2 Tuisa 2:13 - Ritonõpo Omiry: A Bíblia Sagrada na língua Aparai do Brasil

¹³ Eria zuponỹpyry tanỹse eya, nono pona aepukahpyry. Toeramase ropa ynororo tuna Joatão ehpikoxi ropa.

2 Tuisa 2:13 ပူးပေါင်းရင်းမြစ်များ

1 Tuisa 19:19

Morarame Eria toytose oseporyse Eriseu maro, tupito poko aerokuruhtao. Imaro 12me pui asasakoro erohnõko kynexine. Asakoro pui etyhpyrymã ke erohnõko kynexine ynororo. Mame Eriseu pũtokoxi toytose Eria ahtao tupõ jaraono tomase eya Eriseu pona.

1 Tuisa 9:26

Wapu tõ roropa tyripose Saromão a Eziõ-Kepea po Erate pũto, tuna Akapa ehpio, Etõ nonory po.

2 Tuisa 2:12

Moro eneryke Eriseu a tykohtase ynororo: — Papa! Papa! Izyraeu tõ ewomane! Arypyra mase! Mame Eria onenepyra ropa toehse ynororo. Mame tãtasamaryke tupõ tyxihkase Eriseu a irãnakuroko.

2 Tuisa 2:14

Eria zuponỹpyry ke tuna typipohse eya. Ynara tykase: — Otoko Ritonõpo nae, Eria esemy? Mame tuna totapase ropa eya, tãtapiakase moro irãnakuroko, mame tãtakuohse ynororo tuna Joatão mõpozakoxi.

2 Tuisa 2:8

Mame tupõ jaraõ tupokase Eria a, tamẽse eya, mame moro ke tuna totapase eya. Typipohse tuna ahtao tãtapiakase, mame Eriseu maro takuohse toto nono tonorẽ poro.

Epereu 11:37

Topu ke totapase toto. Serra ke tuhkohse toto irãnakuroko. Warata ke tuose toto. Kaneru pihpyry tamuruse eya xine tupoke pyra toexirykõke. Tytineruke pyra toh kynexine. Tyhtomase te, tyyryhmase roropa toto itamurume.

1 Samueu 28:14

— Onoky sã hnae ynororo, tykase, tõturupose. — Tamuhpomano, tupoke mosã ke, tũtãko mana, tykase nohpo. Mame Samueume aexiry tonetupuhse Sauu a. Tosekumuru po typorohse ynororo, tõmyty po nono pokoxi “Imehxo mase,” katohme Samueu a.