2 Tuisa 2:20 - Ritonõpo Omiry: A Bíblia Sagrada na língua Aparai do Brasil

²⁰ Naeroro ynara tykase Eriseu: — Sautu tyriko kasana kasenato aka, mame enehko ya, tykase. Tonehse eya xine,

2 Tuisa 2:20 ပူးပေါင်းရင်းမြစ်များ

2 Tuisa 2:19

Mame orutua kõ, Jeriko põkõ toytose oturuse Eriseu maro: — Tuaro mase, sero pata kure repe, yrome tuna rokẽ popyra nase, ipokoino poeto tõ exipyra ro ahtao epukãko.

2 Tuisa 2:21

mame toytose Eriseu tuna enatyry pona, tuna kuaka moro sautu tomase eya, ynara tykase ynororo: — Ynara ãko Ritonõpo Kuesẽkõ mana: “Sero tuna kurãkãko ase, taroino anaorihmapopyra ropa mana, poeto tõ epukara roropa exĩko mana sero tuna pokoino.”

Ezekieu 47:11

Yrome ikuhpo pitiko tõ kuao, pẽkamã kuao roropa tuna onukurãkara mana. Moroto rokẽ exĩko mana sautu ritohme.

Sowonia 2:9

Morara exiryke ywy, Ritonõpo, Izyraeu tõ Esemy, jomiry etapõko ase: Moape tõ nonory, Amõ tõ nonory roropa tonahkasẽme exĩko pata Sotoma tõ samo, Komora maro. Inonorykõ patãpome exĩko mana jũme rahkene. Ãtarykahme exĩko moroto mana, omoxino hpe roropa, eutary tõ roropa sautume rokene. Mokaro mõkomohpyry arõko ypoetory tõ akoĩpyry mana, inonohpyrykõ esẽme exĩko roropa mã toto.

Juize 9:45

Pata põkõ maro tõsetapase Apimereke ikohmamyry pona. Totapase toto eya porehme. Pata tyyryhmase eya, sautu tomase eya nono pona otyro ahtara ehtohme.