2 Samueu 24:17 - Ritonõpo Omiry: A Bíblia Sagrada na língua Aparai do Brasil

¹⁷ Mame Ritonõpo nenyokyhpyry eneryke tyya ynara tykase Tawi Ritonõpo a: — Ywy ro rokẽ tyyrypyhpyke toehse, azahkuru ynyriry exiryke. Yrome mokaro kaneru tõ samo. Oty tyrise eya xine popyra? Zae mase juãnopyryhtao, wekyry tõ maro, tykase.

2 Samueu 24:17 ပူးပေါင်းရင်းမြစ်များ

Jenexi 18:23

Ameke pyra toehse Aparão eya tõturupotohme. — Yrome ahno kurãkõ nae ahtao Sotoma po, mokaro wãnohnõko mah popyra exiketõ mahro?

Jenexi 44:33

Morara exiryke ajohpãme sã opoetoryme ehxi mose myakãme. Ah mose nyto ropa turui tõ maro.

2 Samueu 12:13

Mame ynara tykase Tawi Natã a: — Yyrypyry poko exiase, iirypyryme ase Ritonõpo neneryme. — Ỹ, oorypyry korokãko Ritonõpo mana, tykase Natã, orihpyra mase.

2 Samueu 24:10

Moromeĩpo Izyraeu tõ tuhke ehtoh kuhxĩpo Tawi a, toehxiropitose ynororo. Ynara tykase ynororo Ritonõpo a: — Iirypyryme toehse ywy, Izyraeu tõ kuhporyke ya. Ajohpãme sã yyrypyry ikorokako, ajoajohpe exikety sã yriase, tykase Tawi Ritonõpo a.

2 Samueu 7:8

Naeroro seromaroro ypoetory Tawi zuruko: “Ynara ãko Ritonõpo Jamihmehxo Exikety: ‘Kymenekase ona po awahtao, kaneru tõ ekahmaryhtao oya, ypoetory tõ esẽme oehtohme, Izyraeu tõ tuisaryme.

1 Tuisa 22:17

Mame ynara tykase Mikaia eya: — Izyraeu tõ soutatu tõ enẽko ase sapararahme ypy tõ poro kaneru tõ samo tosẽke pyra. Mame ynara tykase Ritonõpo Kuesẽkomo: “Moxiã tosẽke pyra mã toto; ah nytõ toto tosaka xine ropa, osetapara ehtohme,” tykase.

Jo 42:6

Morara exiryke ehxirõko ase joturutopõpyry poko emero. Yyrypyry tõ ekarõko ase oya, taro typorohse jahtao nono pona, oruno htao.”

Jo 7:20

Ahno Eneneme, iirypyryme jahtao, oty tyrise ya oryhmatohme? Oty katoh opyre ke juõko mah? Otarame omoxihxo toehse hano oya?

Saumu 32:5

Mame osekaroase oya, yyrypyry ekaroase, popyra jehtoh ononẽpyra exiase, zae pyra jehtopõpyry emero ekaroase oya, mame yyrypyry tõ emero mykorokase.

Saumu 44:11

Yna maro pyra oexiryke, yna etaetapase toto kaneru tõ samo, sapararahme yna taropose oya imehnõ nonory pona.

Saumu 74:1

Ritonõpo, oty katohme turumekase yna oya jũme samo? Oty katohme yna zehno mahno? Yna esẽme mase, kaneru sã ynanase oeky tõ samo, opoetoryme ynanase.

Saumu 78:71

kaneru tõ poko aerokuruhtao ro. Izyraeu tõ tuisaryme tyrise ynororo eya, Ritonõpo poetory tõ pyno exiketyme aehtohme.

Exutu 10:16

Taryporyke Moeze tykohmapose Arão maro tuisa a. Ynara tykase ynororo: — Iirypyryme toehse ywy Ritonõpo Oesẽkomo a, oya xine roropa.

Izaja 6:5

Mame ynara ase: — Popyra ehtoh oehnõko ya! Tytahse ywy iirypyryme jexiryke! Ypotapihpyry nuriame nase. Ahno maro roropa ase typotapihpyryke nuriame exiketõ ke. Jenuru ke Tuisa Imehxo Exikety enease, Ritonõpo Jamihmehxo Exikety mokyro.

Jona 1:12

Ynara tykase Jona: — Kuematoko zue aka. Tomase jahtao nakuaka mynyhpãnõko tyryrykane mana, pohkane tõ roropa. Zuaro ase. Yyrypyry pokoino serara tyryrykane konõto noehno opona xine.

Zakaria 13:7

Ritonõpo Jamihmehxo Exikety ynara tykase: “Tapema, owõko ty, jeky tõ pyno exikety etapatohme, erohkety jakorehmaneme! Jeky tõ pyno exikety etapako, mame kaneru tõ typahsẽme exĩko mã toto, sapararahme. Mame etonãko ase ypoetory tõ maro.

Numeru 16:22

Yrome tosekumuru po typorohse Moeze tomo Arão maro tõmytykõ po nono pokoxi, ynara tykase toto: — Ritonõpo isene ehtoh ekaroneme mase ahno a emero. Toiro rokẽ ahno iirypyryme ehtoh pokoino opoetory tõ emero zehno exĩko mah?