2 Tuisa 6:27 - Ritonõpo Omiry: A Bíblia Sagrada na língua Aparai do Brasil

²⁷ — Ritonõpo Kuesẽkõ ãkorehmara ahtao oty rĩko ha ãkorehmatohme? Tiriiku esẽme jekarõko mah? Eukuru esẽme roropa jekarõko mah?

2 Tuisa 6:27 ပူးပေါင်းရင်းမြစ်များ

Jenexi 50:10

Toeporehkase toto ahtao Atate pona, tuna Joatão poe xixi tũtatoh wino tiriiku poko erohtoh pona, tyxitase toto, ihnamõko okynahxo. 7me ẽmepyry taropose Joze a moroto tumy hnamory poko.

2 Tuisa 6:26

Mame Izyraeu tõ tuisary ytoytoryhtao pata apuru poro nohpo tykohtase, ynara tykase ynororo eya: — Kuakorehmako, tuisa! tykase.

2 Tuisa 6:28

Yrome kaxiko! Oty popyra hnae oya? tykase. Ynara tykase ynororo: — Mõkokonie mokyro nohpo ynara tykase ya: “Eropa omũkuru sõne seroae. Mame kokoro umũkuru õnõko sytase,” tykase.

Saumu 127:1

Tapyi onyripyra Ritonõpo ahtao toiparo rokẽ erohnõko tapyi rinanõ mana tyriry poko. Pata onewomara Kuesẽkõ ahtao toiparo rokẽ eraximãko erase tõ mana.

Saumu 146:3

Ahno onyripyra ehtoko opynanohnekõme, tuisame toto ahtao ro; opynanohsaromepyra mã toto orihketõme rokẽ toexirykõke.

Saumu 60:11

Yna akorehmako yna zehnotokõ poremãkatohme; ahno a takorehmase ahtao toiparo rokẽ mana.

Saumu 62:8

Wekyry tomo, Kuesẽkõ onenetupuhkehpyra ehtoko! Osekarotoko eya, Kuewomanekõme ynororo exiryke, kuesarykõ kurano.

Izaja 2:2

Imeĩpo, moro ypy Ritonõpo Tapyĩ esary kaehxo exĩko mana, imehnõ ypy tõ kae ehtoh motye, emero porehme. Mame morotona iporiry sã ytõko ahno, imehnõ nonory põkomo, imehnõ nonory poe emero porehme.

Jeremia 17:5

Ynara tykase Ritonõpo: “Popyra ehtoh enehpõko ase jurumekary se exiketomo a, ahno rokẽ ritohme takorehmaneme, orihketõ jamitunuru se rokẽ exiketomo a.