2 Tuisa 20:14 - Ritonõpo Omiry: A Bíblia Sagrada na língua Aparai do Brasil

¹⁴ Morarame urutõ, Izaja toytose tuisa Ezekia a ekaropose: — Otokoino toehse mokaro nae? Otara tykase toto oya? tykase ynororo. — Moino nono imepỹ poe toehse mã toto, Papironia poe, tykase Ezekia eya.

2 Tuisa 20:14 ပူးပေါင်းရင်းမြစ်များ

2 Tuisa 20:13

Enehnanõ toahmase Ezekia a tytapyĩ konõto taka toto omõtohme. Mame tymõkomory kurã tonepose eya: parata, uuru maro, otytyko tonahsã emeporyme, ixtaratu te, typyre tõkehko, emero tonepose eya xine.

2 Tuisa 20:15

— Oty tonese eya xine atapyĩ tao? tykase, tõturupose Izaja. — Tonese eya xine emero porehme, tykase Ezekia. — Emero enepoase eya xine.

Saumu 141:5

Otarame zae exiketõ juãnohnõko mã toto, otarame jupokãko roropa mã toto ypynotome toto ahtao; yrome popyra exiketomo a jeahmary se pyra ase ipunaka. Oturukehpyra ase Ritonõpo a popyra ehtoh poko exiketõ akorekehkatohme eya.

Porowepio 25:12

Otato ahno ahtao tuaro se toexiryke, tuaro exikety namorepary kure kuhse mana, omahtao uuru risẽ motye te, õkyry uuru kurã risẽ motye roropa mana.

Izaja 13:5

Soutatu tõ oehnõko mã toto Perexia poe, moino tynonorykõ poe, moino nono etyhpyry poe oehnõko mã toto. Zehno Ritonõpo exiryke, typoetoryme mokaro rĩko mana Papironia enahkatohme.

Ezekieu 23:23

Papironia põkõ enehnõko ase emero, kauteu tõ maro pata Pekote poe te, pata Soa poe te, pata Koa poe roropa, axirio tõ maro emero. Nuase tõ mokaro emero: tuisa tomo te, tuisa mũkuru tomo, enekure exiketomo, enara. Tamorepase toto emero, kawaru po ytoketõ tuisaryme mã toto.

Numeru 22:9

Mame Ritonõpo tooehse Paraão a. Ynara tykase: — Onokãkõ mokaro amaro?

Teuteronomiu 28:49

— Moino, sero nono etyhpyry poe ahno enehpõko Ritonõpo mana etonatohme amaro xine, imepỹ nono põkomo, imepỹ omiry ae oturuketomo, moro omi waro pyra matose ipunaka. Axĩ oporemãkapose oehnõko mã toto, pianoimo samo.

Jozue 9:6

Mame toytose toto Izyraeu tõ esary pona Kiukau pona, ynara tykase toto Jozue tomo a: — Toeporehkase yna moino, yna nonory poe. Taroino moe yna esary ipunaka. Õmirykõ etary se ynanase osepeme amaro xine yna ehtohme.

Jozue 9:9

Ynara tykase mokaro Kipeão põkomo: — Opoetoryme ynanase. Tooehse yna moino ipunaka, yna esary poe, totase yna exiryke Ritonõpo Oesẽkõ poko. Tokãtose emero inyrihpyry poko Ejitu po.