2 Tuisa 19:2 - Ritonõpo Omiry: A Bíblia Sagrada na língua Aparai do Brasil

² Typoetory Eriakĩ tõ, tuisa tapyĩ konõto erase, Sepena maro, omi merone taropose eya oturuse urutõ Izaja maro. Upo kamisa topuxiximã risẽ tamuruse eya xine toemynyhmarykõke.

2 Tuisa 19:2 ပူးပေါင်းရင်းမြစ်များ

2 Samueu 3:31

Mame ynara tykase Tawi Joape a imarõkomo a roropa. — Oxitatoko Apinea orihtopõpyry poko. Oupõkõ ixihkatoko roropa oemynyhmarykõ enetupuhpotohme. Osemazuhme ytotoko zonẽtoh pona. Mame Apinea ekepyry ẽ mykapo toytose tuisa Tawi.

2 Tuisa 12:10

Mame moro kaxo ao tineru itamurume toehse ahtao, tuisa akorehmane tooehse, Ritonõpo maro oturuketõ tuisary maro, kaxo etapuruhmakase. Moro tineru tuhke ehtoh tukuhse eya xine otãto moro ehtoh waro ehtohme. Mame saku aka moro tyrise eya xine.

2 Tuisa 18:18

Mame tuisa Ezekia tykohmapose tyya xine oturuse tymaro xine repe. Oseruao Ezekia poetory esã toytose oseporyse toto maro: Eriakĩ, Hiukia mũkuru, tuisa tapyĩ konõto eraseme ynororo; Sepena, omi merone te, Joa, Asape mũkuru, tuisa akorehmane zae ehtoh poko zuaro ehtohme, enara.

2 Tuisa 19:3

Ynara tykase toto Izaja a: — Ynara ãko Ezekia: “Seroae etuarimatoh mana; tuãnohsẽme exĩko sytatose, ehxirõko sytatose. Nohpo enurukety samo, tonurutoh po toehse ahtao jamihkehnõko mana. Moro sã sytatose.

2 Koronika 26:22

Morarame emero tuisa Uzia nyrityamo apitorymã poe etyhpyry pona tymerose pape pokona urutõ Izaja a, Amoxi mũkuru.

Izaja 1:1

Sero omi Ritonõpo nekarohpyryme mana Juta tõ poko, pata Jerusarẽ põkõ poko roropa. Morohne tokarose Izaja a Amoxi mũkuru, tuisame Uzia ahtao, Jotão tuisame ahtao, Akaze tuisame ahtao, Ezekia tuisame ahtao roropa Juta po.

Izaja 2:1

Sero omi Ritonõpo nekarohpyry Izaja a, Amoxi mũkuru, Juta poko, Jerusarẽ poko roropa:

Jeremia 19:1

Mame Ritonõpo a tonyohse ywy oripo epekahse, orino risemy. Tamuximãkõ taropose eya ymaro toto ytotohme oturuketõ tamuhpomãkõ tuhkã kara maro,

Jeremia 36:24

Yrome mokyro tuisa, imaro tamuximãkõ enaromyra toh nexiase moro omi etaryhtao tyya xine. Enaromyra toh nexiase, emynyhmara popyra toehtohkõ poko Ritonõpo neneryme.

Mateu 4:14

Ritonõpo omihpyry ae ro morotona toytose Jezu, ynara tymerose exiryke Izaja a Ritonõpo omiryme:

Ruka 3:4

Izaja ekepyry nymerohpyry ae ro João toehse. Pake Ritonõpo poe urutõme Izaja kynexine. Ynara tymerose eya João poko pake Ritonõpo omiryme typapẽ pokona: “Opore mokyro oturũko mana, ahno esao pyra. Ynara ãko mana: ‘Kuesẽkõ oehsasaka mana. Naeroro topohme osema tyritoko. Esemahtotoko.