2 Tuisa 10:20 - Ritonõpo Omiry: A Bíblia Sagrada na língua Aparai do Brasil

²⁰ Mame ynara tykase Jeu: — Toiro ẽmepyry imenekatoko Paau eahmatohme. Tymenekase eya xine.

2 Tuisa 10:20 ပူးပေါင်းရင်းမြစ်များ

1 Tuisa 21:12

Toiro ẽmepyry tyripose eya xine otuhpyra typatary põkõ ehtohme. Mame oximõme toto tonehpose eya xine. Aporesemyryme Napote tyrise eya xine.

Exutu 32:4

Mame morohne panasere tõ tyrise Arão a apoto pona. Tutunatanohpose ahtao, pui mũkuru sã tyrise eya. Mame ynara tykase toto: — Izyraeu tomo, mose ro kuesẽkõ myakãme, eya tonehse kymarokõ Ejitu poe.

Exutu 32:5

Mame apoto apõ tyrise Arão a tynyrihpyry ẽpataka, pui mũkuru uuru risẽ ẽpataka. Ynara tykase ynororo imoihmãkomo a: — Kokoro otuhtoh konõto rĩko sytatose Ritonõpo Kuesẽkõ eahmatohme.

Joeu 1:14

Imoihmãkõ eahmatoko Ritonõpo Tapyĩ taka toto ytotohme! Zurutoko toto toiro ẽmepyry ae otuhpyra toto kohmãtohme; tuisa tõ eahmatoko Juta tõ maro emero oximõtohme Ritonõpo Kuesẽkõ Tapyĩ tao, oturutoko eya kuakorehmatohkõme.

Joeu 2:15

Rue tõ etotoko ypy Xião po; ẽmepyry imenekatoko otuhpyra oehtohkõme õtururukõ poko Ritonõpo a, ahno ikohmatoko oximõme toto ehtohme Tapyi Kurã tao!