Amoxi 5:15 - Ritonõpo Omiry: A Bíblia Sagrada na língua Aparai do Brasil

¹⁵ Popyra ehtoh se pyra ehtoko, zae ehtoh se rokẽ ehtoko. Imehnõ ewomatoko ajohpãkomo a ihxiroryhtao apiakane ẽpataka. Otarame Ritonõpo Oesẽkõ, Jamihmehxo Exikety oekyry tõ akoĩpyry pyno exĩko mana.

Amoxi 5:15 ပူးပေါင်းရင်းမြစ်များ

2 Samueu 16:12

Otarame jetuarimary enẽko Ritonõpo mana. Mame kurãkõ ekarõko ya mana, ykerekerematopõpyry myakãme.

1 Tuisa 20:31

Mame mokyro akorehmananõ toytose eya. Ynara tykase toto: — Ynara totase yna Izyraeu tuisary tõ poko. Kure mã toto. Topetõkara typoremãkase ahtao, toto pynanohnõko mã toto. Yna aropoko Izyraeu tuisary a, tupoke kamisa topuxiximã risẽ ke, otuato eary roropa tymyhse yna pymyry pokona “Anamotome ynanase” katohme. Mame otarame opynanohnõko mana isene oehtohme, tykase toto.

2 Tuisa 13:7

Morarame Jeoakaze soutatu tõ tonahkase sã Xiria tomo a. 50me rokẽ kawaru po ytoketõ tõxinamase te, kahu tõ 10me rokene te, pupu po ytoketõ soutatu tõ 10 miume rokẽ tõxinamase. Imehnõ tonahkase Xiria tuisary a putoh katoh sã tupuhtũmase toto eya.

2 Tuisa 15:29

Morarame tuisame Peka ahtao Izyraeu tõ esẽme, tuisa Tikirate-Piresea, Axiria esẽ, tooehse pata tõ poremãkapose; Ijõ te, Apeu-Pete-Maaka te, Janoa te, Ketese te, Hazoa te, Kireate nonory te, Karirea maro, Napatari, enara. Mame morotõkõ tarose eya typoetoryme Axiria pona.

2 Tuisa 19:4

Mokyro, Axiria esemy a typoetory soutatu tõ esẽ tonehpose Ritonõpo Imehxo Exikety eunohtohme. Kure exiry mokyro omiry etaryke tyya mokyro wãnopyry Ritonõpo Kuesẽkomo a. Naeroro oturuko Ritonõpo a kypoko xine, tonepanohse exiketõ poko.”

Saumu 119:104

Õmihpyry enetuputyryke ya tuaro exĩko ase, morara exiryke zae pyra ehtoh emero se pyra ase ipunaka.

Saumu 34:14

Popyra ehtoh irumekatoko, zae ehtoh poko oehtohkõme; osepeme ehtoko kure rokẽ oehtohkõme oximaro.

Saumu 36:4

Tãtaxikase tahtao tynyhtoh po, osenetupuhnõko mana popyra ehtoh riry poko. Zae pyra ehtoh esemary ae ytoytõko mana. Popyra ehtoh poko: “Moro se pyra ase,” kapitopyra mana.

Saumu 37:27

Zae pyra ehtoh poe eramako, zae ehtoh poko oehtohme; mame opoenõ maro apakõ maro exikehpyra matose Ritonõpo nekarohpyry po.

Saumu 80:1

Yna omiry etako, kaneru esẽ sã Izyraeu tõ Esemy! Yna otururu etako, oeky tõ aroneme sã mase yna Aroneme! Omoro mase typorohse Tuisa Imehxo Exikety apõ po, moroto kae kerupĩ tõ epoe,

Saumu 97:10

Opyno xine Ritonõpo Kuesẽkõ mana popyra ehtoh se pyra awahtao xine; oewomãko mana orihpyra oehtohme, opynanohnõko mana popyra exiketõ winoino.

Exutu 32:30

Yrokokoro ynara tykase Moeze imoihmãkomo a: — Oorypyrykõ xihpyry poko mexiatose Ritonõpo neneryme. Mãpyra seromaroro onuhnõko ropa ase ypy pona oturuse Ritonõpo maro. Otarame jomiry etaryhtao eya oorypyrykõ korokãko mana.

Jeremia 18:8

yrome popyra toehtohkõ rumekaryhtao eya xine, ywy roropa etyorõmãko ase; toto onuãnohpyra exĩko ase.

Jeremia 22:3

— Ywy Ritonõpo ynara ãko ase oya xine: zae ehtoh tyritoko, ajohpe pyra ehtoko. Tyyryhmase exiketõ ewomatoko iiryhmananõ wino. Imehnõ nonory poe exiketõ onyryhmara ehtoko, toto onenekunohpyra ehtoko, poetõpo tomo te, pytỹpo tõ roropa; ahno zae exiketõ onetapara ehtoko sero pata kurã po.

Jeremia 31:7

Ynara tykase Ritonõpo: “Oeremiatoko tãkye oexirykõke Izyraeu poko, imehxo exiketyme tynonoke ahno tõ rãnao. Oeremiatoko eahmaryme sero: ‘Typoetory tõ typynanohse Ritonõpo a, Izyraeu tõ akoĩpyry typynanohse eya.’

