2 Tuisa 13:20 - Ritonõpo Omiry: A Bíblia Sagrada na língua Aparai do Brasil

²⁰ Mame toorihse Eriseu, ekepyry tonẽse. Jeimamyry ae rokẽ moape tõ oximõmãkõ tomõse Izyraeu tõ nonory pona ematonanohse.

2 Tuisa 13:20 ပူးပေါင်းရင်းမြစ်များ

Jenexi 48:1

Morarame Joze turuse jumy kure pyra ehtoh poko. Naeroro toytose Joze tumy enese, tumũkuru tõ asakorõkõ tarose eya, Manase te, Eparaĩ, enara.

Jenexi 49:33

Tõturukehse Jako ahtao tumũkuru tõ maro tohrame toehse ropa ynororo tynyhtoh po, mame toorihse rahkene. Zuzenu toytose oseporyse tyekyry tõ maro, aorihtyã esaka.

2 Tuisa 24:2

Mame imeimehnõ oximõmãkõ tonehpose Ritonõpo a. Jeoakĩ erekohmase, Juta tõ wãnohtohme, papironio tomo te, Xiria tomo te, Moape tomo te, Amõ tomo, enara. Ritonõpo poe urutõ kõ omihpyry ae ro, Juta tõ enahkatohme mokaro tonehpose Ritonõpo a.

2 Tuisa 3:5

Yrome tuisa Akape, Izyraeu esẽ toorihse ahtao, morohne tokarokehse Meza a.

2 Tuisa 3:7

Mame omi tonyohse eya tuisa Josapa, Juta tõ esemy a. Ynara tykase ynororo: — Moape tõ tuisary mã jomihpyry rumekãko. Jakorehmary se pyra hma etonary poko? — Ỹ, tykase tuisa Josapa, — amaro ase. Amaro ytõko ynanase ypoetory tõ maro, jeky tõ, kawaru tõ maro.

2 Tuisa 5:2

Mame Naamã pyty akorehmane nexiase Izyraeu tõ ẽxihpyry. Tapoise ynororo tosao ahtao Xiria soutatu tomo a arotohme tosaka xine tynamotome aehtohme.

2 Tuisa 6:23

Naeroro otuhtoh konõto tyrise Izyraeu tõ esemy a, toto otuhtohme. Mame tõtuhkehse toto ahtao, eukuru tõse roropa ahtao eya xine, taropose ropa toto Xiria esemy a. Moromeĩpo Xiria tõ oehpyra ropa toehse Izyraeu patary tõ pahse.

2 Koronika 24:16

Ekepyry tonẽse eya xine tuisa tõ zonẽtoh taka Tawi patary po, inyrihpyry kurã enetuputyryke eya xine Izyraeu tõ akorehmary poko te, Ritonõpo omipona toexiry poko, Ritonõpo Tapyĩ kurãkary poko, enara.

Zakaria 1:5

Seromaroro otoko hnae atamurukomo? Mokaro urutõ kõ roropa isene ro toh nae?

Atos 8:2

Morarame Ritonõpo omipona exiketomo a Exitewão tyhnamose. Tãtarerekase toto. Ekepyry tarose eya xine zonẽtohme.

Juize 3:12

Morarame toorihse Otonieu ahtao tyyrypyrykõ poko toehse ropa Izyraeu tomo Ritonõpo omipona pyra. Morara exiryke orẽpyra Ekorõ, Moape tuisary tyripose Ritonõpo a, Izyraeu tõ motye.