2 Tuisa 9:17 - Ritonõpo Omiry: A Bíblia Sagrada na língua Aparai do Brasil

¹⁷ Morarame soutatu nexiase, kae tapyi tao, pata omõtoh eraseme, Jezereu po. Jeu oepyry typoetory tõ maro tonese eya. Tykohtase: — Ahno oehnõko kawaru tõ maro! tykase. Ynara tykase Jorão: — Soutatu enyohko kawaru po, ekaropotohme epeme toto exiry poko, epetõkarame toto exiry poko, enara.

2 Tuisa 9:17 ပူးပေါင်းရင်းမြစ်များ

2 Samueu 13:34

Morarame Apisarão toepase. Mame soutatu moroto nexiase eraseme. Tõsenuhmase ynororo. Ahno tonese eya, tuhkãkõ, osema tao, xixi omõtoh wino, yhtõko toh nexiase ypy emory poe. Toytose ynororo Tawi zuruse, ynara tykase: — Orutua kõ yhtõko ypy emory poe osema ae, Horonaĩ poe.

2 Samueu 18:24

Typorohse Tawi nexiase pata omõtoh pota tao, enene tõnuhse apuru pona, zara po kae. Tõsenuhmase ynororo ahtao orutua tonese eya toiroro, tururume oehnõko.

1 Tuisa 2:15

Mame ynara tykase Atonia: — Zuaro mase, Papa myakãme tuisame jahtao zae exiry repe. Izyraeu tõ emero tuisame jexiry eraximãko toh nexiase. Yrome tyoro toehse. Jakorony tuisame toehse, tyriry se Ritonõpo exiryke.

2 Tuisa 7:14

Naeroro orutua kõ tymenekase eya xine. Taropose toto tuisa a kahu tõ asakoro maro: “Ytotoko osenuhmase tuaro ehtohme Xiria soutatu tõ poko. Otara toehse toh rahkene?”

2 Tuisa 9:11

Mokaro soutatu tõ esamo a tooehse ropa Jeu ahtao, tõturupose toto a: — Emero kure repe? Oty se kynako oya mokyro rowohpano? tykase toto. — Zuaro matose ise aexiry, tykase Jeu.

2 Tuisa 9:16

Mame tõtyrise ynororo tykahu aka toytotohme Jezereu pona. Tuisa Jorão etyhnõko ro nexiase. Tuisa Akazia Juta tõ esẽ moroto roropa nexiase imaro, Jezereu po.

2 Tuisa 9:18

Mokyro omi arone toytose oseporyse Jeu maro. Ynara tykase: — Tuisa zuaro toexiry se epeme moehno? — Oty poko torẽtyke mahno? Juaro pyra hma? Kuekahmako ty, tykase Jeu. Mame mokyro soutatu kae ehtoh tao ynara tykase: “Omi arone tõseporyse toto maro yrome oehpyra ropa mana.”

2 Tuisa 9:19

Imepỹ omi arone tonyohse ekaropose Jeu a, apitorymã saaro. Mokyro tozuhse roropa eya: — Torẽtyke pyra exiko! Juaro pyra hma? Kuekahmako ty, tykase.

Izaja 56:10

Ypoetory tõ erase tonure pyra sã mã toto; tuaro pyra mã toto. Kaikuxi mynyhme exiketõ sã mã toto tapyi erase, yrome hoho kara mã toto; tohrame rokẽ mã toto, nyhnõko; akĩme mã toto, tynykyry se rokene, osenehnõko rokẽ mã toto.

Izaja 62:6

Jerusarẽ, apatary apuru po erase tõ tyrise ya. Ah mynyhme pyra nexĩ toto saereme ahtao, koko ahtao, enara. Ah noturũ toto Ritonõpo a aomihpyry poko, jũme wenikehpyra tyripotohme ynororo moro poko.

1 Samueu 16:4

Mame morara tyrise Samueu a, Ritonõpo omihpyry omi poe, Perẽ pona toytose ynororo. Pore, toeporehkase Samueu ahtao tonaroxitapãse typatakamo, tykytyky tykase toto, tõturupose eya: — Osepeme moehno? tykase toto.

1 Samueu 17:22

Tynarotyã tynomose Tawi a mõkomo erase maro. Mame tururume toytose ynororo etonatoh pona turui tõ eporyse, ekaropose roropa kure toto ehtoh poko.