2 Samueu 23:5 - Ritonõpo Omiry: A Bíblia Sagrada na língua Aparai do Brasil

⁵ Moro saaro kure rokẽ ypoenõ, ypakõ roropa rĩko Ritonõpo mana, tõmihpyry totapose ya exiryke, jũme onytyorõmara ehtohme. Moro poko rokẽ penetãko ase; moro ke rokẽ orẽpyra exĩko ase, moro rĩko Ritonõpo mana, anamonohpyra, zuaro ase.

2 Samueu 23:5 ပူးပေါင်းရင်းမြစ်များ

Jenexi 9:16

Taroino okohkuri oseneporyhtao akuru poko, enẽko ase. Mame wenikehpyra ase jomihpyry poko oya xine, emero isene exiketomo a sero nono põkomo a.

2 Samueu 12:10

Naeroro jomipona pyra toehse oexiryke, Uria pytỹpyry tapoise oya exiryke opytyme, jũme opoenõ, apakõ roropa etapãko imehnõ mana.”

2 Samueu 13:14

Yrome aomipona pyra toehse Amanõ. Jamihmehxo toexiryke ipoko toehse ynororo rahkene.

2 Samueu 13:28

Mame ynara tykase ynororo typoetory tomo a: — Etatoko pahne, toetỹse urui Amanõ ahtao, ourutorỹko ase: “Amanõ etapako,” ãko ase. Mame mokyro etapatoko. Enaromyra ehtoko. Ywy roro aorihmapõko ase oya xine. Orẽpyra ehtoko, tykase ynororo.

2 Samueu 18:14

— Oneraximara ase, tykase Joape. Mame oseruao warata ke tuose eya. Apisarão tuose eya eano pona, tyhwyme ro ynororo ahtao wewe poko.

2 Samueu 7:12

Mame toorihse awahtao, oekepyry tonẽse ahtao atamuru tõ ekepyry tõ maro, omũkuru menekãko ase tuisame ehtohme omyakãme. Tuisamehxo mokyro rĩko ase.

2 Samueu 7:18

Mame tuisa Tawi tomõse tapyi pitiko taka porohtohme Ritonõpo ẽpataka, ynara tykase ynororo Ritonõpo a: — Ritonõpo Imehxo Exikety, moino ro kure rokẽ kyriase kure jehtoh pokoino pyra, papa tõ kure ehtopõpyry pokoino pyra roropa.

1 Tuisa 1:5

Morarame Apisarão toorihse kynexine. Naeroro Tawi mũkuru tamuhpõmehxo exikety Atonia kynexine. Jeny Hakite kynexine. Orutua enekure kynexine ynororo. Mame emero rokẽ poko ynororo ahtao onupokara Tawi kynexine, tuisame toexiry se toehse ynororo. Kahu tõ etonatoh topekahse eya, kawaru tõ roropa. Orutua kõ 50me tymenekase eya tymaro toto ytotohme.

1 Tuisa 11:38

Jomiry omipona awahtao yronymyryme, zae ehtoh poko awahtao, jomihpyry omipona awahtao ypoetory Tawi ehtopõpyry saaro, amaro jũme exikehpyra ase. Izyraeu tõ esẽme orĩko ase. Mame Tawi ritopõpyry sã ya opoenõ, apakõ roropa rĩko ase tuisame omyakãme.

1 Tuisa 12:14

nuasemãkõ oturutopõpyry ae ro. Ynara tykase: — Papa nyrohmanohpotopõpyry oya xine omoxinety sã nexiase repe. Yrome moro motye orohmanohpõko ase, omoxihxo kuhse. Tuãnohse mexiatose papa a ahno pipohtoh ke. Yrome ywy pui pipohtoh ke awãnohtorỹko ase, tykase.

Saumu 111:9

Typoetory tõ tymyhpokase Ritonõpo a, tõmiry totapose roropa eya xine jũme onytyoromara ehtohme. Kure mana jamihme roropa!

Saumu 119:81

Tapotũkehse ase, ypynanopyry eraximary poko oya; õmihpyry zae ehtoh enetupuhnõko ase.

Saumu 27:4

Toiro ekaropoase Ritonõpo a, moro se rokẽ ase eya: Itapyĩ tao jexiry se ase jũme, isene ro jahtao, atãkyematohme kure aexiry poko, zae ehtoh poko ekaropotohme eya.

Saumu 62:2

Ynoro rokẽ jewomãko mana, ypynanohnõko mana; jewomaneme mana, jũme yporemãkapopyra mã toto.

Saumu 89:3

Ynara mase: “Ypoetory Tawi tymenekase ya, jomiry etapoase eya, ynara ase eya:

Izaja 11:1

Tawi tõ tuisame ehtopõpyry imũkuru maro ipakomotyã maro wewe akotyhpyry sã mana; yrome amoriry ahtary sã wewe ãtykyrỹpyry wino, imepỹ tuisa enurũko mana Tawi parỹpyryme, Jese mũkuru.