Ezekieu 45:9

Ynara tykase Ritonõpo Kuesẽkomo: — Izyraeu tõ tamuximãkomo, epo hnae! Oorypyrykõ poko pyra ehtoko! Imehnõ onetapara ehtoko! Jamihme pyra exiketõ mõkomory anapoipyra ehtoko! Zae ehtoh poko rokẽ ehtoko! Ypoetory tõ anaropopyra ropa ehtoko toto nonory poe, ãko Ritonõpo Oesẽkõ mana.

Tanieu 2:49

Morarame tokaropose ahtao Tanieu a, Satarake tõ tyripose tuisa a kowenu akorehmananõme Mesake maro te, Apete-Neko, enara. Kowenu maro toerohse toto Papironia nonory po; Yrome Tanieu, tuisa tapyĩ konõto tao nexiase.

Joeu 2:14

Otarame Ritonõpo Kuesẽkõ tõsenetupuhtoh myakamãko mana kure rokẽ typoetory tõ ritohme ropa; tykyrysã itamurume ahtanohpõko ropa mana. Mame tonahsẽ ekarõko ropa matose eukuru maro onekarorykõme Ritonõpo a.

Amoxi 5:10

Zae pyra ehtoh kurãkary se exiketõ se pyra matose ipunaka, ajohpe pyra exiketõ omiry apiakane ẽpataka azamaro xine pyra mana;

Amoxi 5:24

Yrome zae ehtoh poko ehtoh se moino ase iporiry samo, ah zae ehtoh poko enahpỹme nexino tuna zueme exikety samo.

Amoxi 5:6

Osehtoko ropa ya Oesẽkomo a isene oehtohkõme. Oehpyra ropa awahtao xine yhtõko Ritonõpo mana apoto samo Izyraeu tõ nonory enahkatohme. Moro apoto onezehkasaromepyra exĩko mã toto Peteu po.

Amoxi 6:12

Kawaru tõ tururume ytosaromepyra mã toto topu tõ poro. Pui tõ ke nono anahkara matose tupitome tuna konõto kuao. Yrome zae ehtoh tyorõmãko matose opi orihmatõ samo, kure ehtoh rĩko matose popyra ehtohme.

Amoxi 7:3

Naeroro tõsenetupuhtoh tytyoromase Ritonõpo a, ynara tykase: — Onenehpyry exipyra exĩko mana.

Jona 1:6

Mame tyhtose wapu tuisary ahtao Jona tonese eya, ynara tykase: — Oty katoh nyhnõko rokẽ mah? Owõko ty! Oturuko oneponãmary a, kypynanohtohkõme eya. Otarame kypyno xine ynororo ahtao kuorihmapopyra xine mana, tykase ynororo Jona a.

Jona 3:9

Otarame Ritonõpo nupunato kuenetorỹko ropa mana. Otarame kyzehno xine exikehnõko mana. Morarahtao kuenahkapopyra xine exĩko roropa mana,” tykase tuisa.

Mikeja 2:12

Ynara ãko Ritonõpo Izyraeu tomo a: — Amarokõ emero Izyraeu tõ akoĩpyry oximõme enehpõko ase, oenehtorỹko ropa ase ynekarohpyry pona oesarykõme, kaneru tõ pyno exikety toky tõ arory sã ona poro te, toto enepyry ropa ewomatoh taka ropa. Morarame apatarykõ pehme exĩko ropa mana ahno ke; panaikato exĩko ropa toytoytorykõ poko.

Mikeja 3:2

Kure ehtoh se pyra matose, popyra ehtoh sehxo matose. Ypoetory tõ pikãko matose, ipũkõ oũko matose jehpyry po ino.

Mikeja 5:3

Epetõkara a Izyraeu tõ ekarõko Ritonõpo mana, toto poremãkãko mã toto nohpo mũkuru enurutohto; mokyro nohpo enurũko mana. Mame Izyraeu tõ imeimehnõ nonory po imehnõ namotome aexityã oehnõko ropa mã toto tyekyry tomo a, Ritonõpo nekarohpyry pona.

Sowonia 2:3

Eramatoko ropa Ritonõpo a, imehnõ motye kure osekaropyra exiketomo, emero Ritonõpo omihpyry omipona exiketomo. Zae ehtoh poko rokẽ ehtoko, imehnõ motye kure osekaropyra ehtoko. Moro sã awahtao xine otarame towomasẽme exĩko matose tuãnohse imehnõ ahtao, moro ẽmepyry ae, zehno Ritonõpo ehtoh toehse ahtao.

Marakia 3:18

Morarame enẽko ropa ypoetory tõ mana: Kure ehtoh poko exiketõ tyoro sã exĩko mana, popyra ehtoh poko exiketõ sã pyra. Jomiry omipona exiketõ tyoro sã exĩko mã toto, jomiry omipona pyra exiketõ sã pyra.

Romanos 12:9

Ajohpe pyra ehtoko imehnõ pyno oexirykõ poko. Oorypyrykõ zehno ehtoko. Zae se rokẽ ehtoko.

Romanos 7:22

Ritonõpo nymeropohpyry omipona se ase yronymyryme repe.

Romanos 8:7

Naeroro Ritonõpo zehno exĩko mã toto, typenetatohkõ xihpyry poko osenetupuhketomo. Ritonõpo nymeropohpyry omipona pyra mã toto. Aomipona exisaromepyra mã toto.

3 João 1:11

Konohno, opyno ase. Naeroro iirypyrymãkõ osypoenohno, kurãkõ rokẽ ipoenohko. Kure imehnõ rinanõ Ritonõpo poetoryme mã toto. Yrome tyyrypyry poko exiketõ Ritonõpo onenetupuhpitopyra mã toto.