2 Tuisa 2:2 - Ritonõpo Omiry: A Bíblia Sagrada na língua Aparai do Brasil

² Mame osema tao ynara tykase Eria tymarono Eriseu a. — Taro exiko; tonyohse ywy Ritonõpo a Peteu pona jytotohme, tykase. Yrome ynara tykase Eriseu Eria a: — Ritonõpo Kuesẽkõ netaryme onetaryme roropa: orumekara sãtã ase, tykase. Naeroro toytose toto Peteu pona.

2 Tuisa 2:2 ပူးပေါင်းရင်းမြစ်များ

Jenexi 28:19

Moro pũto pata kynexine, esety Ruze. Yrome moro tosehpase eya Peteume.

1 Tuisa 12:28

Naeroro asakoro pui mũkuru uuru risẽ tyrise eya. Mame ynara tykase ynororo Izyraeu tomo a: — Epo hnae oytorykõ Jerusarẽ pona Ritonõpo eahmase. Izyraeu tomo, moxiamo oritõkõme mã kehko. Moxiaro Ejitu poe oenepyatose, tykase Jeropoão.

1 Tuisa 12:29

Mame toiro pui mũkuru panõ uuru risẽ tyrise eya Peteu po. Zakorõ tyrise eya Tã po.

1 Tuisa 12:33

Morarame moro ae, ẽmepyry 15me ae, nuno 8mã po, tõmihpyry ae ro toytose ynororo Peteu pona tynekarory zahkatohme apoto apõ po oseahmaryme Izyraeu tõ amorepatopõpyry ae ro eya.

2 Tuisa 2:23

Morarame Eriseu toytose Jeriko poe Peteu pona. Osema ae aytoryhtao ahno, nuasemãkõ tutũtase pata poe, ipoihtõko toh kynexine, eunohnõko, ynara tykohtase eya xine: — Ytoko taroino, merehkusasame exikety! Onuhko ty! tykase toto.

2 Tuisa 2:4

Mame ynara tykase Eria Eriseu a: — Taro exiko, tonyohse jexiryke Ritonõpo a, Jeriko pona jytotohme, tykase. Yrome ynara tykase Eriseu: — Ritonõpo Kuesẽkõ netaryme onetaryme roropa, ynara ãko ase oya: Orumekara ase rahkene, tykase. Naeroro toytose toto Jeriko pona.

2 Tuisa 2:6

Mame ynara tykase Eria Eriseu a: — Taro rokẽ exiko. Tonyohse ywy, tuna Joatão pona jytotohme, tykase. Yrome tozuhse ynororo Eriseu a: — Ritonõpo Kuesẽkõ netaryme, onetaryme roropa orumekara ase rahkene, tykase. Naeroro toytose ro toto.

2 Tuisa 4:30

Yrome ynara tykase mokyro nohpo Eriseu a: — Ritonõpo Kuesẽkõ netaryme, onetaryme roropa, orumekara ase taro, tykase. Naeroro toytopitose ropa toto, asakoro ro.

Jeremia 4:2

Mame ajohpe pyra õmirykõ etaporyhtao oya xine, zae rokẽ awahtao xine: “Ritonõpo netaryme te, Ritonõpo neneryme,” ãko matose. Mame imehnõ nonory põkõ emero kure toto ripõko mã toto ya, jeahmãko roropa mã toto.

1 João 2:19

Mokaro Jezu poetory nymyry kara toh kynexine. Morara exiryke turumekase eya xine kymarokomo. Jezu poetoryme nymyry toto ahtao, kymaro xine ro toh exiry. Yrome kurumekatone toto, zuaro kuehtohkõme, Jezu poetoryme pyra toto exiry waro kuehtohkõme.

1 Samueu 1:26

Ynara tykase Ana eya: — Wenikehpyra ro hma ypoko? Ywy roro ase, oturũko ke exiase taro Ritonõpo a, oneneryme.

1 Samueu 17:55

Mame Tawi enẽko Sauu nexiase aytoryhtao pirixteu etapase. Tõturupose ynororo tysoutatu esemy Apinea a: — Apinea, onoky mũkuru koh mose ro? tykase. — Kũ morararo zuaro pyra ase, tykase ynororo eya.

1 Samueu 25:26

Seromaroro Ritonõpo a takorehmase omoro imehnõ onetapara oehtohme, emỹpopyra amoreme oehtohme. Ynara se ase Ritonõpo a ozehnotokõ emero tuãnohsẽme, mokyro Napau ehtoh samo.