2 Tuisa 6:29 - Ritonõpo Omiry: A Bíblia Sagrada na língua Aparai do Brasil

²⁹ Naeroro umũkuru tahnose, tõse yna a. Yrokokoro: “Seromaroro omũkuru sõne,” ase eya repe. Yrome tumũkuru tonẽse eya! tykase.

2 Tuisa 6:29 ပူးပေါင်းရင်းမြစ်များ

1 Tuisa 3:26

Mame poeto ẽ nymyry kui tykase tumũkuru pyno toexiryke. — Arypyra tuisa! Ajohpãme sã umũkuru onysahkara exiko. Ekaroko mose nohpo a, tykase. Yrome imarono ynara tykase: — Zae poeto sahkary oxisã yna ehtohme, tumũkue pyra, tykase repe.

Izaja 49:15

Ynara ãko Ritonõpo, toto ezuhnõko: “Poeto ẽ tumũkuru poko wenikehnõko nah? Tumũkuru nymyry pyno exikehsaromepyra mana. Morarame tumũkuru poko tuenikehse nohpo ahtao ro, jũme wenikehpyra exĩko ase opoko.

Izaja 66:13

Typoenõ emuhkehkapory sã jeny a, ywy oemuhkehkapotorỹko ase Jerusarẽ po.

Ramẽtasão 4:10

Jerusarẽ tonahkase ahtao, nohpo tomo, typoenõ pyno aehtyã, typoenõkõ tahnose eya xine tõtuhtohkõme.

Rewitiku 26:27

— Moro sã toehse ahtao jomiry omipona pyra ro awahtao xine, yrome oorypyrykõ poko ro awahtao xine,

Rewitiku 26:29

Tonahsẽ pyra exĩko mana yronymyrymehxo, opoenõkõ õnõko matose omise oexirykõke.

Teuteronomiu 28:52

Apatarykõ emero Ritonõpo nekarory oya xine apurũko mã toto, apuru tõ, topu tõ risẽ, kaehxo exiketõ, jamihme exiketõ roropa, epukãko mã kehko, oewomatohkõme tonetupuhse oya xine repe.

Teuteronomiu 28:53

Apatarykõ apururu popyra exĩko mana ipunaka. Moro pata põkõ typynanohneke pyra exĩko mã toto, omise toexirykõke typoenõkõ õnõko mã toto, Ritonõpo nekarotyã eya xine.