2 Samueu 3:12 - Ritonõpo Omiry: A Bíblia Sagrada na língua Aparai do Brasil

¹² Morara ahtao Tawi nexiase Eperõ po. Mame tõmiry taropose Apinea a Tawi a oturupotohme, ynara tykase ynororo: — Onoky Izyraeu tõ tuisaryme exĩko nae? Osepeme kuahtao ãkorehmãko ase Izyraeu tõ enehtohme opoetoryme toto ehtohme emero porehme, tykase.

2 Samueu 3:12 ပူးပေါင်းရင်းမြစ်များ

2 Samueu 19:14

Morara karyke Tawi a ise toehse ropa Juta põkõ emero. Mame toahmase ynororo eya xine aehtohme ropa ipoetory tõ esã maro emero.

2 Samueu 19:41

Mame Izyraeu tõ toytose Tawi a, ynara tykase toto: — Tuisa, oty katohme yna akorõ tõ Juta tõ omatome sã toytose oenehse tuna Joatão akuohse, opoenõ maro opoetory tõ maro?

2 Samueu 19:6

Opyno exiketõ zehno mase ozehno exiketõ pyno mase! Seromaroro mase yna tuarõtanohpõko opoetory tõ soutatu tomo popỹ sã rokẽ mã toto oya. Ynara enetupuhnõko ase: tãkye mexiry seroae Apisarão isene ro ahtao yna emero toorihse ahtao roropa.

2 Samueu 3:11

Mame Apinea zuno Ixiposete exiryke “Teh” tykase rokẽ ynororo.

2 Samueu 3:13

— Ỹ, kure, tykase Tawi, — osepeme exĩko sytase. Yrome apitoryme, toiro tyripory se ase oya: ooepyryhtao, Mikau, Sauu ẽxiry enehko ya, tykase.

2 Samueu 3:21

Mame ynara tykase Apinea Tawi a: — Ytoxi Izyraeu tõ eahmase oenetupuhtohme tosẽkõme opoetoryme roropa toto ehtohme, tykase. Mame Apinea taropose ropa Tawi a, osepeme rokene.

2 Samueu 3:27

Mame tooehse ropa Apinea ahtao Eperõ pona tarose ynororo Joape a pata omõtoh pũtokoxi, toiroro imaro oturutohme samo, tokare pyra. Moroto takorõ Asaeu etapatopõpyry emetakame, Apinea tuose zuakuru aka rato pohsuimã ke, toorihse.

2 Samueu 3:38

Mame ynara tykase Tawi tymarõkomo a, Izyraeu tõ esamo a: — Tuaro ehtoko, seroae tuisamã, imehxo exikety toorihse Izyraeu tõ nonory po.

Saumu 62:9

Ahno tomo, tymõkomokẽkara roropa, imehxo exiketõ roropa, otyme kure sytatou? Puu katoh sã rokẽ sytatose. Omoxinety kuhtoh po kuahtao xine zohzohme sã kuexirykomo, puu katoh sã rokene.