Amoxi 6:8 - Ritonõpo Omiry: A Bíblia Sagrada na língua Aparai do Brasil

⁸ Ritonõpo, Jamihmehxo Exikety a tõmiry totapose, ynara tykase: — Pata Samaria ekarõko ase epetõkara a, emero imõkomorykõ eneryhtao eya xine arõko mã toto. Izyraeu tõ imehnõ motye kure osekarory se pyra ase ipunaka, itapyĩkõ konõto se pyra roropa ase.

Amoxi 6:8 ပူးပေါင်းရင်းမြစ်များ

Jenexi 22:16

Ynara tykase ynororo eya: — Omũkuru toirõ ekarory se ya oexiryke, jomiry omipona, ynara ãko ase oya: Ywy roro jomiry etapõko ase oya, jesety mã Ritonõpo Oesemy, kure rokẽ orĩko ase.

Saumu 106:40

Naeroro typoetory tõ zehno toehse Ritonõpo, typenekehse ynororo toto poko.

Saumu 47:4

Sero nono tymenekase eya kuesarykõme ehtohme, sero nono poko tãkye toehse ipoetory tomo, mokaro pyno mã ynororo.

Saumu 50:12

Omise jahtao tonahsẽ onekaropopyra jexiry oya xine, sero nono ykyryryme exiryke emero zao aexityã maro.

Saumu 78:59

Morohne eneryke tyya, tyekĩtapãse Ritonõpo kynexine, typoetory tõ Izyraeu turumekase eya.

Porowepio 8:13

Ritonõpo omipona awahtao popyra ehtoh se pyra mase. Oepyrypary se pyra ase ipunaka te, imehnõ motye kure osekarory roropa, popyra ehtoh poko se pyra roropa ase te, omi ajohpe ehtoh se pyra ase, enara.

Izaja 28:1

Popyra ehtoh oehnõko Samaria pona, typatarykõ kurã poko epyrypãko Izyraeu tõ etỹketomo. Pata kurã potu myhene jakanahmã kurã epoe! Apatary põkõ toetỹse mã toto, pata enekure ehtoh enahnõko mana ekuru aremamyry samo.

Jeremia 12:8

Ypoetory tõ, ynymenekatyã yzehno toehse mã toto; reão samo itu htao aryry tykase toto jerehtohme, naeroro toto se pyra ase ipunaka.

Jeremia 22:14

Tuãnohsẽme exĩko mokyro, ynara kahpono: “Tapyi amõko ase, inunomo, nyhtoh ke zumo pohto roropa zara po kae!” Mame osenuhmatoh rĩko mã ynororo, apupari rĩko apuru tõ pokona, tonohse kamirarame.

Jeremia 22:5

Yrome jomiry omipona pyra awahtao xine, ywy roro ynara etapõko ase oya xine, sero tapyi konõto tykararahsẽme exĩko, topu tõ kaetokohxo exĩko mana. Ywy Ritonõpo oturũko ase.

Jeremia 44:26

Yrome seromaroro etatoko ke, jomiry etaporyhtao oya xine: Ywy, Ritonõpo, yjamitunuru ke ynara tyripõko ase oya xine juteu tomo a Ejitu po. Taroino jesety onesehtopyra ropa ehtoko õmirykõ etaporyhtao ynara samo: “Jomiry etapõko ase Ritonõpo Isene Exikety, Kuesẽkõ netaryme.”

Jeremia 49:13

Ywy roro oturuase pata Posora põkõ poko, ynara totapose ywy: Posora põkõ enatyry osenuruhkatohme exĩko, ipatarykõ patãpome exĩko mana; imehnõ moro pata eunohnõko mã toto, moro pata esehtõko mã toto popyra ehtoh enehpotohme. Pata tõ pisarara moro pata zomye exiketõ tonahkasẽme exĩko jũme. Ywy Ritonõpo oturuno.

