2 Tuisa 13:18 - Ritonõpo Omiry: A Bíblia Sagrada na língua Aparai do Brasil

¹⁸ Morarame Eriseu a imehnõ pyrou tapoipose Jeoa a ike nono etapatohme eya. Oseruao rokẽ nono totapase eya. Mame totapakehse eya.

2 Tuisa 13:18 ပူးပေါင်းရင်းမြစ်များ

2 Tuisa 13:17

— Osenuhmatoh apuruhmakako Xiria nonory wino, tykase. Tapuruhmakase ahtao tuisa a, ynara tykase Eriseu eya: — Pyrou ke tusarah kaxiko! tykase. Mame tusarah tykase ahtao eya, ynara tykase Eriseu eya: — Omoro mase Ritonõpo pyreme. Pyrou sã aaropõko Ritonõpo mana Xiria tõ poremãkapose. Osetapãko mase Xiria tõ maro pata Apeka po, toto poremãkatoh pona.

2 Tuisa 13:19

Moro eneryke tyya, tyekĩtapãse Eriseu. Ynara tykase ynororo: — Oty katohme nono onetapara make tuhkehxo, otarame 5me, 6me roropa? Morara ahtao Xiria tõ typoremãkaposẽme exiry oya tuhkehxo. Seromaroro oseruao rokẽ toto poremãkapõko mase, tykase.

2 Tuisa 13:25

Mame Pẽ-Hatate typoremãkase tuisa Jeoa Izyraeu tõ esemy a. Typoremãkase ropa eya. Mame typoremãkazomose ropa oseruao. Pata tõ tapoise ropa eya, Pẽ-Hatate napoityamo tuisame Jeoakaze ahtao, Jeoa zumy.

2 Tuisa 4:6

Emero typehkase ahtao: — Toiro ise ro nase, enehtoko ropa oriu eny, tykase repe. — Nenahno, tykase imũkuru toirõ eya. Mame tarykakehse eya, tonahse ẽ exiryke.

Exutu 17:11

Mame tapory tõ tanỹse ahtao kakoxi Moeze a, orẽpyrahxo Izyraeu tõ toehse. Yrome tukuromoxinase Moeze apory ahtao amarekita tõ orẽpyra toehse.