Izaja 27:6

Ẽmepyry oehnõko: Izyraeu tõ wewe tymise exikety sã exĩko mana, ahtãko, ekutãko, eperytãko mã toto, moro epery ke sero nono pehkãko mana.

Izaja 4:2

Morara ahtao, “Amoriry Ahtasenano” Ritonõpo Kuesẽkõ poe ahtãko jamihme te, kurã roropa. Izyraeu põkõ, isene ro exiketõ tãkye exĩko mã toto; epyrypaketõ sã exĩko mã toto Ritonõpo nekarotyã kurã poko tapoise ahtao tyya xine.

Izaja 54:10

Otarame ypy tõ ohpahnõko mã kehko emorymã tõ roropa, yrome opyno jehtoh jũme exikehpyra exĩko mana, omi ynetapohpyry ae ro jũme osepeme exikehpyra exĩko sytase.’ ” Morara ãko Ritonõpo mana opynoto.

Izaja 55:3

Etatoko pahne ya osehtoko, otato ehtoko isene oehtohkõme! Jomiry etapõko ase oya xine, jũme exiketyme: kure rokẽ oritorỹko ase, jomihpyry ae ro Tawi a.

Izaja 61:8

Ynara ãko Ritonõpo mana: “Zae imehnõ riry yzamaro mana, ematonanopyry se pyra ase ipunaka, imehnõ ryhmary roropa. Anamonohpyra ase, kurã ke rokẽ ypoetory tõ epehmãko ase, jũme jomiry etapõko ase roropa eya xine.

Izaja 7:14

Naeroro typoero Ritonõpo enetupuhpotoh ekarõko oya xine mana: oryximã, orutua maro exipitopỹ, poetoẽme exĩko mana, emũkuãko mana orutuame, mame esehpãko mana Emanueume (Ritonõpo kymaro xine mana.)

Jeremia 32:40

Jomiry etapõko ase eya xine: jũme kure rokẽ toto onyrikehpyra ase; toto rĩko ase juno toto ehtohme yronymyryme, jũme jurumekara ropa toto ehtohme.

Jeremia 33:21

Moro saaro ynetapohpyry ypoetory Tawi a onytyoromasaromepyra ase. Naeroro ipary exikehpyra exĩko tuisame, jũme. Ynetapohpyry roropa urutõ komo, Rewi ekyry tomo a, onytyoromasaromepyra ase, jũme erohkehpyra mã toto ypoetoryme Ytapyĩ tao.

Ezekieu 37:26

Jomiry etapõko ase eya xine jũme osepeme kuehtohkõme, towomaneke toto ehtohme. Toto emãkapõko ase, Ytapyĩ rĩko ase toto rãnao jũme moroto jehtohme.

Amoxi 9:11

Ynara ãko Ritonõpo mana: — Moro ẽmepyry toehse ahtao tuisame Tawi ehtopõpyry kurãkãko ropa ase, tapyĩpo aepukahpyry sã toehse exiryke. Irakatopõpyry apuru tõ apuhnõko ropa ase, ikurãkãko ropa ase, tyrĩko ropa ase. Kure exĩko ropa mana osemazuhme aehtopõpyry samo.

Atos 13:34

— Ynara mã tymerose ropa Ritonõpo omiryme Jezu ẽsemãkary ropa poko orihzomopyra aehtohme: “Kure rokẽ oritorỹko ase, jomihpyry ae ro Tawi a,” tykase Ritonõpo Tumũkuru a.

Epereu 13:20

Ritonõpo a Kuesẽkõ Jezu tõsemãkapose ropa aorihxĩpo, Kuesẽkõme imehxo aehtohme, toorihse exiryke kymyakãkõme. Aorikyry ke kukurãkatamitukõ topehmase eya, jũme Ritonõpo poenõme kuehtohkõme.

Epereu 6:19

Ritonõpo omihpyry ae kuytorykõ eraximãko sytatose Ritonõpo esaka. Aomiry onurumekara sytatose. Oserehpyra sytatose kukurohtao xine. Kuesẽkõ onenetupuhkehpyra sytatose roropa. Imaro Ritonõpo esaka ytõko sytatose. Seromaroro tapurepyra toehse mana. Topohme ytõko sytatose Ritonõpo esaka.

1 Samueu 2:35

Mame ypoetory zae exikety menekãko ase, jomipona exikety. Ynyripory rĩko roropa mana. Emero ipoenõ rĩko ase kure rokene, ipakomotyã roropa; ypoetory maro erohketõme exĩko mã toto jũme, ynymenekahpyry maro tuisame.

1 Samueu 25:28

Ajohpãme sã zae pyra jehtopõpyry ikorokapoko. Mame Ritonõpo orẽpyra orĩko mana, okynã sã tuisame oehtohme opoenomo te, apakomotyã roropa, enara. Ynara exiryke, Ritonõpo omipona rokẽ etonãko mase. Morara awahtao zae rokẽ mase exĩko oorikyryponãmero, tykase.