Jeremia 51:14

Tõmiry totapose Ritonõpo a, Jamihmehxo Exikety orutua kõ tuhke enehtohme etonatohme Papironia põkõ maro. Eporehkãko mã toto taparara tõ samo ikuhpỹme, akurume sã toto ahtao. Kohtãko mã toto orẽpyra.

Ramẽtasão 2:5

Epekara samo Ritonõpo a Izyraeu tõ tonahkase. Itapyĩ tõ jamihmãkõ tomapose eya, tuisa tapyĩ konõto maro. Ihnamotoh tonehse eya, tãkye pyra ehtoh maro, ixitatopo enahpỹme samo Juta tomo a.

Ezekieu 24:21

ekarotohme oya xine, Izyraeu tomo: epyrypãko matose Ritonõpo Tapyĩ kurã tosao ro jamihme exiryke. Moro enery se matose, moro taka oytorykõ se roropa matose. Yrome moro rĩko Ritonõpo mana nuriame. Opoenõ tehme ahtao Jerusarẽ po totapasẽme exĩko mã toto etonatoh po.

Ozeja 11:6

Etonatoh oehnõko mana ipatarykõ pona. Pata tõ omõtoh tonõ tytahtahkasẽme exĩko mana epetõkara a, tonahkasẽme exĩko mã toto. Ypoetory tõ totapasẽme exĩko mã toto zae pyra exiketõ osenetupuhtoh riry se rokẽ toexirykõke.

Rewitiku 26:11

Osesarĩko ase arãnao xine, Ytapyĩ Kurã tao, jũme orumekara xine exĩko ase.

Rewitiku 26:30

Tohne exĩko ase ipunaka opoko xine: toponãmasã eahmatoh esary pahnõko ase, ixtaratu zahkatoh tonõ roropa, oekepyrykõ emãko ase oneponãmarykõ aepukatyã pona.

Amoxi 3:10

Ynara ãko Ritonõpo mana: — Zae ehtoh riry waro pyra Samaria põkõ mana, itapyĩkõ konõto pehme mana mõkomo ke, inematonanopyhpyry komo imehnõ winoino, totapase ahtao eya xine.

Amoxi 3:11

Morara exiryke ononorykõ apurũko oepetõkara mana, atapyĩ jamihmãkõ enahkãko mã toto, mõkomo arõko roropa mã toto emero atapyĩ konõto tae.

Amoxi 4:2

Ywy, Ritonõpo Imehxo Exikety, zae jexiryke jomiry etapõko ase oya xine: ẽmepyry oehnõko mana, otywyhmatorỹko mã toto oka tõ ke jarãnaka pata poe; kana sã epara exĩko matose emero porehme.

Amoxi 5:21

Ynara ãko Ritonõpo mana typoetory tomo a: — Õseahmatohkõ jeahmatoh se pyra ase ipunaka; õximõtohkõ ypoko yzamaro pyra mana!

Amoxi 8:3

Moro ẽmepyry toehse ahtao eremiatoh tymyakãmasẽme exĩko ihnamotoh ke tuisa tapyĩ konõto tao. Aorihtyã tuhke exĩko mana, sapararahme rokẽ ekepyãkõ exĩko typahse. Mynyhme! Ywy Ritonõpo oturũko ase.

Amoxi 8:7

Naeroro Ritonõpo, Izyraeu tõ Esemy ynara ãko, tõmiry etapõko: — Jũme wenikehpyra exĩko ase ypoetory tõ nyrihpyry xihpyry poko.

Zakaria 11:8

Typenekehse exiase imehnõ kaneru pyno exiketõ poko. Toiro nuno ae oseruao kaneru poko erohketõ aropoase, toto se pyra toehse jexiryke. Yse pyra toehse roropa toh nexiase.

Teuteronomiu 32:19

Moro eneryke tyya tohne toehse Ritonõpo. Typoenõ turumekase eya, imũkuru tomo, ẽxiry tõ maro.