Amoxi 5:8 - Ritonõpo Omiry: A Bíblia Sagrada na língua Aparai do Brasil

⁸ Xirikuato tõ tyrise Ritonõpo a, Kuesẽkomo, Puripurikane tomo, Oseruao Maria tõ roropa. Koko ehtoh ẽmehkapõko mana, saereme ehtoh kohmãkapõko roropa mana. Tuna konõto zumyhkãko mana aekuãtohme nono pona. Mokyro esety Ritonõpome mana.

Amoxi 5:8 ပူးပေါင်းရင်းမြစ်များ

Jo 12:22

Saerehkatoh aropõko mana, tonẽse exiketõ xinukutumao enepotohme. Saereh kamexipõko mana tykohmãse itamurume ahtao.

Jo 37:13

Konopo enehpõko Ritonõpo mana nono pona, toitoine ahno wãnohtohme, kypyno xine toehtoh waro kuehtohkõme roropa.

Jo 38:34

“Õmiry etapory waro hma kakoxi akurũ tõ a, konopo itamurume enehpotohme zueme tuna ehtohme opona?

Jo 9:9

Xirikuato tõ tyrise eya kapu ao oximõme: Uusa Zumohxo, Oseruao Maria tomo, 7me xirikuato tõ puripurikaneme, xirikuato tõ roropa ikurenaka.

Saumu 104:20

Koko tyrise oya, imeimehnõ onokyro tõ tũtãko mã toto tykohmãse ahtao.

Saumu 105:28

Tykohmãkapose Ritonõpo a Ejitu po, yrome aomihpyry omipona pyra Ejitu põkõ kynexine.

Izaja 42:16

Tonurãkara arõko ase imepỹ osema ae, moro ae ytopitopyra ro toh nexiase. Toto kohmamyry myakamãko ase saerehkatoh ke. Osema tupimãkõ tupime pyra tyrĩko ase toto esemaryme. Morara tyrĩko ase, totapose ya exiryke. Morara tyrĩko ase rahkene, ekurehpyra ase.

Izaja 59:10

Apuru tõ apoapõko sytatose tonurãkara samo tonure pyra exiketõ samo; tãxiahtao osetapãko sytatose, koko ahtao samo, poetome ro kuahtao xine aorihtyã sã ytoytõko sytatose.

Jeremia 16:21

Ynara tykase Ritonõpo: — Morara exiryke yjamitunuru waro toto tyripõko ase, orẽpyra jehtoh waro exikehpyra toto ehtohme. Mame jesety waro exĩko mã toto, ywy ase Ritonõpo.

Jeremia 33:2

— Ywy Ritonõpo, oturũko ase amaro, sero nono rihpono, sero nono aputyhpono, esaka tyrihpõme roropa. Jesety Ritonõpome mana.

Amoxi 4:13

Ritonõpo mokyro ypy tõ Rihpono, tyryrykane Rihpono roropa. Tõsenetupuhtoh tonõ enepõko mana ahno tomo a; Saerehkatoh rĩko mana ikohmamyryme. Ytoytõko mana ypy tõ poro. Mokyro Esety: Kuesẽkõ Ritonõpo, Jamihmehxo Exikety.

Amoxi 8:9

Moro ẽmepyry toehse ahtao xixi porohkapõko ase tãxiahtao, saereme ahtao ro kohmãnõko mana, xinukutume exĩko mana. Ywy, Ritonõpo oturũko ase.

Amoxi 9:6

Tytapyĩ rĩko Ritonõpo mana kapu ao, kapu rĩko mana nono epozakoxi. Tuna kohmãko mana tuna konõto kuao, moro tuna tõ kuãnõko mana nono pona. Ritonõpome esety mana!

Mateu 4:16

Ritonõpo waro pyra exiketõ ezuru konõto enẽko mana. Orihketõme matose tyyrypyhpyke oexirykõke. Yrome Ritonõpo nymenekahpyry oya xine ytõko mana. Otuarõtanohtorỹko mana,” me tymerose pake Izaja a.

Ruka 1:79

Saereh ãko xixi kapu ae emero pona, sero nono pona. Moro saaro mã Kypynanohnekomo. Emero kuenetorỹko mana. Toorikyrykõ zuno exiketõ pynanohnõko roropa mana. Enaromyra toto rĩko ropa mana, torẽtyke pyra toto rĩko roropa mana, tykase Zakaria tumũkuru a.