2 Tuisa 7:16 - Ritonõpo Omiry: A Bíblia Sagrada na língua Aparai do Brasil

¹⁶ Morarame tutũtase Samaria põkõ axĩ samo Xiria soutatu tõ nynomohpyry apoitohme tyya xine tykyryrykõme. Mame Ritonõpo omihpyry ae ro 3½ kiru tiriiku kurã epehpyryme, 7 kiru sewata epehpyryme saaro, toiro parata rokẽ nexiase.

2 Tuisa 7:16 ပူးပေါင်းရင်းမြစ်များ

2 Tuisa 7:1

Mame tozuhse ynororo Eriseu a, ynara tykase: — Etako pahne! Ynara ãko Ritonõpo mana: “Kokoro, serara xixi ahtao tonahsẽ epekahnõko typyne pyra kuhse Samaria po; tiriiku 3 kirume zokonaka epehpyry toiro parata exĩko, sewata 7 kirume ahtao epehpyry toiro parata exĩko,” tykase Eriseu.

2 Tuisa 7:15

Mame toytose toto tuna Joatão pona. Osema tao upo tonese eya xine mõkomo roropa, ipyrekõ tõkehko typahse Xiria soutatu tomo a aeparykohtao. Mame tooehse ropa toto tuisa zuruse.

2 Koronika 20:25

Mame toytose Josapa, ipoetory tõ maro toto mõkomohpyry apoise, topekõkara mõkomohpyry. Pui tõkehko tonese eya xine te, soutatu tõ pyre te, upo te, joia tomo, enara. Oseruao ẽmepyry taropose eya xine mõkomo arory poko, yrome itamurume exiryke emero toto mõkomohpyry anarosaromepyra toh kynexine.

Saumu 68:12

“Tuisa tõ soutatu tõ maro epãko mã toto, typoremãkase toexirykõke!” Tytapyĩkõ tao mõkomo tapiakase nohpo tomo a tynapoihpyrykomo topetõkara mõkomohpyry.

Saumu 68:13

Utukuimo panono parata ke tyõtose, taporihke zemime uuru kurã ke. (Oty katoh toitoine amarokõ tehme toehse kaneru tõ esao etonatoh po?)

Izaja 33:1

Popyra ehtoh oehnõko oya myhene, imehnõ enahkapone, yrome oenahkara ro imehnõ mana! Popyra ehtoh oehnõko oya, ewokane yrome oewokara ro imehnõ mana! Imehnõ tonahkakehse ahtao oya, tonahkasẽme exĩko mase; imehnõ towokakehse ahtao oya towokasẽme exĩko mase.

Izaja 33:23

Wapu tõ eary sarasarame mã kehko tymyhpokase mana. Mame itamĩ apõ xikihme exikety tũpore pyra toehse, itaminy ananỹpyra mana. Morarame kuepetõkara kyryry kurã apoĩko sytatose; imõkomory tõkehko, itamurume mõkomo apoĩko sytatose, ahmitahpyry tõ roropa mõkomo apoĩko mã toto.

Izaja 33:4

Ahno tomo, omõkomory emero arõko oepetõkara mana, taparara tuhkãkõ akurũ sã toehse toto ahtao.

Izaja 44:26

Yrome ypoetory ynara karyhtao: ‘Taroino ynara exĩko mana,’ karyhtao te, jomiry aroporyhtao josenetupuhtoh enepotohme, morohne ripõko ase rahkene zae jehtoh waro imehnõ ehtohme. Ynara ãko ase, pata Jerusarẽ pona ahno tõ oehnõko ropa tosahpyrykõ pona ropa, Juta patary tõ tyrisẽme ropa exĩko mã kehko, patãpo tõ ipahtyã poe patame exĩko ropa mana.

Numeru 23:19

Ahno sã pyra Ritonõpo mana, ajohpe exiketõ sã pyra; tõsenetupuhtoh onytyoromara mana. Tõmiry totapose ahtao Ritonõpo a, moro rĩko mana; ‘Tyrĩko ase,’ tykase ahtao Ritonõpo a tyrĩko mã rahkene.

Mateu 24:35

Kapu enahnõko mana. Sero nono roropa enahnõko mã repe. Yrome jomiry jũme enahpỹme exĩko mana.

1 Samueu 17:53

Mame pirixteu tõ ekahmaxĩpo toeramase ropa Izyraeu tomo topetõkara esahpyry pona. Mame mõkomo itamurume pirixteu tõ nynomohpyry tanỹse eya xine tykyryrykõme.