2 Tuisa 9:1 - Ritonõpo Omiry: A Bíblia Sagrada na língua Aparai do Brasil

¹ Morarame urutõ nuasemã tykohmase tyya, urutõ Eriseu a. Ynara tykase ynororo eya: — Atakimako oytotohme Ramote-Kireate pona. Sero oriu aroko kutehi ao amaro.

2 Tuisa 9:1 ပူးပေါင်းရင်းမြစ်များ

1 Tuisa 1:39

Mame oriu tarose Zatoke a, Ritonõpo maro oturutoh tae, pui retyry pehme oriu ke. Mame ike Saromão typopase eya. Rue totose eya xine. Tykohtase eya xine roropa. Ynara tykase toto: — Tuisamehxo tuisa Saromão! tykase toto.

1 Tuisa 18:46

Mame Ritonõpo jamitunuru toehse Eria a, tymety eary tymyhse eya, tururume toytotohme osemazuhme Akape esemary ae, Jezereu pona, enara.

1 Tuisa 19:16

Mame Jeu, Ninixi mũkuru, ahpako azeite ke, Izyraeu tuisaryme aehtohme. Eriseu, Sapate mũkuru, Apeu-Meora põ ahpako roropa azeite ke, omyakãme aehtohme, urutõme.

1 Tuisa 20:35

Morarame Ritonõpo omi poe urutõ toytose imepỹ urutono a. Ynara tykase ynororo: — Kypipohko orẽpyra samo, tykase. Yrome ipipokuru se pyra kynexine.

1 Tuisa 22:20

Mame tõturupose Ritonõpo: “Onoky Akape enekunohnõko nae, aytotohme Ramote pona, totapasẽme aehtohme?” tykase. Mame tozuhse ynororo tynenyohtyamo a toiro ikuhtoh poko, imehnomo a tyoro ikuhtoh poko.

1 Tuisa 22:4

Mame tõturupose Akape Josapa a: — Oytory se hma ymaro etonase Ramote pata põkõ maro? — Oytotoh tõtyhkase awahtao etonatoh taka oytotohme, ywy roropa amaro ytõko ysoutatu tõ maro, kawaru tõ roropa.

2 Tuisa 2:15

Mame mokaro urutõ kõ 50mãkõ Jeriko põkõ moro eneryke tyya xine ynara tykase: — Eria jamitunuru Eriseu maro mana! tykase toto. Toytose toto tõseporytohkõme imaro. Tosekumuru po typorohse toto Eriseu ẽpataka, “Imehxo mase,” katohme,

2 Tuisa 2:3

Mame urutõ kõ, morotõkõ oximõmãkõ toytose toto Eriseu a oturupose: — Tuaro mahno? Oesẽ arõko Ritonõpo mana owinoino, seroae ro? tykase. — Ỹ, zuaro ase, yrome moro poko oturupyra sehtone, tykase Eriseu.

2 Tuisa 2:5

Mame urutõ kõ oximõmãkõ, morotõkõ toytose toto Eriseu a oturupose: — Zuaro mahno? Seroae oesẽ arõko Ritonõpo owinoino mana, tykase toto. — Ỹ, zuaro ase, tykase Eriseu, — yrome moro poko oturupyra sehtone, tykase.

2 Tuisa 2:7

Morarame 50me urutõ kõ toto ekahmãko kynexine tuna Joatão ehpikoxi. Totypohse Eria maro Eriseu tuna ehpio. Mokaro urutõ kõ 50mãkõ xikihme toh nexiase ameke pyra.

2 Tuisa 4:1

Mame nohpo kynexine urutõ ekepyry pytỹpyry. Etuarimãko ynororo, inio ekepyry atamorepaketyme kynexine atamorepaketõ maro. Eriseu a toytose ynororo toetuarimary ekarose: — Amorepatono, ynio toorihse, Ritonõpo omipona exiketyme nexiase, zuaro mase. Tõsepekahse ynororo, mame onepehmara ro tahtao norikyase. Seromaroro mokyro noehno inepekatyhpyry esemỹpyry umũkuru tõ asakoro apoise myhene tynamotome toto ritohme moro epehmatohme. Kuakorehmako, nupunato kueneko ajohpãme samo, tykase.

