင်းရင်းမြစ်များ

2 Samueu 7:8

Naeroro seromaroro ypoetory Tawi zuruko: “Ynara ãko Ritonõpo Jamihmehxo Exikety: ‘Kymenekase ona po awahtao, kaneru tõ ekahmaryhtao oya, ypoetory tõ esẽme oehtohme, Izyraeu tõ tuisaryme.

1 Tuisa 19:19

Morarame Eria toytose oseporyse Eriseu maro, tupito poko aerokuruhtao. Imaro 12me pui asasakoro erohnõko kynexine. Asakoro pui etyhpyrymã ke erohnõko kynexine ynororo. Mame Eriseu pũtokoxi toytose Eria ahtao tupõ jaraono tomase eya Eriseu pona.

Jeremia 1:7

Yrome ynara nase Ritonõpo ya: — “Poetome ro ase,” kara exiko. Ytoko imehnõ zuruta, aaroporyhtao eya xine. Toto zuruko emero ynekarory oya ekarotohme eya xine.

Jeremia 26:12

Mame ynara ase eya xine: — Ritonõpo Kuesẽkõ nurupotopõpyry rokẽ ekarono onetarykõme sero Tapyi poko, sero pata poko roropa.

Amoxi 3:8

Reão aryry karyhtao etananõ zuno exĩko mã toto. Moro saaro Ritonõpo otururuhtao, mynyhme ipoetory tõ ehsaromepyra exĩko, aomiry ekarõko urutõ mana imehnõ netaryme.

Mateu 9:9

Morotoino Jezu toytose ropa. Mame toytose tahtao Mateu tonese eya. Kohrame ynororo kowenu tineru apoitoh tao. Erohkety kynexine kowenu poetoryme. Tineru apoine kynexine imehnõ wino, ekarotohme kowenu a, kowenu tinerũme. — Ymaro eropa, tykase Jezu eya. Mame axĩ towõse Mateu. Jezu maro toytose.

Atos 1:8

Yrome tyjamitunuru ekarõko mã Papa oya xine, Tuzenu ekarõko. Morarame ypoko imehnõ tuarõtanohnõko matose Jerusarẽ po te, Jutea po te, Samaria po te, emero pata tõ punero, tykase Jezu eya xine.

Atos 4:20

Yna a tonese exiryke oturukehpyra ynanase Jezu poko, tykase toto.

Atos 5:20

— Ytotoko Ritonõpo Tapyĩ taka. Oturutatoko mokamo a Jezu poko, Jezu poetoryme toto ehtohme, orihpyra toto ehtohme jũme, tykase Jezu nenyokyhpyry eya xine.

1 Samueu 10:11

Mame morara mokyro tonese ahtao imehnõ Sauu waro exiketomo a ynara tykase toto, tõturupose: — Otara toehse Kixi mũkuru? Otarame urutõme Sauu toehse, nary, tykase toto.