2 Samueu 7:18 - Ritonõpo Omiry: A Bíblia Sagrada na língua Aparai do Brasil

¹⁸ Mame tuisa Tawi tomõse tapyi pitiko taka porohtohme Ritonõpo ẽpataka, ynara tykase ynororo Ritonõpo a: — Ritonõpo Imehxo Exikety, moino ro kure rokẽ kyriase kure jehtoh pokoino pyra, papa tõ kure ehtopõpyry pokoino pyra roropa.

2 Samueu 7:18 ပူးပေါင်းရင်းမြစ်များ

Jenexi 32:10

Ywy popyra rokẽ exiase oneneryme, yrome kure mexiase ya, opoetoryme ase, õmihpyry ae ro. Tuna Joatão takuohse ya ahtao ymyxiry rokẽ nae exine. Seromaroro oehnõko ropa ase moxiã oximõmãkõ asakoro maro; ahno tomo te, okyno tomo, enara.

Jenexi 32:11

Ritonõpo, kuewomako jetapara urui Ezau ehtohme. Enaromỹke ase, jetapary zuno ase eya, nohpo tõ maro, ypoenõ maro.

2 Samueu 23:5

Moro saaro kure rokẽ ypoenõ, ypakõ roropa rĩko Ritonõpo mana, tõmihpyry totapose ya exiryke, jũme onytyorõmara ehtohme. Moro poko rokẽ penetãko ase; moro ke rokẽ orẽpyra exĩko ase, moro rĩko Ritonõpo mana, anamonohpyra, zuaro ase.

2 Samueu 7:17

Mame Tawi turuse Natã a emero Ritonõpo nekarohpyry.

1 Koronika 17:16

Mame tuisa Tawi tomõse moro tapyi taka, typorohse Ritonõpo ẽpataka, tõturuse eya, ynara tykase: — Ritonõpo Imehxo Exikety, moino ro kure rokẽ kyriase kure jehtoh pokoino pyra, kure papa tõ ehtopõpyry pokoino pyra roropa.

1 Koronika 29:14

— Mãpyra oya yna kyryry onekarosaromepyra ynanase, yna mõkomory emero onekarohpyryme exiryke yna a. Ynanekarohpyry oya okyryryme ro nexiase.

Saumu 8:4

onokyme kure yna, ahnome rokẽ ynanase? Yrome yna poko osenetupuhnõko mase. Orihketõme ynanase, yrome yna pyno ro mase.

Exutu 3:11

Yrome ynara tykase Moeze Ritonõpo a: — Tuisame pyra ase, jamihme pyra exiketyme roropa. Otãto ytõko ywy oturuse Ejitu tõ tuisary a, morotoino Izyraeu tõ enehtohme?

Izaja 37:14

Moro pape enexĩpo, toytose Ezekia Ritonõpo Tapyĩ taka. Moro tao moro pape tyrise eya Ritonõpo ẽpataka.

Epezu 3:8

Jezu poetoryme ase. Tuisame pyra ase repe. Yrome eya jerohtoh tokarose mana, juteutõkara amorepatohme typoko. Imehnõ motye kuhse Kyrixtu kypyno xine mana, emero kurã ekaroneme toexiryke.

Juize 6:15

Ynara tykase Kiteão: — Ritonõpo, otãto Izyraeu tõ pynanohnõko ha? Papa tõ tymõkomoke pyrahxo mã toto, Manase tõ ekyryme mã toto, ywy roropa tuisame pyra ase papa tapyĩ tao.

Ruti 2:10

Tosekumuru po typorohse Ruti tõmyty nono pokoxi, ynara tykase ynororo: — Oty katohme ypyno mahno, kure rokẽ mase ya katonõme rokẽ jahtao? tykase.

1 Samueu 15:17

— Tuisame hkopyra osekarõko mase otarame, yrome Izyraeu tuisaryme mase. Ritonõpo Kuesẽkomo a tymenekase oexiryke typoetory tõ Izyraeu tõ esẽme oehtohme.

1 Samueu 18:18

Yrome tozuhse Tawi a. Ynara tykase: — Oẽxiry apoiry ypytyme kure ya repe. Yrome ime pyra ase. Papa tõ roropa ime pyra mã toto. Tuisamehxo mase. Apaniryme jehtoh poko zuaro pyra ase ipunaka, tykase ynororo.

1 Samueu 9:21

Sauu a tozuhse: — Yrome ywy Pẽjamĩ parỹpyryme ase. Tuhke pyra ynanase ipunaka. Ime pyra roropa papa tõ mana, wekyry tõ maro. Naeroro otarame osenekunohnõko mase ypoko, tykase Sauu.