2 Tuisa 3:12 - Ritonõpo Omiry: A Bíblia Sagrada na língua Aparai do Brasil

¹² — Urutõ nymyry mokyro. Ritonõpo poe oturũko mana, tykase Josapa. Naeroro Eriseu a toytose toto, tuisa tõ oseruao.

2 Tuisa 3:12 ပူးပေါင်းရင်းမြစ်များ

2 Tuisa 2:21

mame toytose Eriseu tuna enatyry pona, tuna kuaka moro sautu tomase eya, ynara tykase ynororo: — Ynara ãko Ritonõpo Kuesẽkõ mana: “Sero tuna kurãkãko ase, taroino anaorihmapopyra ropa mana, poeto tõ epukara roropa exĩko mana sero tuna pokoino.”

2 Tuisa 3:11

Mame tuisa Josapa tõturupose. Ynara tykase ynororo: — Urutõ Ritonõpo poe pyra hnae taro? Eya ekaropotohme Ritonõpo a? tykase. Toiro kapitão, Jorão poetory ynara tykase: — Eriseu, Sapate mũkuru taro mana. Eria akorehmaneme kynexine, tykase.

2 Tuisa 3:13

— Oty katoh ãkorehmarykõ se moehtou ya? tykase Eriseu Izyraeu tõ esemy a. — Ytoko omykõ poetory tomo a, asakõ maro, ekaropose eya xine. — Arypyra, Ritonõpo a rokẽ yna tonehpose xiaro, oseruao tuisa, osekarotohme Moape esemy a, tykase Jorão.

2 Tuisa 5:15

Morarame toeramase ropa ynororo Eriseu esaka typoetory tõ maro emero. Ynara tykase ynororo eya: — Seromaroro zuaro ase, sero nono po porehme imepỹ Ritonõpo panõ pyra mana ipunaka. Toiro rokẽ mã Izyraeu tõ Esemy; naeroro ajohpãme sã ynekarory apoiko, mõkomo, “Kure mase,” kary se jexiryke oya, tykase ynororo Eriseu a.

Izaja 49:23

Tuisa tõ jũkõ sã opoenõkõ pyno exĩko mã toto, ipyxiãkõ opoenõ pyno ehtoh poko erohnõko mã toto. Tosekumuru po porohnõko mã toto oẽpataka tõmytykõ po nono pokoxi. Erohnõko mã toto opoetoryme. Morara ahtao zuaro exĩko matose ywy ase Ritonõpo, jenetupuhnanõ jũme emynyhmara exĩko mã toto.”

Izaja 60:14

Mame orohmanohponanõ tuisary tõ poenõ oehnõko mã toto, tosekumurukõ po porohnõko mã toto nono pokoxi oẽpataka: ‘Imehxo mase,’ katohme oya. Mokaro emero oryhmahpõkõ, oehnõko mã toto oya, tõmytykõ rĩko nono pokoxi. Ritonõpo pataryme oesehtõko mã toto, Xiãome, Izyraeu tõ Esẽ kurã pataryme.

Jeremia 37:17

Imeĩpo tonehpose ywy tuisa Zetekia a. Toeporehkase jahtao itapyĩ konõto taka, tõturupose ywy eya tokare pyra: — Jeremia, Ritonõpo otururu totase oya, Kuesẽkõ omiry yna poko? — Ỹ, totase ya! Omoro, tuisa, tokarosẽme exĩko Papironia tuisary a.

Apokaripxi 3:9

Etatoko pahne, mokaro, joroko tamuru poetory ajohpe mã toto. ‘Juteume ynanase,’ ãko toh mã repe. Yrome juteutõkara mokaro. Mokaro enehpõko ase oẽpataka xine. Tosekumurukõ pona porohnõko mã toto, ‘Kure mase,’ katohme oya xine. Opyno xine jehtoh enetupuhnõko mã toto emero.