2 Samueu 7:21 - Ritonõpo Omiry: A Bíblia Sagrada na língua Aparai do Brasil

²¹ Õmihpyry ae ro morohne tyrise oya, tyriry se oexiryke. Mame morohne poko tuaro kyriase rahkene.

2 Samueu 7:21 ပူးပေါင်းရင်းမြစ်များ

1 Koronika 17:19

Õmihpyry ae ro morohne tyrise oya, tyriry se oexiryke. Mame imeĩpo tuisame jehtoh poko tuaro kyriase rahkene.

Saumu 115:1

Oya rokene, Ritonõpo yna Esemy, oya rokene, yna a pyra, “Kure mase,” ãko ynanase eremiãko, yna pyno oehtoh anamonohpyra oexiryke.

Saumu 138:2

Yna pyno oexiryke te, anamonohpyra roropa oexiryke, jesekumuru po porohnõko ase oeahmatohme Atapyĩ kurã myhtokoxi. Ynara menepoase ya, emero motye oesety mana, õmiry roropa emero motye mana.

Numeru 23:19

Ahno sã pyra Ritonõpo mana, ajohpe exiketõ sã pyra; tõsenetupuhtoh onytyoromara mana. Tõmiry totapose ahtao Ritonõpo a, moro rĩko mana; ‘Tyrĩko ase,’ tykase ahtao Ritonõpo a tyrĩko mã rahkene.

Mateu 11:26

Ãmoreme morohne tyrise oya Papa, tyriry se oexiryke, tykase Jezu Tumy a.

Mateu 24:35

Kapu enahnõko mana. Sero nono roropa enahnõko mã repe. Yrome jomiry jũme enahpỹme exĩko mana.

Ruka 1:72

Kure oritorỹko ase. Iirypyryme ro awahtao xine ro awãnohpyra xine ase,” tykase kytamurukomo a. Morara katopõpyry poko wenikehpyra mana. Tõmihpyry ae ro mana.

Ruka 10:21

Mame Jezu tãtãkyemase yronymyryme Ritonõpo Zuzenu poe. Ynara tykase ynororo Tumy a: — Papa Kapuaono, kapuaõkõ esẽme mase. Sero nono põkõ esẽme roropa mase. Kure mase Papa, tuaro pyra exiketõ amoreparyke oya õsenetupuhtoh poko. Opoe zuarohxo exĩko toh mana. Tuaro exiketõ motye exĩko toh mana. Atamorepaketõ motye roropa tuaro exĩko toh mana. Opoe roropa tuaro exiketõ zuaro pyra toehse ropa mana. Ãmoreme morohne tyrise oya Papa, tyriry se oexiryke, tykase Jezu Tumy a.

Ruka 12:32

— Enaromyra ehtoko ypoenomo. Tuhke pyra matose Ritonõpo enetupuhnanomo. Yrome imeĩpo ahno esẽme oehtohkõ ekarõko mã oya xine Omykõ kapuaono.

1 Korĩtiu 1:1

Ynanymerohpyry moro onenerykõme Jezu poetory tomo, Korĩtu põkomo. Ymaro Soxitene nase sero merory poko. Jakorõme ynororo Jezu enetuputyryke tyya. Ywy ase Pauru. Ritonõpo nymenekahpyryme ase, imehnõ amorepaneme, Jezu Kyrixtu poko.

Epezu 1:9

Pake emero kukurãkarykõ poko tõsenetupuhse Ritonõpo oximõme kuehtohkõme, toiro tosẽke kuehtohkõme. Yrome Ritonõpo osenetuputyry waro pyra sexiatose. Morarame kutuarõtanohpotone tõsenetupuhtopõpyry poko.

Epezu 3:11

Ritonõpo poenõme toehse toto, enetuputyryke tyya xine, pake Ritonõpo osenetupuhtopõpyry ae ro. Kyrixtu Jezu a typoenõme tyrise sytatose, toorihse toexiryke kyyrypyrykõ epehpyryme.

Epezu 4:32

Yrome imehnõ pyno ehtoko. Kure toto riry poko osenetupuhtoko. Imehnõ rypyry ikorokapotoko Ritonõpo a. Moromeĩpo owenikehtoko, “Otara kara,” kahtoko, Ritonõpo a oorypyrykõ korokatopõpyry samo, Kyrixtu maro toehse oexirykõke.

Teuteronomiu 9:5

Moro nono anapoipyra matose kure oehtohkõ pokoino, zae oexirykõke pyra roropa. Yrome mokaro ahno popyra exiryke toto aropõko Ritonõpo mana owinoino xine, tõmihpyry totapose roropa exiryke kytamurukomo a: Aparão te, Izake te, Jako roropa.