2 Tesaronika 2:12 - Ritonõpo Omiry: A Bíblia Sagrada na língua Aparai do Brasil

¹² Morarame toto rypyry emetakamãko Ritonõpo mana tõmiry onenetupuhpyra toto exiryke, tyyrypyrykõ poko rokẽ tãkye toto exiryke.

2 Tesaronika 2:12 ပူးပေါင်းရင်းမြစ်များ

Saumu 11:5

Tõmiry omipona exiketõ enẽko mana, popyra ehtoh poko exiketõ roropa; imehnõ osanumananõ se pyra Ritonõpo mana ipunaka.

Ozeja 7:3

Ynara ãko Ritonõpo mana: — Ypoetory tõ popyra mã toto, ajohpe toehtohkõke tuisa tõ enekunohnõko mã toto, kowenatu tõ maro.

Mikeja 3:2

Kure ehtoh se pyra matose, popyra ehtoh sehxo matose. Ypoetory tõ pikãko matose, ipũkõ oũko matose jehpyry po ino.

Maku 14:11

Mame aomiry etaryke tyya xine tãkye toehse toto. — Oepehmãko reh ynanahse, tykase toto Juta a. Naeroro toytose ropa ynororo. Tãtamorepase itamurume Jezu ewokatoh poko tyya.

Maku 16:16

Jenetuputyryhtao eya xine tosẽkõme Ritonõpo poetoryme exĩko mã toto, tõpurihkase ahtao. Yrome jenetuputyry se pyra toto ahtao, Ritonõpo roropa toto se pyra exĩko mana, apotoimo htaka rokẽ toto aropõko mana.

João 3:36

Ritonõpo mũkuru enetupuhnanõ orihpỹme exĩko. Jũme Ritonõpo maro exĩko mã toto. Yrome aomipona pyra exiketõ orihketõme ro mana. Ritonõpo maro exipyra toh ekurehnõko mana. Toto zehno exikehpyra Ritonõpo mana Tumũkuru omipona pyra tokurehse toto exiryke.

Romanos 1:32

Ritonõpo omihpyry waro toh mã repe. Ynara ãko Ritonõpo omiry: “Iirypyrymãkõ apotoimo htaka ytõko toh mana, tyyrypyry poko exiketomo,” ãko. Moro waro toh mã repe. Yrome tyyrypyrykõ poko ro mã toto. Onurumekara mã toto. Popyra kuhse mã toto. Imehnomo a tyyrypyrykõ poko exiketomo a, “Kure mase,” ãko roropa mã toto.

Romanos 12:9

Ajohpe pyra ehtoko imehnõ pyno oexirykõ poko. Oorypyrykõ zehno ehtoko. Zae se rokẽ ehtoko.

Romanos 2:8

Mãpyra imehnõ mã typenetatohkõ se rokẽ toto. Zae ehtoh rumekãko toto, azahkuru rokẽ toehtohkõme. Mokaro zehno Ritonõpo exĩko mana. Toto wãnohnõko roropa mana.

1 Korĩtiu 13:6

Imehnõ pyno jahtao atãkyemara ase tyyrypyry poko toehse toto ahtao. Zae toto exiry poko atãkyemãko ase.

Teuteronomiu 32:35

Imỹpõko Ritonõpo mã rahkene; toto wãnohnõko rahkene. Okynã pyra osetapãko epetõkara mã toto oximõme. Okynã pyra typoremãsẽme exĩko mã toto.

1 Tesaronika 5:9

Kymarokõ tymenekase Ritonõpo a kyzehno xine pyra ehtohme. Kypynanohtohkõme tymenekase sytatose Kuesẽkõ Jezu Kyrixtu a, toorihse

2 Tesaronika 2:10

Tyyrypyry ke toto enekunohnõko itamurume tymaro apoto konõto htaka toto ytotohme. Jezu omiry anapoipyra mã toto, ise pyra toexirykõke. Morara exiryke toto onypynanohpyra ekurehnõko mana.

2 Peturu 2:3

Tineru peneryke tyya xine tamoreme xine tõmihpyrykõ ekarõko mã toto. Ajohpe ãmorepatorỹko mã toto. “Iirypyryme mã toto ya,” tykase Ritonõpo pake mokaro poko. Toto enẽko Ritonõpo mana. Tuaro mana. Emero enẽko mana. Naeroro toto aropõko mana etuarimatoh taka.

3 João 1:11

Konohno, opyno ase. Naeroro iirypyrymãkõ osypoenohno, kurãkõ rokẽ ipoenohko. Kure imehnõ rinanõ Ritonõpo poetoryme mã toto. Yrome tyyrypyry poko exiketõ Ritonõpo onenetupuhpitopyra mã toto.