2 Tuisa 9:32 - Ritonõpo Omiry: A Bíblia Sagrada na língua Aparai do Brasil

³² Tõsenuhmase kakoxi Jeu, tykohtase ynororo: — Onoky jakorehmãko nae? Tõsenuhmase osenuhmatoh ae orutua komo tapyi poko erohketomo asakoro otarame oseruao.

2 Tuisa 9:32 ပူးပေါင်းရင်းမြစ်များ

2 Tuisa 9:31

Mame Jeu tooehse ahtao pata omõtoh ae, tykohtase Jezapeu eya: — Moehno, Ziniri, oesẽ etapahpono?

2 Tuisa 9:33

— Mose emako moro tae! tykase Jeu eya xine. Tomase ynororo eya xine. Imunuru sapararah tykase tapyi apuru pokona, kawaru pokona roropa. Ekepyry pona kawaru tõ tarose Jeu a, kahu maro.

2 Tuisa 9:7

Oesemy tuisa Jorão, Akape mũkuru, etapapõko ase oya Jezapeu wãnohtohme urutõ kõ totapase eya exiryke imehnõ ypoetory tõ maro.

1 Koronika 12:18

Morarame toiro orutua maro toehse Ritonõpo Zuzenu yronymyryme. Esety Amasai kynexine, imeĩpo “30mãkõ” tuisaryme toehse ynororo. Ynara tykohtase ynororo: — Tawi, Jese mũkuru, opoetoryme ynanase! Kure rokẽ oriry se ynanase. Kure exĩko roropa ãkorehmananõ mana! Amaro Ritonõpo mana. Mame osepeme toto tapoise Tawi a, typoetory tõ tuisaryme toto tyrise eya.

2 Koronika 11:12

Osewomatoh tonõ roropa, warata tõ roropa tyrise eya moro pata tõ jamihmãkõ po emero. Morara exiryke jamihmehxo moro pata tõ toehse. Morara riryke eya Juta tõ esẽme Pẽjamĩ tõ esẽme roropa exikehpyra Ropoão kynexine.

Exite 1:10

7me ẽmepyry taropose ahtao atãkyematoh poko, tãkye tuisa nexiase eukuru tõse eya exiryke pitiko rokẽ pyra. Typoetory tõ 7mãkõ tykohmase tyya, emukatyamo, Meumã te, Pizita te, Harapona te, Pikita te, Apakata te, Zetaa te, Karaka, enara.

Exite 2:15

Morarame tuisa tapyĩ konõto taka Exite ytotoh toehse, Apiaiu ẽxihpyry Moatekai ẽxirymane, tytapyĩ tao inuãtanopyhpyry oryxime exikety imehnõ emero zamaro exikety. Toytotohme tuisa tapyĩ taka tuisa maro ehtohme, Hekai nenepyhpohpyry rokẽ tarose tymaro, tuisa poetoryme ynororo, emukahpyry, nohpo tõ tapyĩ erase.

Exite 2:21

Mame morara ahtao, toerokuru poko Moatekai ahtao, tuisa tapyĩ konõto tao, zuaro toehse ynororo Pikitã tõ poko Terexi maro asakoro emukatyamo. Omõtoh eraseme toh nexiase. Morararo Tuisa konõto zehno toehse toto. Naeroro atamorepãko toh nexiase tuisa etapary poko, etapary se toexirykõke.

Saumu 118:6

Ritonõpo ymaro mana, enaromyra exĩko ase; jyryhmasaromepyra imehnõ mana.

Saumu 94:16

Onoky towõse ymaro popyra exiketõ poremãkatohme? Onoky ymaro nexiase popyra ehtoh poko exiketõ akorekehkatohme?

Exutu 32:26

Morara exiryke toytose ynororo Izyraeu tõ esary omõtoh taka. Ynara tykase ynororo opore: — Onokãkõ Ritonõpo Kuesẽkõ maro nae? Osehtoko xiaro imaro se awahtao xine. Naeroro Rewi tõ ekyry tõ emero tõximõse toh kynexine Moeze ẽpataka.

Atos 12:20

Morarame Xitõ põkõ poko tyekĩtapãse Erote kynexine, Tiro põkõ poko roropa. Morara exiryke tỹkyryry taropokehse eya Xitõ põkomo a, Tiro põkomo a, enara. Morarame topeme Paraxitu tyrise toto a, Erote tapyĩ esemy. Mame ynara tykase toto eya: — Kaxiko Erote a: “Tyzehno xine oexiry se pyra Tiro põkõ mana Xitõ põkõ maro,” kaxiko Erote a, tykase toto Paraxitu a. Tỹkyryrykõ se rokẽ toh kynexine Erote a. Mame tõturuse roropa toto Erote a.