2 Tuisa 9:19 - Ritonõpo Omiry: A Bíblia Sagrada na língua Aparai do Brasil

¹⁹ Imepỹ omi arone tonyohse ekaropose Jeu a, apitorymã saaro. Mokyro tozuhse roropa eya: — Torẽtyke pyra exiko! Juaro pyra hma? Kuekahmako ty, tykase.

2 Tuisa 9:19 ပူးပေါင်းရင်းမြစ်များ

2 Tuisa 9:11

Mokaro soutatu tõ esamo a tooehse ropa Jeu ahtao, tõturupose toto a: — Emero kure repe? Oty se kynako oya mokyro rowohpano? tykase toto. — Zuaro matose ise aexiry, tykase Jeu.

2 Tuisa 9:17

Morarame soutatu nexiase, kae tapyi tao, pata omõtoh eraseme, Jezereu po. Jeu oepyry typoetory tõ maro tonese eya. Tykohtase: — Ahno oehnõko kawaru tõ maro! tykase. Ynara tykase Jorão: — Soutatu enyohko kawaru po, ekaropotohme epeme toto exiry poko, epetõkarame toto exiry poko, enara.

2 Tuisa 9:18

Mokyro omi arone toytose oseporyse Jeu maro. Ynara tykase: — Tuisa zuaro toexiry se epeme moehno? — Oty poko torẽtyke mahno? Juaro pyra hma? Kuekahmako ty, tykase Jeu. Mame mokyro soutatu kae ehtoh tao ynara tykase: “Omi arone tõseporyse toto maro yrome oehpyra ropa mana.”

2 Tuisa 9:20

Mokyro erase kae ehtoh tao tõturuse: — Omi arone tõseporyse toto maro yrome oehpyra ropa mana. Ynara tykase roropa ynororo: — Mokaro tuisary tykahu arõko rowohpã samo, Jeu kahu arory sã hkotano!

Izaja 48:22

Yrome popyra ehtoh poko exiketomo a ynara ãko Ritonõpo mana: “Amaro xine osewomatoh pyra mana.”