2 Samueu 7:1 - Ritonõpo Omiry: A Bíblia Sagrada na língua Aparai do Brasil

¹ Morarame torẽnase Tawi tuisame toexiry poko, tytapyĩ konõto tao, epetõkara emero typoremãkapose roropa Ritonõpo a.

2 Samueu 7:1 ပူးပေါင်းရင်းမြစ်များ

2 Samueu 5:11

Mame tuisa Hirão, pata Tiro esemy, Tawi akorehmary se toehse. Naeroro oturuketõ taropose eya Tawi zuruse; apupari roropa taropose te, wewe poko erohketomo te, topu poko erohketomo, enara. Mame tapyi kurã tyrise eya xine Tawi tapyĩme.

2 Samueu 6:23

Mame Mikau, Sauu ẽxihpyry jũme tumũkue pyra toehse.

1 Tuisa 5:4

Seromaroro Ritonõpo poe etonara ynanase, osepeme ynanase imehnõ maro. Osetapatoh se pyra mã toto emero.

1 Koronika 22:6

Mame tumũkuru Saromão tonehpose tyya, tapyi kurã ripotohme, Ritonõpo, Izyraeu tõ Esẽ tapyĩme ehtohme.

1 Koronika 22:7

Ynara tykase Tawi eya: — Aimo, tapyi kurã riry se exiase repe, imehxo Ritonõpo Jesemy ehtoh enetupuhpotohme.

1 Koronika 28:2

Mame mokaro ẽpataka toexikihmase Tawi, toto zurutohme. Ynara tykase ynororo: — Jepe tomo, etatoko pahne: tapyi riry se exiase, Ritonõpo omihpyry ẽ esaryme, Ritonõpo pupuru apõ esaryme. Uuru kurãkãko ase parata maro, topu tomo, apupari roropa, tapyi ritohme: “Imehxo mase, Izyraeu tõ Esemy,” katohme.

2 Koronika 14:6

Pata apuru tõ te, soutatu tõ esary jamihmãkõ tyrise eya Juta tõ patary tõ po. Morara ahtao Ritonõpo poe osetapara toh kynexine tuhke pitiko jeimamyry ae.

2 Koronika 20:30

Naeroro osetapara ropa Juta tõ toehse tuisame Josapa ahtao ro osepeme toto tyrise Ritonõpo a, emero katonõ nonory põkõ maro.

Saumu 132:5

Ritonõpo esary onyripyra ro jahtao, Jamihmehxo Exikety Jako Esẽ tapyĩme.”

Saumu 18:1

Ritonõpo Jesemy, opyno ase ipunaka! Omoro mase jewomaneme.

Porowepio 16:7

Ritonõpo zamaro kuahtao xine, kuepetõkara rĩko mana kuepekõme.

Mateu 25:16

Mame mokyro 5 miujão apoihpõ toytose erohse tytinerũ poko, emãkapotohme. Okynahtao imepỹ 5 miujão tapoise ropa eya, 10 miujãome atapona.

Atos 7:46

Ritonõpo omipona exikety ynororo kynexine. Tapyi amory se toehse repe Ritonõpo tapyĩme.

Jozue 21:44

Mame totonakehse toto, oxiehno pyra toehse imehnõ katonõ maro, Ritonõpo omihpyry ae ro itamurukomo a. Epetõkara emero typoremãkase Izyraeu tomo a orẽpyra toto tyripose Ritonõpo a exiryke.

Jozue 23:1

Mame Ritonõpo poe etonara toehse Izyraeu tomo, imehnõ topetõkara, tomye xine exikety maro. Tuhke jeimamyry taropose, tamuhpõme toehse Jozue.