Amoxi 2:14 - Ritonõpo Omiry: A Bíblia Sagrada na língua Aparai do Brasil

¹⁴ Axĩ sã tururume ytoketõ epasaromepyra exĩko mã toto, jamihme exiketõ apotũkehnõko mã toto, orẽpyra exiketõ osepynanohpyra exĩko mã toto.

Amoxi 2:14 ပူးပေါင်းရင်းမြစ်များ

Jo 11:20

Yrome popyra exiketõ tỹkakoxi osenuhmãko mã toto, enaromỹke, otonẽtoh zupĩko mã toto epatohme repe. Yrome onenepyra mã toto; toorikyrykõ rokẽ eraximãko mã toto.”

Saumu 33:16

Tuisa tõ osepynanohpyra mã toto soutatu tõ ke, tuhke nae toexirykõke. Soutatu tõ roropa imehnõ onyporemãkara mã toto jamihme toexirykõke.

Ekereziaxti 9:11

Ynara tonetupuhse roropa ya sero nono po ehtoh poko: toitoine axihxo tururume ytoketõ osemazuhme eporehkara mã toto, toitoine soutatu tõ jamihmehxo exiketõ typoremãsẽme exĩko mã toto. Enease roropa toitoine tuaro exiketõ tonahsẽ pyra exĩko mã toto. Toitoine tãtamorepase exiketõ tymõkomoke pyra exĩko mã toto. Enease roropa toitoine emese kurehxo exiketõ tuisame exipyra exĩko mã toto. Popyra ehtoh exĩko kyya xine mana, emero.

Jeremia 25:35

Ahno tuisary tõ epasaromepyra exĩko mã toto; osepynanohpyra exĩko mã toto.

Jeremia 39:4

Mame morohne tonese ahtao tuisa Zetekia a, isoutatu tõ maro, toepapitose toto koko pata poe. Tutũtase toto tuisa tupi esemary ae, omõtoh ae asakoro apuru rãnao. Toepase toto Joatão jakanahmae.

Jeremia 9:23

Ynara ãko Ritonõpo mana: — Tuaro exiketomo, epyrypara ehtoko tuaro oehtohkõ poko, jamihme exiketomo, epyrypara ehtoko ajamitunurukõ poko, tymõkomoke exiketomo, epyrypara ehtoko tytineruke oehtohkõ poko.

Amoxi 5:9

Jamihme exiketõ enahkapõko mana, itapyĩkõ jamihmãkõ roropa kararahnõko mana.