2 Samueu 6:14 - Ritonõpo Omiry: A Bíblia Sagrada na língua Aparai do Brasil

¹⁴ Mame Tawi tamuruse Ritonõpo maro oturuketõ zupõ ke, mauru panõ risemy. Tuase ynororo orẽpyra samo Ritonõpo neneryme.

2 Samueu 6:14 ပူးပေါင်းရင်းမြစ်များ

2 Samueu 6:15

Mame Ritonõpo omihpyry ẽ aroryhtao, Izyraeu tõ imoihmãkõ maro, tãkye toh nexiase kohkohtãko, rueimo etõko, enara.

2 Samueu 6:20

Mame Tawi toytose ropa tytapyĩ taõkõ kure tyripotohme Ritonõpo a. Mame Mikau Sauu ẽxihpyry tutũtase oseporyse imaro, ynara tykase ynororo eya: — Nuasemã sã mexi seroae, tuisa Izyraeu esemy. Putupyra exikety sã kueneno, ehxiropyra exikety samo, tupoke pyra sã osenepõko ãkorehmananõ poetory nohpo tomo a.

1 Koronika 15:27

Mame Tawi a tamuruse upo, mauru panono risẽ kurã ke. Morararo eremiary poko exiketomo, Kenania, toto tuisary, rewita tõ roropa Ritonõpo omihpyry ẽ puimananomo. Ritonõpo maro oturuketõ zupõ mauru panono risẽ kurã nae roropa Tawi kynexine.

Saumu 149:3

Ritonõpo eahmatoko, Kuesẽkomo, awatoko mokyro eahmaryme; pãteru tõ etory ke rira tõ etotoh ke roropa.

Saumu 150:4

Eahmatoko pãteru tõ ke watoh ke roropa. Eahmatoko haapa tõ etory ke, rue tõ maro.

Saumu 30:11

Jemynyhmary tymyakãmase oya watoh ke, jatãkyemary ke. Yxitatopõpyry tymyakãmase oya tãkye ehtoh ke. Jomye tãkye jehtoh tyrise oya.

Saumu 87:7

Wãko mã toto, eremiãko roropa, ynara ãko mã toto: “Jerusarẽ pokoino kure rokẽ sytatose, atãkyemãko sytatose.”

Exutu 15:20

Urutõme Miriã kynexine Arão oryxiry. Pãteru tapoise eya imehnõ nohpo tõ emero imaro toehse, pãteru tõ etõko, wãko toto.

Exutu 15:21

Mame toremiase Miriã, toto netaryme. Ynara tykase: — Eremiatoko Ritonõpo eahmaryme, typoremãkapose toto eya, Imehxo toehse ynororo ipunaka; kawaru tõ tomase eya, kawaru aronanõ maro tuna konõto kuaka.

Exutu 19:6

Amarokõ tapiakase ya, imehnõ wino jomipona oehtohkõme, ymaro oturuketõme sã oehtohkõme.” Morara kaxiko Izyraeu tomo a, tykase Ritonõpo Moeze a.

Ekereziaxti 9:10

Yronymyryme erohko emero rokẽ poko awahtao, ynara exiryke aorihtyã esao erohpyra exĩko exino mana, osenetupuhpyra, onenetupuhpyra, zuaro pyra, enara. Morotona ytõko mase.

Ezekieu 46:10

Mokyro tuisa omõnõko mana imoihmãkõ omomyryhtao; tũtãko ropa mana imoihmãkõ tũtary ropa ahtao.

Ruka 15:25

— Morarame irui kynexine, tupito po. Morarame tooehse ropa tahtao tapyi myhtokoxi, rue totase eya, waketõ roropa totase eya.

Teuteronomiu 6:5

Morara exiryke Ritonõpo pyno ehtoko yronymyryme, okurohtao xine, õsenetupuhtohkõ ke te, ajamitunurukõ ke, enara.

Koroxi 3:23

Mame oerokurukõ zuno pyra ehtoko. Akĩme pyra ehtoko roropa. Sero põ poetoryme rokẽ pyra matose erohnõko. Kuesẽkõ omi poe roropa matose erohnõko.

Juize 11:34

Mame toehse ropa Jepete ahtao tytapyĩ taka Mixipa pona, ẽxiry tutũtase tumy enese, wãko, pãteru etõko. Ynoro rokẽ ẽxiryme kynexine toiro, imepỹ pyra. Mokyro rokẽ kynexine ẽxiryme.

Juize 21:21

Moro poe osenuhmatatoko. Mame oseahmatoh tao, tutũtase oryximãkõ ahtao watohme, amarokõ roropa otũtatoko õtonẽtopõpyrykõ poe, uwa zoko tõ poe. Mame oryximãkõ apoitoko onymenekahpyrykomo. Arotoko oesarykõ pona Pẽjamĩ tõ nonory pona.

1 Samueu 2:18

Poetome ro Samueu ahtao toerohse ynororo Ritonõpo poetoryme, zumo pyra ro tahtao. Upo Eri zupõ panõ ao nexiase ynororo.

1 Samueu 2:28

Atamurukõ Rewi tymenekase ya ypoetoryme aehtohme. Izyraeu tõ oxiekyry toh tae tymenekase ynororo ya tynekarorykõ zahkaneme aehtohme te, ixtaratu zahkaneme roropa aehtohme. Tupoke roropa kynexine kurã ke, oturukety zupõ ke, ymaro toerohtohme. Õtykõme tõsẽ ekarone oya xine, ypoetory tõ nekarory tõ zokonaka apoto apõ po jahkatyamo.

1 Samueu 22:18

Morara exiryke Toeke a toto taorihmapose eya: — Etapako toto, omoro! tykase Sauu eya. Naeroro mokaro emero totapase Toeke Etõ pono a. Moro ae ro 85me Ritonõpo maro oturuketõ totapase eya.