2 Tuisa 6:8 - Ritonõpo Omiry: A Bíblia Sagrada na língua Aparai do Brasil

⁸ Mame Izyraeu tõ poremãkapory se toehse Xiria tuisary. Naeroro tõturuse ynororo tysoutatu tõ esã maro: “Ehmaropa myaro Izyraeu tõ esaka, ohpetu pona, osesarise, toto poremãkapose,” tykase repe.

2 Tuisa 6:8 ပူးပေါင်းရင်းမြစ်များ

1 Tuisa 20:1

Morarame tuisa Pẽ-Hatate, Xiria esemy tõximõse typoetory tõ maro soutatu tõ maro. Takorehmase ynororo 32me tuisa tomo a, soutatu tõ maro, kawaru tõ maro, kahu tõ maro. Mame toytose ynororo tymarõkõ maro, pata Samaria zomyehmase moro pata põkõ poremãkapose.

1 Tuisa 20:23

Mame Pẽ-Hatate akorehmananõ ynara tykase eya: — Izyraeu tõ ritõ kõ mã ypy tõ po exiketõme mã toto. Morara exiryke kymarokõ motye jamihme toehse mokaro mã toto. Yrome toto maro osetaparyhtao ona po orẽpyrahxo exĩko sytatose. Izyraeu tõ poremãkapõko sytatose.

1 Tuisa 20:34

Mame ynara tykase Pẽ-Hatate eya: — Pata tõ, papa napoityã omy wino, ekarõko ropa ase oya. Mame osepekahtoh tyriko tyriry se awahtao Tamaxiku po, papa nyrihpyry sã Samaria po. Mame ynara tykase Akape eya: — Morara ahtao, osepeme kuexiryke, oẽmara ase ãpuruhpyry taka. Ytoko ropa oesaka. Naeroro imaro Akape osepeme tõsekarose toh kynexine. Mame taropose ropa ynororo eya.

1 Tuisa 22:1

Morarame asakoro jeimamyry taropose etonara Izyraeu toh kynexine Xiria tõ maro.

1 Tuisa 22:31

Morarame Xiria esẽ ynara tykase tysoutatu tõ esamo a, 32mãkomo a, kahu aronanõ tuisary tomo a: “Imehnõ onetapara ehtoko, Izyraeu esẽ rokẽ etapatoko.”

2 Tuisa 6:24

Mame okynahtao tuisa Pẽ-Hatate, Xiria tõ esẽ, toytose tysoutatu tõ maro etonase Izyraeu tõ maro. Mame Samaria tapuruse eya xine.

2 Tuisa 6:7

— Apoiko, tykase ynororo. Mame wywy tapoise eya. Tanỹse ropa eya rahkene.

2 Tuisa 6:9

Mame Izyraeu tuisary tutuarõmase urutõ a Ritonõpo poe. Ynara tykase ynororo Izyraeu tõ tuisary a: — Tomeseke ehtoko oytorykohtao ohpetu pona. Morotona ytõko Xiria tuisary tysoutatu tõ maro oetapase xine, tykase.

Porowepio 20:18

Imehnõ zae exiketõ omiry zupiko orẽpyra oehtohme onyriry poko; etonatoh taka ytopyra exiko moro poko atamorepara ro awahtao.

Porowepio 21:30

Ahno namorepatoh te, tupimã ezukuru waro roropa ahtao te, tyriry waro ehtoh roropa, morohne emero ãkorehmara mana oepeme pyra Ritonõpo ahtao.

Izaja 8:10

Oximõme osenetupuhtoko onyrirykõ poko, yrome morohne onyripyra ekurehnõko matose. Oturutoko onyrirykõ se oehtohkõ poko, yrome toiparo rokẽ moro exĩko mana yna maro Ritonõpo exiryke.