2 Tuisa 10:25 - Ritonõpo Omiry: A Bíblia Sagrada na língua Aparai do Brasil

²⁵ Morarame tynekarory tyahkakehse ahtao Jeu a, ynara tykase ynororo soutatu tõ esamo a: — Omõtoko toto etapatohme emero porehme epara toto ehtohme, tykase. Naeroro tomõse toto typyrekõ maro, toto etapatohme. Ekepyrykõ tarose jarãnaka eya xine. Mame tomõse toto osa taka Paau tapyĩ taõ taka.

2 Tuisa 10:25 ပူးပေါင်းရင်းမြစ်များ

1 Tuisa 18:40

Mame ynara tykase Eria orẽpyra samo: — Mokaro Paau poko urutõ kõ apoitoko; toto eparyino! Mame tapoise toto eya xine emero porehme, tarose toto eya xine, tyhtose iporiry Kisõ pona, totapase toto eya xine.

2 Tuisa 11:18

Morarame toytose imoihmãkõ Paau eahmatoh taka. Moro tapyi typahse eya xine. Okyno zahkatoh typahse roropa eya xine, Paau neponãmary maro. Mame Paau poko pyaxime exikety Matã totapase eya xine, tynekarory zahkatoh ẽpataka mokyro ahtao. Soutatu tõ tyrise Joiata a eraseme toto ehtohme Ritonõpo Tapyĩ omõtoh tao.

2 Tuisa 23:20

Mame toponãmasẽ poko oturuketõ totapase eya, emero porehme. Mame ekepyrykõ tyahkase apoto apõ po, inyrihpyrykõ poro. Ahno zehpyry tyahkase roropa eya toto nekarory zahkatoh po, emero. Mame toytose ropa ynororo Jerusarẽ pona.

Exutu 22:20

— Imehnomo a toky tõ etaparyhtao jahkatohme imepỹ neponãmary eahmaryme ywy kara, mokyro aorihmapoko. Ywy rokẽ ase Ritonõpo.

Exutu 32:27

Ynara tykase ynororo: — Ritonõpo Izyraeu tõ Esẽ ynara tyripõko oya xine: Atapemãkõ apoitoko. Ytotoko Izyraeu tõ rãnakuroko ehpiry poe etyhpyry pona, oekyry tõ etapase, oepe tõ maro, katonõ maro.

1 Samueu 22:17

Mame tysoutatu tõ esamo a ynara tykase Sauu: — Ritonõpo maro oturuketõ etapatoko Tawi akorehmaneme toehse toto exiryke. Aepary waro toehse toh repe, yrome jurupyra toh nexiase, tykase Sauu. Yrome toto etapary se pyra isoutatu esã nexiase, Ritonõpo maro erohketõme toto exiryke.