2 Tuisa 6:6 - Ritonõpo Omiry: A Bíblia Sagrada na língua Aparai do Brasil

⁶ — Otoko toepukase? tykase Eriseu. Mame aepukatopõpyry tonepose eya ahtao, mara tysahkase Eriseu a. Moro wewe tomase eya nakuaka. Mame toekuõse wywy kurimene nakuae.

2 Tuisa 6:6 ပူးပေါင်းရင်းမြစ်များ

2 Tuisa 2:21

mame toytose Eriseu tuna enatyry pona, tuna kuaka moro sautu tomase eya, ynara tykase ynororo: — Ynara ãko Ritonõpo Kuesẽkõ mana: “Sero tuna kurãkãko ase, taroino anaorihmapopyra ropa mana, poeto tõ epukara roropa exĩko mana sero tuna pokoino.”

2 Tuisa 4:41

— Kajama nae hmatou? tykase Eriseu. Mame kajama tyrise eya oripo aka. Ynara tykase ynororo: — Seromaroro ahnohpyry ekamoko ropa pixo toto otuhtohme, tykase. Mame moro tonahsẽ tukuhse ropa eya xine ahtao kure rokẽ kynexine rahkene.

2 Tuisa 6:5

Mame toerohse toiro orutua ahtao wewe akotyry poko, mõtoino rokẽ wywy epuru tõtouse, wywy toepukase nakuaka. — Oty rĩko ywy? tykase ynororo, tykohtase Eriseu a. — Axĩtao rokẽ moro wywy tapoise ya.

2 Tuisa 6:7

— Apoiko, tykase ynororo. Mame wywy tapoise eya. Tanỹse ropa eya rahkene.

Exutu 15:25

Jarao tõturuse Moeze yronymyryme Ritonõpo a takorehmatohme. Mame wewe zokonaka tonepose Ritonõpo a eya. Moro wewe tõmase eya ahtao tuna kuaka, tuna kure toehse toto okurume. Moroto tõmihpyry tokarose Ritonõpo a eya xine, Aomipona toto ehtohme. Moroto tukuhse roropa toto Ritonõpo a.