2 Timoteu 1:4 - Ritonõpo Omiry: A Bíblia Sagrada na língua Aparai do Brasil

⁴ Wenikehpyra jexiryke oxitatopõpyry poko, omuhpe oehtopõpyry poko roropa, oenery se ropa ase ipunaka, tãkye nymyry jehtohme.

2 Timoteu 1:4 ပူးပေါင်းရင်းမြစ်များ

Saumu 126:5

Ah mokaro ixitatyã tutupikõ arykaryhtao tãkye nexĩ toto tykyrysã apoiryhtao ropa tyya xine!

Izaja 61:3

tãkye ehtoh ekarotohme parimã samo xitaketomo a Xião po. Ihnamotoh myakamãko ase eremiatoh ke. Zae ehtoh poko rokẽ exĩko mã toto; wewe karawario sã exĩko mã toto Ritonõpo Kuesẽkõ narykatyamo. Imehxo Ritonõpo ehtoh enepõko mã toto.

Jeremia 31:13

Mame oryxiamo wãko mã toto atãkyemãko roropa, nuasemãkomo, tamuhpomãkõ roropa oseahmãko mã toto. Emuhkehkapotorỹko ase, ixitarykõ myakamãko ase tãkye ehtoh ke, aemynyhmarykõ myakamãko ase atãkyematoh ke.

João 16:22

Mokyro sã rokẽ matose. Emynyhmãko matose aporo. Yrome oenetorỹko ropa ase. Morarame tãkye exĩko ropa matose tõsenepose ropa oya xine jexiryke. Morara ahtao imehnõ mã omynyhmapopyra xine mana.

João 16:24

Ypoe onekaropopitopyra ro matose Papa a. Ekaropotoko eya, apoitohme oya xine, tãkye yronymyryme oehtohkõme.

Atos 20:19

Oesẽkõme jexiry se pyra exiase, ynoro rokẽ Kuesẽkõme exiryke. Jezu omipona pyra oexirykõke roropa yxitase. Itamurume eanahtoase jorihmapory se juteu tõ exiryke.

Atos 20:31

Naeroro, tomeseke ehtoko, osenekunohpopyra oehtohkõme. Wenikehpyra ehtoko roropa ãmorepatopõpyrykõ poko ya. Oseruao jeimamyry kuamorepatose kokoro rokene. Oxixikariase opoko xine.

Romanos 1:11

Yronymyryme jytory se ase oenese xine. Oururukõ se ase Ritonõpo nekarory kurã poko kyya xine Tuzenu maro, orẽpyrahxo oehtohkõme.

Piripo 1:8

Etatoko pahne, yronymyryme opyno xine ase, opyno xine Jezu Kyrixtu ehtoh samo. Opyno xine ase tamorepase jexiryke eya opyno xine jehtoh poko. Ajohpe pyra ase morara kary poko ya. Juaro Ritonõpo mana.

Piripo 2:26

Oenese xine toytory se mana. Toemynyhmase ynororo opoko xine, akuruhtatopõpyry poko totase oya xine exiryke. Ynara tykase ynororo: “ ‘Toorihse Epaporotitu mã otarame,’ ãko toh mã ypoko,” tykase ynororo. Morara exiryke toemynyhmase ynororo opoko xine.

1 Tesaronika 2:17

Wekyry tomo, omuhpe ynanase opoko xine, okynahxo oenepyra xine yna exiryke. Yrome awaro xine ro ynanase. Oenerykõ se ynanypenekehno.

2 Timoteu 4:21

Axĩ sahxo moehtase ropa konopotara ro ahtao. “Kuurupotase Timoteu a,” ãko Eupuru mana, Purutẽte te, Rino te, Kyrautia te, emero Jezu poetory tõ maro. “Opyno ynanase, Timoteu,” ãko toh mana.

2 Timoteu 4:9

Timoteu, axĩ sahxo õpokonopyry aotyhkanohko, oehtohme xiaro ya.

1 João 1:4

Morara exiryke sero pape merõko ynanase onenerykõme tãkye kuehtohkõme ipunaka.

Apokaripxi 21:4

Toto xity korokãko mana toto enuru ae. Orihpyra ropa exĩko mã toto, emynyhmara roropa. Xitakehnõko toh mana, sam kara exĩko pakatokõ tonahse exiryke, tykase.

Apokaripxi 7:17

mokyro kaneru mũkuru toto esẽme exiryke. Tumy apõ po ynororo. Toky tõ pyno kaneru esẽ exiry sã typoetory pynanohnõko mana. Toto arõko sã mokyro mana tuna kurã kuaka, soesoekane kuaka roropa. Mame ixitykõ korokãko ropa Ritonõpo mana, xitara ropa toto ehtohme jũme, tykase.