2 Tuisa 5:25 - Ritonõpo Omiry: A Bíblia Sagrada na língua Aparai do Brasil

²⁵ Tapyi taka tomõse ropa oturutohme Eriseu maro. Mame tõturupose Eriseu: — Aza mytono? tykase. — Arypyra, ytopyra akene! tykase Keazi.

2 Tuisa 5:25 ပူးပေါင်းရင်းမြစ်များ

Jenexi 16:8

tõturupose ynororo eya: — Akara, Sarai poetory, ozeino moehno? Aza ytõko mah? — Jesẽ winoino epãko ase, tykase ynororo.

Jenexi 4:9

Mame Ritonõpo tõturupose Kaĩ a: — Otoko ãkorõ Apeu nae? tykase. — Zuaro pyra ase, tykase Kaĩ, — jakorõ eraseme tokoh a? tykase.

2 Tuisa 20:14

Morarame urutõ, Izaja toytose tuisa Ezekia a ekaropose: — Otokoino toehse mokaro nae? Otara tykase toto oya? tykase ynororo. — Moino nono imepỹ poe toehse mã toto, Papironia poe, tykase Ezekia eya.

2 Tuisa 5:22

— Arypyra, tykase Keazi. — Yrome tonehpose ywy jesemy a ouruse. Seromaroro tooehse mã toto, urutõ kõ asakoro, ypy tõ poe Eparaĩ nonory po. Naeroro kure eya exiry parata ekarory eya xine 30 kirume te, upo kurã roropa asakoro, tykase.

2 Koronika 26:19

Mokaro omiry etaryke tyya, tyekĩtapãse Uzia oturuketõ zehno. Ritonõpo Tapyĩ tao nexiase, ixtaratu zahkatoh apõ pũto, jahkatoh apoĩko tomary ke. Mame tyekĩtapãse ynororo ahtao tyrohsẽ popyra tutũtase ipery pokona.

Porowepio 30:20

Ynara sã mã nohpo tynio maro rokẽ pyra exikety: imepỹ maro ehxĩpo epỹko mana; moromeĩpo ynara ãko mana: “Azahkuru ehtoh onyripyra akene!”

Ezekieu 33:31

Naeroro oximõnõko mã toto tuhkãkomo õmiry etatohme tyya xine repe, yrome otato pyra mã toto. “Kurã potu aomiry nase, Ritonõpo eahmãko ynanase,” ãko mã toto. Yrome tineru apoiry se rokẽ mã toto.

Mateu 26:21

Mame tõtukurukohtao ro ynara tykase Jezu eya xine: — Etatoko pahne, taro toiro ohtaõkõ jewokãko mana, tykase ynororo typoetory tomo a.

João 13:2

Morarame kokonie pukuro tõtuhse Jezu typoetory tõ maro. Morarame joroko tamuru nymenekahpyry Juta kynexine, Ximão Ixikariote mũkuru. Jezu ewokaneme tymenekase joroko tamuru a.

1 Samueu 10:14

Mame Sauu aory tõturupose eya xine: — Otoko mexiatose? tykase. — Jumẽtu tõ zupĩko ynanexiase, tykase Sauu. — Mame toto onenepyra yna ahtao ynanytoase Samueu a oturuse.