2 Tuisa 6:20 - Ritonõpo Omiry: A Bíblia Sagrada na língua Aparai do Brasil

²⁰ Morarame tomõse toto ahtao Samaria pona, tõturuse ropa Eriseu Ritonõpo a, ynara tykase: — Enurukõ ikurãkako ropa Ritonõpo, kure toto osenuhmatohme ropa, tykase. Mame aomiry totase Ritonõpo a. Aomihpyry ae ro toto enuru tukurãkase ropa eya. Tõsenetupuhse toto Samaria po toexirykõ poko.

2 Tuisa 6:20 ပူးပေါင်းရင်းမြစ်များ

2 Tuisa 6:17

Mame tõturuse ynororo Ritonõpo a, ynara tykase: — Ritonõpo yna Esemy, mose akorehmako kurehxo enuru osenuhmatohme, tykase. Mame morara tyrise Ritonõpo a rahkene. Morarame kurehxo tõsenuhmase urutõ poetory. Kawaru tõ tonese eya te, kahu tõ maro apoto ao samo, ypy tõ poro Eriseu tõ zomye, toto pynanohtohme.

2 Tuisa 6:19

Mame toytose Eriseu eya xine, ynara tykase ynororo: — Sero osema kara. Sero pata yro kara roropa. Kuekahmatoko. Aarotorỹko ase mokyro a onupirykomo a, tykase. Mame tarose toto eya Samaria pona.

Numeru 22:31

Mame Ritonõpo poe, Paraão a Ritonõpo nenyokyhpyry tonese moroto osema tao tapema ke tomahpõke. Paraão typorohse tosekumuru po nono pona, tõmyty po nono pokoxi.

Ruka 16:23

Mame sam tykase ynororo myhene, popyno esao tahtao. Mame kakoxi tõsenuhmase ynororo ahtao, moero Aparão tonese eya, Razaru roropa tonese, Aparão maro.

Ruka 24:31

Mame morara kary etaryke tyya xine tonetupuhse ynororo eya xine. — Tee! Jezu hmose ro, tykase toh rahkene. Mame Jezu tõtuenikase ropa mokaro maro toehxĩpo. Esahpyry pona rokẽ tõsenuhmase toto.