Amoxi 5:18 - Ritonõpo Omiry: A Bíblia Sagrada na língua Aparai do Brasil

¹⁸ Ritonõpo ẽmehtoh poko penetãko matose, myhene! Otyme kure exĩko moro ẽmepyry oya xine nahe? Ẽmepyry tykohmãse sã exĩko mana saereme pyra.

Amoxi 5:18 ပူးပေါင်းရင်းမြစ်များ

Izaja 13:6

Oxitatoko, okohtatoko opore, Kuesẽkõ ẽmepyry ameke pyra toehse exiryke; enahkatoh ẽmepyry Ritonõpo Jamihmehxo Exikety poe.

Izaja 24:18

Mame urakanaketõ kurũke aepatyã epukãko mã toto eutary aka. Itũtatyã eutary ae tapoisẽme exĩko mã toto apoitoh ao. Konopo itamurume kapu poe oehnõko mana; sero nono apõ tõ tykytyky ãko mã kehko.

Izaja 5:19

Ynara ãko matose: “Ah Ritonõpo axĩ nerohno kynenerykõme inyriry waro kuehtohkõme. Ah Ritonõpo Izyraeu tõ Esẽ tyriry se ehtoh axĩ nexino, zuaro kuehtohkõme,” ãko matose.

Izaja 5:30

Mame moro ẽmepyry toehse ahtao mokaro soutatu tõ oehnõko mã toto tuna konõto panaikato samo Izyraeu tõ poremãkatohme. Mame Izyraeu tõ nonory pũtokoxi osenuhmaryhtao xinukutumã rokẽ enẽko, emynyhmatoh roropa te, akurũ xinukutumãkõ saerehkatoh zonẽnõko mana.

Izaja 58:2

Kokoro rokẽ jeahmãko toh mã repe, ise jehtoh waro se toexirykõ ekarõko toh mã repe jomiry omipona exiketõ samo, zae ehtoh poko exiketõ sã roropa repe. Zae ynyripohpyry tõ ekaropõko mã toto, tahxime jeahmary se mã toto jomiry omipona exiketõ sã repe.”

Izaja 8:22

nono pokoxi osenuhmãko roropa mã toto. Etuarimatoh rokẽ enẽko mã toto, kohmamyry te, sam katopo. Moro erehtoh konõto, xinukutume ehtoh taka taroposẽme exĩko mã toto. Epasaromepyra exĩko mã toto, moro etuarimatoh tao.

Izaja 9:19

Ritonõpo Jamihmehxo Exikety tohne mana, morara exiryke sero nono tyahkasẽme exĩko mana, ahno tuãnohsẽme exĩko roropa mana. Imehnõ pyno pyra mã toto ipunaka.

Jeremia 13:16

Oorypyrykõ ekarotoko Ritonõpo Oesẽkomo a, onykohmãnohpopyra ynororo ahtao ro, tykohmãse ahtao osetapãko matose ypy tõ pona. Ẽmepyry saereme ehtoh eraximãko matose repe, yrome xinukutume moro tyripõko mana koko samo, saereme pyra tyripõko mana ipunaka.

Jeremia 17:15

Imehnõ ynara ãko ya mana: “Otoko nae moro yna enaroximatoh tonomo Ritonõpo poe? Ah morohne nexino seromaroro!”

Jeremia 30:7

Moro ẽmepyry, popyrahxo ehtoh oehnõko mana! Imepỹ ẽmepyry moro ẽmepyry sã pyra mana ipunaka. Jako pakomotyã etuarimãko yronymyryme, yrome typynanohsẽme exĩko mã toto moro poe.”

Ezekieu 12:22

— Ahno mũkuru, oty katohme ynara ãko Izyraeu tomo, tuaro exikety nekarohpyry poko: “Tuhke rokẽ Jeimamyry tõ taropose eya xine repe, yrome Ritonõpo omiry exipyra ekurehnõko mana?”

Ezekieu 12:27

— Ahno mũkuru, etako pahne, mokaro Izyraeu tõ ynara osenetupuhnõko mã toto ynenepohpyry poko oya: Otarame okynahxo ahtao moro sã exĩko mana, tuhke jeimamyry aroporyhtao, ãko toh mã repe.

Joeu 1:15

Moro ẽmepyry oehnõko, myhẽ mana! Kuesẽkõ ẽmepyryme exĩko. Sero enahkapõko Kuesẽkõ Jamihmehxo Exikety mana. Oserehtoh konõto exĩko moro ẽmepyry ae mana!

Joeu 2:10

Ytokehpyra mã toto, nono tykytyky ãko mana, kapu roropa, xixi kohmãnõko mana nuno roropa, xirikuato tõ roropa zemime hkopyra exĩko mã kehko.

Joeu 2:11

Konomeru sã soutatu tõ tyripõko Ritonõpo mana; ipoetory tõ osetapaketõ ikuhpỹme mã toto, orẽpyra aomiry omipona exiketõ mana. Ritonõpo ẽmepyry enaroximatoh imehxo mana, orekohmato konõto. Onoky moro eanahtõko nae?

Joeu 2:31

Xixi kohmãnõko mana, nuno kamirarame exĩko munu samo, Ritonõpo ẽmepyry oehpyra ro ahtao, imehxo ehtopo te, oserehtoh konõto exĩko.”

Opatia 1:15

Ritonõpo Kuesẽkõ ynara tykase: “Ẽmepyry oehnõko mana, imehnõ nonory põkõ emero wãnohnõko ase. Amarokõ, etomita tõ, tuãnohsẽme exĩko matose onyrihpyrykõ emetakame; onyrihpyrykõ imehnomo a tyrisẽme exĩko oya xine mana.

Marakia 4:1

Ynara ãko Ritonõpo Jamihmehxo Exikety: — Moro ẽmepyry oehnõko mana: epyrypaketõ emero tyahkasẽme exĩko mana, popyra exiketõ maro, onahpoty samo tonore ahtao. Tonahkasẽme exĩko mã toto ipunaka.

Teuteronomiu 32:24

Omise konõto emitapãnõko mã toto, oxirohnõko mã toto, tyrohsẽ konõto ekurãkapỹ ke toto enahkapõko mana. Onokyro tõ enehpõko ase toto esekatohme, okoi tõ roropa orihmato exiketomo, toto esekatohme.

2 Peturu 3:10

Yrome Kuesẽkõ oehnõko mana. Tuamekaro rokẽ tapyi esẽ ahtao omato oehnõko mana. Moro saaro onenetupuhpynõ tuamekaro ahtao Kuesẽkõ oehnõko ropa mana. Aepyry ropa ahtao kapu osenepyra exĩko mana, panaikato maro. Kapuaõkõ xixi tõkehko zahnõko mã kehko, enahnõko mã kehko. Sero nono tõkehko roropa osenepyra exĩko mana.

2 Peturu 3:4

“Kyrixtu oehnõko ropa mana, nary rokene: ‘Oehnõko ropa ase kapu ae,’ tykase ynororo. Otoko ke na rokẽ?” ãko mã toto. “Kytamurukõ toorihse. Senohne onytyoromara ro mana. Pake ehtopõpyry saaro mana seromaroro,” ãko mã toto.