2 Tuisa 2:19 - Ritonõpo Omiry: A Bíblia Sagrada na língua Aparai do Brasil

¹⁹ Mame orutua kõ, Jeriko põkõ toytose oturuse Eriseu maro: — Tuaro mase, sero pata kure repe, yrome tuna rokẽ popyra nase, ipokoino poeto tõ exipyra ro ahtao epukãko.

2 Tuisa 2:19 ပူးပေါင်းရင်းမြစ်များ

1 Tuisa 16:34

Morarame Akape tuisame ahtao Hieu, Peteu põ toerohse pata Jeriko kurãkary ropa poko. Morarame Ritonõpo omihpyry ae ro Jozue Num mũkuru omihpyry ae, Hieu mũkuru apitorymã Apirão toorihse, pata Jeriko apõ riryhtao. Moromeĩpo imũkuru etyhpyrymã, Sekupe toorihse pata omõtoh riryhtao eya.

1 Tuisa 18:13

Tuaro pyra make, Ritonõpo poe urutõ kõ etaparyhtao Jezapeu a 100mãkõ tonẽse ya toto ewomatohme oramãka, asakoro 50mãkomo? Tonahsẽ ekaroase eya xine tuna roropa.

1 Tuisa 18:7

Mame Opatia ytoytoryhtao mõtoino rokẽ tõseporyse Eria maro. Tonetupuhse ynororo eya. Tosekumuru po typorohse Opatia Eria ẽpataka, tõmyty po nono pokoxi. Mame tõturupose ynororo eya: — Omoro mahno, tuisa? tykase.

2 Tuisa 2:18

Mame toeramase ropa toto Jeriko pona ropa. Moroto Eriseu kynexine toto eraximãko. Ynara tykase ynororo eya xine: — Ytopyra ehtoko, ase oya xine.

2 Tuisa 2:20

Naeroro ynara tykase Eriseu: — Sautu tyriko kasana kasenato aka, mame enehko ya, tykase. Tonehse eya xine,

Exutu 15:23

Toeporehkase toto Mara pona. Yrome moro tuna onẽsaromepyra toh kynexine, itũ exiryke. Morara exiryke moro esety Mara kynexine.

Exutu 23:26

Ononory po opyxiãkõ emũkuãko mã toto. Epukara poeto tõ exĩko mã toto. Ypoe isene matose exĩko okynahxo.

Exutu 7:19

Ynara tykase roropa Ritonõpo Moeze a: — Kaxiko Arão a, tymyxiry anỹtohme tuna tõ poro, iporiry tõ maro, ikuhpo tõ maro, morohne tunary anyhtatohme munume. Ahtao munume exĩko paxiha tõ wewe risẽ ao, oripo tõ topu risẽ ao roropa.

Ozeja 9:14

Ritonõpo yna Esemy, oty rĩko mah mokaro opoetory tõ poko? Ipyxiãkõ emũkuasaromepyra toto tyriko! Toemũkuase toto ahtao suhsu toukure pyra tyriko toto onẽpopyra toto ehtohme!

Numeru 12:11

Ynara tykase Arão Moeze a: — Ajohpame sã tuisa, yna onuãnohpopyra exiko azahkuru yna ehtoh poko, ajoajohpe toehse yna exiryke.

Teuteronomiu 28:11

Tuhke opoenõkõ ekarõko oya xine mana, tuhke okyno tõ roropa, itamurume anapyrykõ roropa moro nono po inekarory po oya xine tõmihpyry ae ro tynetapohpyry ae ro kytamurukomo a.

1 Timoteu 5:17

Mame Jezu poetory amorepatõkõ epehmatoko.

Jozue 6:17

Pata enahkatoko epõkõ maro emero porehme onekarorykõme Ritonõpo a. Nohpo Raape, orutua kõ poko exikety rokẽ ipynanohtoko itapyĩ taõkõ maro, sero enese aehtyã typynanohse eya exiryke.

Jozue 6:26

Morarame popyra Jeriko tyripose Jozue a Ritonõpo omi poe. Ynara tykase ynororo Jeriko poko: — Pata Jeriko riryhtao ropa tyriry poko exikety akorekehkãko Ritonõpo mana. Moro pata apõ tõ riryhtao, tyrine mũkuru osemazupu orihnõko mana. Omõtoh apuru tõ riryhtao, tyrine mũkuru etyhpyrymã orihnõko mana.