2 Tuisa 4:29

Toeramase Eriseu Keazi a. Ynara tykase: — Ymyxiry apoiko oytotohme. Mame ytoko. Imehnõ maro oturupyra exiko toto eneryhtao oya osema tao. Imehnõ otururuhtao oya onezuhpyra exiko. Topohme rokẽ ytoko. Mame ymyxiry tyriko mose mũkuru pona.

2 Tuisa 9:4

Naeroro mokyro urutõ nuasemã toytose Ramote-Kireate pona.

2 Koronika 22:1

Tuisa Jeorão mũkuru tõ totapase arape tomo a toytose toto ahtao Jerusarẽ poremãkapose. Akazia rokẽ, Jeorão mũkuru akomihpyry tõxinamase kynexine. Naeroro tutuisarykõme Akazia tyrise Jerusarẽ põkomo a jũ myakãme.

2 Koronika 22:5

Morarame takorehmananõ omihpyry ae toytose ynororo Jorão, Akape mũkuru akorehmase soutatu tõ maro Ramote-Kireate pona etonatohme, tuisa Hazaeu, Xiria esẽ poremãkapose. Mame Jorão tuose repe etonatoh po tahtao, yrome orihpyra kynexine.

Jeremia 1:17

Jeremia, atakimako oytotohme. Oturuta eya xine, ynekarory oya emero zuruko toto jomi poe. Enaromyra exiko, mokaro zuno pyra. Enaromỹke awahtao seromaroro, moro motye enaromỹke orĩko ase mokaro ẽpataka awahtao.

Mateu 26:7

Mame mokyro tapyĩ tao Jezu ahtao nohpo toytose eya. Ixtaratu kurã tarose nohpo a Jezu popatohme. Topu kurã risẽ ao ixtaratu kynexine, arapaxturu risẽ ao. Ixtaratu ke pehme topu risẽ kynexine. Mame ixtaratu ẽ tuhkohse nohpo a Jezu zuhpokoxi tyritohme Jezu otukuruhtao. Moro ixtaratu tyrise eya Jezu zupuhpyry pona emero.

Teuteronomiu 4:1

Mame ynara tykase Moeze Izyraeu tomo a: — Ritonõpo omihpyry omipona ehtoko, inyripohpyry tõ roropa emero. Morohne ekarõko ase oya xine seromaroro isene oehtohkõme, Ritonõpo, kytamurukõ Esẽ nekarory, apoitohme roropa oya xine oesarykõme.

Teuteronomiu 4:3

Amarokõ meneatose emero Ritonõpo nyrihpyry ypy Peoa pũto. Moroto ahno totapase eya emero kymaro xine exiketõ tyneponãmarykõ Paau eahmananomo.

1 Peturu 1:13

Morara exiryke ipakatyã sã ehtoko. Tuaro ehtoko. Tãkye rokẽ ehtoko Ritonõpo nekarory eraximary poko. Tynekarory kurã ekarõko kyya xine mana Jezu Kyrixtu oepyry ropa ahtao. Aepyry ropa eraximatoko. Imepỹ poko osenetupuhpyra ehtoko. Ipoko rokẽ osenetupuhtoko.

1 Samueu 10:1

Mame oriu tarose Samueu a tymaro, Sauu zuhsuhmatohme. Tuhsuhmase eya ahtao typohse ynororo eya. Ynara tykase: — Serara yrino tuaro oehtohme. Omoro tymenekase Ritonõpo a typoetory tõ tuisaryme oehtohme, Izyraeu tõ esẽme, tykase. Tuisame erohnõko mase toto akorehmary poko. Toto pynanohnõko roropa mase toto epetõkara wino. Ynara tyrĩko Ritonõpo mana enetupuhpotohme oya omoro tymenekase Ritonõpo a typoetory tõ tuisaryme oehtohme:

1 Samueu 16:1

Mame ynara tykase Ritonõpo Samueu a: — Emynyhmara exiko Sauu poko. Ypoetory tõ esẽme mokyro se pyra toehse ase. Morara exiryke oriu arykako pui retyry aka arotohme amaro Perẽ pona, Jese tapyĩ taka. Imũkuru toiro tymenekase ya tuisame ehtohme, tykase Ritonõpo.