Amoxi 5:13 - Ritonõpo Omiry: A Bíblia Sagrada na língua Aparai do Brasil

¹³ Naeroro tuaro exiketõ mynyhme exĩko mã toto popyra ehtoh toehse ahtao sero samo!

Amoxi 5:13 ပူးပေါင်းရင်းမြစ်များ

2 Tuisa 18:36

Mame mynyhme rokẽ toh kynexine tuisa Ezekia omi poe. Omikara toh kynexine.

Jo 32:16

Tymynyhpãse mã toto, sekere kara toehse. Eraximãko ro hano oturupyra toto ahtao?

Saumu 38:14

Onezuhpyra exikety sã ase otato pyra exikety samo.

Ekereziaxti 3:7

Ixihkatoh nae mana te, ixixĩtoh nae roropa mana. Mynyhme ehtoh nae mana te, oturutoh nae roropa mana.

Ekereziaxti 9:12

Zuaro ehsaromepyra sytatose otara ahtao typoremãkasẽme exĩko sytatou. Torõ tõ samo toepukase ahtao apoitoh taka, kana sã roropa tomõse ahtao tarãpa aka. Moro sã typoremãkasẽme exĩko sytatose oneraximara kuahtao xine.

Izaja 36:21

Yrome mynyhme rokẽ toh kynexine, tuisa Ezekia omihpyry omipona; omitara toh nexiase.

Izaja 37:3

Ynara tykase toto Izaja a Ezekia omiryme: — “Seroae etuarimatoh mana; kyhxirotorỹko mã toto, Axiria põkomo, ehxirõko sytatose. Nohpo enurukety sã sytatose tonurutoh po toehse ahtao, yrome jamihkehnõko sã mana.

Ozeja 4:4

Ynara ãko Ritonõpo mana: — Ypoetory tõ onyhxiropyra ehtoko, toto onupokara roropa ehtoko. Amarokõ hxirõko ase, oturuketomo.

Amoxi 6:10

Mame imepỹ toehse ahtao tyekyry ekepyry apoitohme jahkatohme, ekaropõko mana isene ro exikety a: “Ahno nae ro moro tao?” Ynara ãko imepỹ ezuhnõko: “Arypyra.” Mame mokyro apitorymã ynara ãko: “Mynyhme exiko! Tomeseke sehne Ritonõpo esety onesehtopyra ehtohme.”

Mikeja 2:3

Morara exiryke ynara ãko Ritonõpo mana: — Popyra ehtoh enehpõko ase opona xine, epara exĩko matose. Etuarimãko matose, morarame epyrypara exĩko matose oytorykohtao.

Apakuke 3:16

Morohne etaryke ya oserehnõko ase, ypotapihpyry tykytyky ãko enaromỹke jexiryke. Tyjamihkehse ywy, owõsaromepyra exiase xikihme. Yrome moro ẽmepyry eraximãko ase, yna poremãkaponanõ wãnohnõko Ritonõpo mana.

Epezu 6:13

Naeroro axĩ Ritonõpo jamitunuru apoitoko, soutatu tomo a tõsewomatohkõ apoitoh samo. Morarame oetuarimarykohtao orẽpyra matose exĩko, oryhmarykõ se exiketõ maro ãtãtapoirykohtao. Morarame tãtatapoikehse awahtao xine, orẽpyra exĩko matose.

2 Timoteu 3:1

Tuaro ehtoko, Jezu oehsasaka ahtao tuhke ehtomaketõ exĩko mana, Jezu omipona exiketõ poremãkapory se exiketomo.