2 Tuisa 12:20 - Ritonõpo Omiry: A Bíblia Sagrada na língua Aparai do Brasil

^20-21 Morarame tuisa Joaxi akorehmananõ esã tãtamorepase tosẽkõ etapary poko tyya xine. Mame totapase ynororo asakorõkomo a; Jozakaa, Ximeate mũkuru te, Jozapate, Somea mũkuru, enara. Totapase ynororo tapyi tao nono topohmã po, Jerusarẽ po xixi tũtatoh wino, pata Xira esema tao. Mame Joaxi ekepyry tonẽse tuisa tõ zonẽtoh tao, Tawi patao. Mame imũkuru Amazia tuisame toehse, Juta tõ esẽme, tumy myakãme.

2 Tuisa 12:20 ပူးပေါင်းရင်းမြစ်များ

2 Samueu 5:9

Morarame tõsesarise Tawi moroto, osewomatoh tao, Tawi Esaryme moro tosehpase roropa eya. Mame moro pata zomye ewomatoh tyrise eya, nono ritopõpyry pata poe xixi tũtatoh wino tuisa tapyĩ konõto pona.

1 Tuisa 11:27

Ynara Jeropoão ehtopõpyry nexiase: Jerusarẽ nonory kurãkãko Saromão nexiase xixi tũtatoh wino. Pata apuru kurãkãko roropa nexiase.

1 Tuisa 14:29

Mame imehnõ inyrityã emero tymerose pape pokona esety Juta tõ Tuisary tõ Ehtopõpyry.

2 Tuisa 12:19

Imehnõ tuisa Joaxi nyrityã emero tymerose pape pokona, esety Juta tõ Tuisary tõ Ehtopõpyry.

2 Tuisa 14:5

Morarame tyjamihtase Amazia ahtao tuisame, tumy, tuisa Joaxi etapahpõkõ taorihmapose eya.

2 Tuisa 21:23

Mame Amõ poetory tõ tuisaryme exiketõ tãtamorepase tosẽkõ etapary poko tyya xine. Mame tuisa Amõ totapase eya xine tuisa tapyĩ konõto tao.

2 Tuisa 8:23

Imehnõ Jeorão nyrityã emero tymerose pape pokona esety Juta tõ Tuisary tõ Ehtopõpyry.

2 Koronika 25:27

Ritonõpo omipona pyra Amazia toehse ahtao imehnõ tãtamorepase Jerusarẽ po Amazia etapatohme. Naeroro toepase ynororo pata Rakixi pona. Yrome tokahmase ynororo epetõkara a morotona. Mame totapase ynororo eya xine.

2 Koronika 33:24

Mame Amõ poetory tõ tosẽkõ etapary se toehse toh nexiase. Totapase ynororo eya xine tuisa tapyĩ tao.

Juize 9:6

Mame tõximõse toto Xikẽ põkomo, Pete-Miro põkõ maro wewe konõto myhtokoxi Xikẽ po. Moroto tutuisarykõme Apimereke tyrise eya xine.