2 Tuisa 18:11 - Ritonõpo Omiry: A Bíblia Sagrada na língua Aparai do Brasil

¹¹ Morarame Izyraeu tõ tarose Axiria esemy a, typoetoryme tynonory pona. Tarose toto zokonaka pata Hara pona, imehnõ tarose eya tuna Hapoa pũtokoxi, Kozã nonory pona, imehnõ tarose roropa eya pata tõ Metia nonory pona.

2 Tuisa 18:11 ပူးပေါင်းရင်းမြစ်များ

2 Tuisa 15:29

Morarame tuisame Peka ahtao Izyraeu tõ esẽme, tuisa Tikirate-Piresea, Axiria esẽ, tooehse pata tõ poremãkapose; Ijõ te, Apeu-Pete-Maaka te, Janoa te, Ketese te, Hazoa te, Kireate nonory te, Karirea maro, Napatari, enara. Mame morotõkõ tarose eya typoetoryme Axiria pona.

2 Tuisa 17:6

Mame Samaria typoremãkase eya xine, 9me jeimamyry taropose ahtao Ozeja a tuisame ehtoh poko. Mame morotõkõ tarose Axiria tuisary a typoetoryme, Axiria pona. Toto zokonaka taropose eya pata Hara pona te, imehnõ tyripose eya tuna Hapoa pũtokoxi, Kozã nonory po, imehnõ roropa taropose eya pata Metia pona, enara.

2 Tuisa 19:11

Orẽpyra Axiria tuisary ehtoh poko tuaro matose. Imehnõ nonory poremãkapory se ahtao, iporemãkapõko mana. Osepynanohsaromepyra matose.

2 Tuisa 21:8

Mame jomihpyry moiryhtao Izyraeu tomo a, Moeze nyripohpyry riryhtao eya xine emero porehme, toto anaropopyra ase esarykõ poe, ynekarohpyry itamurukomo a.”

2 Tuisa 23:27

Mame ynara tykase Ritonõpo: — Juta tõ wãnohnõko ase, Izyraeu tõ wãnohtopõpyry sã ya. Mya Juta tõ aropõko ase ywinoino. Pata Jerusarẽ ynymenekahpyry jesaryme irumekãko ase. Ytapyĩ roropa, moro tao jeahmatohme mana, katopõpyry ya irumekãko ase.

1 Koronika 5:26

Morara exiryke Ritonõpo poe Puu, axirio tõ tuisary toehse toto nonory pona toto poremãkapose. Mokyro esety akorõ Tikirate-Piresea kynexine. Eya Rupẽ tõ tarose Kate tõ maro te, Manase tõ xixi tũtatoh wino maro tosaka. Tonyohse toto eya pata tõ: Hara pona te, Hapoa te, Hara pona roropa tuna Kozã ehpikoxi. Moroto ro mã toto seroae ro.

Neemia 9:30

Tuhke jeimamyry ae turuse toto oya, penekehpyra mexiase. Urutõ kõ ae tõturuse Ouzenu toto netaryme repe, yrome onetara toh kynexine. Naeroro toto mekarone imehnõ nono põkomo a toto poremãkatohme eya xine.

Izaja 10:11

Samaria tykararahse ya ineponãmarykõ maro. Mame moro rĩko ase Jerusarẽ põkomo a roropa, ineponãmarykõ maro.’ ”

Izaja 10:5

Ynara tykase Ritonõpo: “Popyra ehtoh oehnõko Axiria tuisary a! Kaparu sã mana jemary ao imehnõ wãnohtohme toto zehno jahtao.

Izaja 36:2

Moromeĩpo soutatu tõ tuisary tonehpose Axiria tuisary a ytotohme pata Rakixi poe Jerusarẽ pona soutatu tõ maro tuhke, Ezekia poremãkapose. Mame toeporehkase toto ahtao Jerusarẽ pona osema tao toh nexiase, kamisa zonohnanõ erohtoh esary pũto, nono ahkahpyry tuna esemary pũto, tuna enehtohme kaino pẽkamã poe.

Izaja 37:12

Pake ahtao pata tõ typoremãkapose ytamuru tomo a, Kozã te, Harã te, Rezepe te, Etẽ põkõ totapase eya xine, Terasaa patary ponõpo tomo. Toto onewomasaromepyra ineponãmarykõ kynexine.

Izaja 7:8

Ynara exiryke Xiria jamitunurume pata Tamaxiku mana, kowenu esary, Tamaxiku jamitunuru tuisa Rezĩ mana. Izyraeu jamitunuru pata Samaria mana, kowenu esaryme. Samaria jamitunuru tuisa Peka mana, Remaria mũkuru. Taroino 65me jeimamyry taropose ahtao Izyraeu tonahkasẽme exĩko, tynonory põkõme pyra. — Orẽpyra onenetupuhpyra awahtao xine, orẽpyra ehsaromepyra matose ipunaka.

Izaja 8:4

Ynara exiryke wãtara ro moky pitiko ahtao, “aja” kary waro pyra ro ynororo ahtao, “papa” kary waro pyra roropa ahtao Tamaxiku mõkomory te, Samaria mõkomory roropa emero arõko Axiria tuisary mana.

Ozeja 9:3

Taro Ritonõpo nonory po okynã pyra exĩko Izyraeu tõ mana, taroposẽme exĩko ropa mã toto Ejitu pona, mame Axiria po tonahsẽ nuriame exikety enahnõko mã toto.

Amoxi 2:6

Ynara tykase Ritonõpo: — Izyraeu tõ iirypyryme toehse itamurume, naeroro toto wãnohnõko ase. Ahno zae ehtoh poko exiketõ ekamõko mã toto imehnõ namotome, tytineruke pyra toto exiryke, tynepehmarykõ epehmatohme roropa eya xine. Tymõkomokãkara nae tynepehmarykõ onepehmasaromepyra mana sãtaja epehpyry sã rokẽ ahtao ro.

Amoxi 5:6

Osehtoko ropa ya Oesẽkomo a isene oehtohkõme. Oehpyra ropa awahtao xine yhtõko Ritonõpo mana apoto samo Izyraeu tõ nonory enahkatohme. Moro apoto onezehkasaromepyra exĩko mã toto Peteu po.

Atos 7:43

Tapyi pitiko maromarotone kamisa risemy, ymyakãme onyrihpyrykõ tapyĩme, onohpetu tapyĩme Moroke tapyĩme. ‘Kuesẽkõme sero nase,’ matokene mokyro poko. Raipã roropa onyrihpyrykõ xirikuato esẽ panõ repe. Morara oexirykõke aarotorỹko ase mya Papironia pona,” tykase Ritonõpo eya xine.