2 Samueu 24:16 - Ritonõpo Omiry: A Bíblia Sagrada na língua Aparai do Brasil

¹⁶ Mame Ritonõpo nenyokyhpyry orihmatõ tooehse ahtao Jerusarẽ pona morotõkõ etapase, typenekehse Ritonõpo Izyraeu tõ wãnopyry poko. Ynara tykase ynororo tynenyokyhpyry a: — Epo hnae! Toto onetapara exiko, tykase. Moroto nexiase, Ritonõpo nenyokyhpyry, Arauna nonory po, tiriiku apotoh esary pũto, jepuseume exiketyme nexiase ynororo.

2 Samueu 24:16 ပူးပေါင်းရင်းမြစ်များ

Jenexi 10:16

Imehnõ Kanaã poenõ roropa kynexine: jepuseu tomo te, amoreu tomo te, kirikaseu tomo te,

Jenexi 6:6

tãtasamase Ritonõpo kynexine ahno ritopõpyry poko tyya. Toemynyhmase ynororo,

2 Samueu 24:18

Moro ae ro Kate tooehse Tawi a, ynara tykase eya: — Onuhko Arauna esary pona, tiriiku apotoh pona. Moroto apoto apõ tyriko, okyno zahkatohme onekaroryme Ritonõpo a, tykase.

2 Samueu 5:8

Apitoryme Tawi ynara tykase typoetory tomo a: — Jepuseu tõ se pyra ase ipunaka. Mokaro tonurãkara sã exiketõ, ahmitahpyry sã exiketõ roropa poremãkapory se awahtao xine, tuna eutary ae nono kuroko onuhnõko matose toto maro etonatohme. Morara exiryke morara tykase mã toto: Tonurãkara, ahmitahpyry exiketõ maro omõsaromepyra mã toto Ritonõpo Tapyĩ taka.

1 Tuisa 19:4

Mame tykohmãse ynororo ytoytory poko ona poro. Totypohse ynororo, typorohse wewe myhtokoxi jerutume exiryke. Toorikyry se rokẽ kynexine. — Epo hnae! Ritonõpo, kuorihmapoko seromaroro. Torẽse rokẽ ywy, ytamuru tõ ehtopõpyry saaro, tykase ynororo.

2 Tuisa 19:35

Mame moro kohmamyry ae ro Ritonõpo nenyokyhpyry toytose Axiria esẽ poetory tõ poko. Soutatu tõ taorihmapose eya 185 miumãkomo. Mame imehnõ typakase ahtao aorihtyã ekepyry rokẽ tonese eya xine.

1 Koronika 1:14

Imehnõ zũme roropa Kanaã kynexine: jepuseu tomo te, amoreu tomo te, kirikaseu tomo te,

2 Koronika 3:1

Ritonõpo Tapyĩ esary tymenekase tuisa Tawi a, Saromão zumy a Jerusarẽ po, ypy Moria po. Moroto Ritonõpo osenepotopõpyry kynexine Tawi a, Arauna, jepuseu erohtopõpyry po tiriiku apory poko.

2 Koronika 32:21

Mame tynenyokyhpyry tonyohse Ritonõpo a, soutatu tõ emero totapase eya, axirio tõ tuisary tõ maro. Naeroro tuisa Senakeripe toeramase ropa toehxirose toexiryke, tynonory pona ropa. Moromeĩpo tyneponãmary eahmatoh tao ahtao, imũkuru tomo a totapase ynororo tapema ke.

Saumu 135:14

Izyraeu tõ ewomãko Kuesẽkõ mana; typoetory tõ pyno exĩko mana.

Saumu 35:6

Ah toto esemary xinukutumehme sã nexino, tykohmãse samo, piserehkatoh sã roropa toto ekahmaryhtao Ritonõpo nenyokyhpyry a!

Saumu 78:38

Yrome typoetory tõ wãnopyry se pyra Ritonõpo kynexine. Toto onenahkara kynexine, toto rypyry tykorokase eya. Tuhke rokẽ typoetory tõ zehno toehtoh tymynyhpãkapose eya totypohse ynororo toto zehno toexiry poko, toto onuãnohpyra toehtohme.

Saumu 90:13

Ritonõpo, opoetory tõ eneko ropa. Otara ahtao yna zehno oehtoh enahnõko nae? Yna poko oenupunako, opoenõme ynanase.

Exutu 12:13

Munu, tapyi omõtoh ehpiry poko eneryhtao ya enetupuhnõko ase Izyraeu tõ tapyĩme exiry poko. Ejitu põkõ wãnopyryhtao ya, moro munu eneryhtao ya, epozakuroko ytõko ase etypohpyra ase, oryhmara xine exĩko ase.

Exutu 12:23

Ejitu põkõ etapase Ritonõpo ytoryhtao moro munu enẽko mana omõtoh ehpiry poko. Tynenyokyhpyry anaropopyra mana atapyĩ tõ taka oetapatohkõme.

