Amoxi 5:17 - Ritonõpo Omiry: A Bíblia Sagrada na língua Aparai do Brasil

¹⁷ Emero uwa zoko tõ esary po xitãko mã toto. Morohne exĩko mana oehnõko ropa jexiryke awãnohtohkõme. Ywy Ritonõpo oturuno.

Amoxi 5:17 ပူးပေါင်းရင်းမြစ်များ

Exutu 11:4

Mame tuisa turuse Moeze a, ynara tykase Ritonõpo: “Onoa ytõko ase Ejitu poro.

Exutu 12:12

— Sero koko ytõko ase Ejitu nonory poro imũkurukõ apitorymãkõ etapase emero, ahno mũkuru tomo te, okyno mũkuru tomo, enara. Ejitu põkõ ritõ tõ wãnohnõko ase porehme. Ywy ase Ritonõpo.

Exutu 12:23

Ejitu põkõ etapase Ritonõpo ytoryhtao moro munu enẽko mana omõtoh ehpiry poko. Tynenyokyhpyry anaropopyra mana atapyĩ tõ taka oetapatohkõme.

Izaja 16:10

Tãkye exiketõ pyra toehse nono kurã po; eremiaketõ pyra, kui kui kananõ pyra toehse mana uwa zoko esary tõ po. Eukuru rinanõ pyra toehse; kui katoh tãkye ehtoh poko tymynyhpãkapose Ritonõpo a.

Jeremia 48:33

Tãkye ahno ehtoh tonahse, atãkyematoh roropa tonahse Moape nonory kurã po. Uwa eukuru onyripyra toehse mã toto. Eukuru rinanõ pyra mana, kui kananõ pyra roropa mana tãkye ehtoh ke.

Joeu 3:17

Ynara ãko Ritonõpo typoetory tomo a: “Izyraeu tomo, zuaro exĩko matose: ywy, Ritonõpo Oesẽkõme ase. Jesary Xião ypy kurã po. Jerusarẽ ypatary kurãme exĩko roropa mana; moro pata jũme onyporemãkara ropa imehnõ exĩko mana.

Naum 1:12

Yrome ynara ãko Ritonõpo mana typoetory, Izyraeu tomo a: “Axirio tõ tonahkasẽme exĩko mã toto, jamihme toto ahtao ro, tuhke roropa, osenepyra exĩko mã toto. Amarokõ tynomose ya etuarimatohme repe, yrome moro onyripyra ropa ase.

Naum 1:15

Enetoko ke! Ypy tõ poro omi arone oehnõko mana. Omi kurã enehnõko mana, omi kurã osepeme ehtoh poko. Juta tomo, oseahmatoh tyritoko. Onekarorykõ enehtoko onekaroryme Ritonõpo a, omihpyry ae ro. Ononorykõ pona jũme popyra exiketõ omõpyra ropa exĩko mã toto; tonahkase porehme exiryke.

Zakaria 9:8

Ypoetory tõ ewomãko ase epetõkara winoino. Epetõkara soutatu tõ onẽmapopyra exĩko ase ynonory pona. Jũme ypoetory tõ onyrohmanohpopyra ropa tuisa popyra exikety exĩko mana. Ypoetory tõ etuarimatopõpyry tonese ya exiryke.