2 Samueu 7:28 - Ritonõpo Omiry: A Bíblia Sagrada na língua Aparai do Brasil

²⁸ — Ritonõpo, õmihpyry kurã mekaroase ya, õmihpyry onytyoromara mase, Ritonõpome oexiryke.

2 Samueu 7:28 ပူးပေါင်းရင်းမြစ်များ

Exutu 34:6

Mame toytose Ritonõpo Moeze ẽpataka. Opore ynara tykase ynororo: — Ywy ase Ritonõpo, jũme Exikety. Opyno xine exiketyme ase. Etuarimaketõ pynanohnõko ase. Axĩ pyra awãnohtorỹko ase. Kure rokẽ ehtoh enehpõko ase oya xine, anamonohpyra ase opyno xine jexiryke ipunaka.

Numeru 23:19

Ahno sã pyra Ritonõpo mana, ajohpe exiketõ sã pyra; tõsenetupuhtoh onytyoromara mana. Tõmiry totapose ahtao Ritonõpo a, moro rĩko mana; ‘Tyrĩko ase,’ tykase ahtao Ritonõpo a tyrĩko mã rahkene.

João 17:17

Opoenõme tyriko toto, õmiry etaryke eya xine, zae õmiry exiryke.

Titu 1:2

Orihpỹme tymaro kyritorỹko Ritonõpo mana. Ajohpãkara mokyro Ritonõpo. Pake nono onyripyra ro tahtao ynara tykase ynororo tyya rokene: “Orihpỹme ypoetory tõ rĩko ase,” tykase.