Exutu 32:14

Naeroro, “Teh,” tykase rokẽ Ritonõpo. Izyraeu tõ onenahkapopyra tokurehse ynororo.

Exutu 9:28

Oturuko Ritonõpo a. Epo mana konomeru, konopoimo topu tõ maro! Aaropotorỹko ropa ase. Taroino oneraximazomopopyra ase oya xine, tykase tuisa.

Izaja 27:8

Typoetory tõ tuãnohse ahtao Ritonõpo a tonyohse toto eya imehnõ namotome imeimehnõ nonory pona. Taropose toto eya puu karyke jamihme samo, tyryrykane jamitu ke xixi tũtatoh winoino.

Izaja 57:16

Ypoetory tõ zupokakehnõko ase, jũme pyra toto zehno exĩko ase; toto zehno exikehpyra jahtao orikyry toto, yrome isene ypoetory tõ tyrise ya, toto orikyry enery se pyra jexiryke.

Jeremia 26:19

Tõturuse ro mokaro tamuximãkomo: — Morarame urutõ Mikeja etapary se Ezekia tõ kynexine Juta tõ maro? Arypyra ipunaka! Ritonõpo zuno Ezekia toehse, aomiry omipona se toehse ynororo. Mame Ritonõpo toetyorõmase. Popyra ehtoh onenehpopyra toehse ynororo: “Enehpõko ase,” tykase ahtao eya osemazuhme. Seromaroro otara ãko sytatou? Popyra ehtoh enehpõko sytatou Ritonõpo a kuãnohtohkõme?

Jeremia 42:10

“Taro oexirykõ se ro awahtao xine, sero nono po ahnome oritorỹko ropa ase, oenahkapopyra xine exĩko ase; aarykatorỹko sã ase, amarokõ omukara xine roropa ase. Oenahkapotopõpyrykõ pokoino ya toemynyhmase ywy ipunaka.

Amoxi 7:3

Naeroro tõsenetupuhtoh tytyoromase Ritonõpo a, ynara tykase: — Onenehpyry exipyra exĩko mana.

Amoxi 7:6

Naeroro tõsenetupuhtoh tytyoromase Ritonõpo a. Ynara tykase ynororo: — Morohne roropa exipyra exĩko mana, tykase.

Apakuke 3:2

Ritonõpo, imehnõ nekarohpyry onyrihpyry poko totase ya, osenuruhkãko ase. Seromaroro morohne tyriko ropa ynaneneryme, pake onyrityã imehxo ehtopõpyry samo. Yna zehno awahtao ro yna pynanohko.

Zakaria 9:7

Tõsemy munu maro onõpyra toto ripõko ase, imepỹ onenahpopỹ aexihpyry roropa onenahpyra toto ripõko ase. Mame mokaro akoĩpyry ypoetoryme exĩko mã toto, Juta tõ maro exĩko mã toto. Ekorõ põkõ roropa ypoetory tõ maro exĩko mã toto, jepuseu tõ ehtopõpyry samo.

Maku 14:41

Morotoino oseruao toeramatoh toehse ahtao ynara tykase Jezu typoetory tomo a: — Nyhnõko ro matou? Nyhpyra ehtoko, imeĩpo onyhtohkõme. Seromaroro jewokãko toh mana, yzehnotokomo.

Atos 12:23

Morarame mokaro omiry etaryke tyya Erote zehno toehse Ritonõpo. “Arypyra ase Ritonõpo rokẽ imehxo mana,” kara exiryke. Naeroro Erote totapase rahkẽ Ritonõpo nenyokyhpyry a. Moromoro a tuhmokapose. Toorihse.

1 Korĩtiu 10:10

Ritonõpo poko tãtakirimase kytamurukomo. Naeroro taorihmapose toto Ritonõpo nenyokyhpyry a. Toorihse toto. Naeroro Ritonõpo poko atakirimara sehtone.

2 Korĩtiu 2:6

Mokyro rypyry motyẽkary se pyra ase zuãnopyry poko. Epo hnae mokyro wãnopyry oya xine.

Jozue 15:63

Yrome topekõkara, jepuseu tõ Jerusarẽ po exiketõ onenahkasaromepyra Juta tõ kynexine. Naeroro moroto ro mã toto seroae ro Juta tõ maro.

Juize 1:21

Yrome jepuseu tõ anaropopyra Pẽjamĩ tõ kynexine Jerusarẽ poe. Moroto Jerusarẽ po jepuseu tõ ehse. Moroto ro mã toto seroae ro Pẽjamĩ pakomotyã tõ maro.

1 Samueu 15:11

— Typenekehse ase ypoetory tõ esẽme Sauu ehtoh poko. Jurumekase ynororo, ynyripohpyry eya omipona pyra toehse, tykase Ritonõpo. Mame morara kary etaryke tyya toemynyhmase Samueu yronymyryme. Sauu poko tõturuse ynororo Ritonõpo a, Izyraeu tõ Esemy a opore, ẽmepyry pona.